Fréttablaðið - 11.11.2017, Qupperneq 40

Fólk er kynningarblað sem býður auglýsendum
að kynna vörur og þjónustu í formi viðtala og um-
fjallana. Í blaðinu er einnig hefðbundið ritstjórnar-
efni. Blaðið fylgir fréttablaðinu daglega.
Umsjónarmenn efnis: Elín Albertsdóttir, elin@365.is, s. 512 5349 | Ragnheiður Tryggvadóttir, heida@365.is,
s. 512 5367 | Sólveig Gísladóttir, solveig@365.is, s. 512 5351 Sigríður Inga Sigurðardóttir, sigriduringa@365.
is, s. 512 5372 | Starri Freyr Jónsson, starri@365.is, s. 512 5358 | Vera Einarsdóttir, vera@365.is, s. 512 5357
Útgefandi:
365 miðlar
Ábyrgðarmaður:
Svanur Valgeirsson
Sölumenn: Atli Bergmann, atlib@365.Is, s. 512 5457 | Jóhann Waage, johannwaage@365.Is, s. 512 5439 |
Jón Ívar Vilhelmsson, jonivar@365.Is, s. 512 5429 | Ólafur H. Hákonarson, olafurh@365.Is, s. 512 5433
Starri Freyr
Jónsson
starri@365.is Það eru bara svo
mikil forréttindi
að fá að ferðast
um heiminn og
gera það sem
manni finnst
skemmtilegast.
Ég hef túrað
og unnið með
fjölmörgum
listamönnum og
lært mikið á því
að fylgjast með
hvernig þeir
vinna og hugsa.
MYND/SAGA
SIGURÐARDÓTTIR
Tónlistarmaðurinn Arnar Guð-jónsson, löngum kenndur við rokksveitina Leaves, fór
í fyrsta gítartímann tíu ára gamall
og vissi um leið hvert hugur hans
stefndi. Hann hefur starfað við
tónlist stærstan hluta fullorðinsára
sinna, lengstum sem gítarleikari og
söngvari Leaves.
Síðasta plata sveitarinnar kom
út árið 2013 og hefur Arnar ein-
beitt sér að öðrum og spennandi
verkefnum undanfarin ár. Á síðasta
ári gaf hann út plötuna Grey Mist
of Wuhan sem er eins konar óður
til kínversku iðnaðarborgarinnar
Wuhan. Einnig hefur hann hafið
samstarfsverkefni með Hrafni
Thoroddsen úr Ensími undir
heitinu Warmland og gefið út þrjú
lög. Fyrsta sólóplata hans er líka í
vinnslu þannig að enginn skortur
er á verkefnum þessa dagana.
Auk lagasmíða rekur hann eigið
hljóðver, Aeronaut Studios, þar
sem hann hefur starfað með fjöl-
mörgum innlendum og erlendum
tónlistarmönnum undanfarin ár.
Sameiginlegur þráður
Nýjasta afurð hans er hins vegar
plata með tónlist úr heimildar-
myndinni L’homme qui voulait
plonger sur Mars (Maðurinn
sem vildi kafa á Mars). Leikstjóri
myndarinnar, Thierry Robert, og
Arnar eiga sameiginlegan vin á
Íslandi og þegar Thierry var að
leita að tónlist fyrir mynd á síðasta
ári benti sameiginlegi vinurinn
honum á Arnar. „Thierry hlustaði
á Grey Mist of Wuhan og tónlistin
smellpassaði þar inn. Hann notaði
hana því sem hljóðmynd (e. sound-
track) heimildarmyndarinnar.
Fljótlega eftir að því verkefni lauk
vildi Thierry fá mig til að gera tón-
listina við næstu mynd og hana
gerði ég alveg frá grunni.“
Arnar segir að Thierry hafi viljað
hafa tónlistina stóra og drama-
tíska, ekki ósvipaða og í stórri
Hollywood-mynd. „Þótt tónlistin
úr myndinni sé ólík Grey Mist of
Wuhan þá er þarna einhver þráður
sem tengir plöturnar tvær en ég
beiti svipaðri aðferðafræði þegar ég
bý tónlistina til. Myndin flakkar á
milli þess að vera nokkuð hefð-
bundin heimildarmynd yfir í að
vera mjög draumkennd og því fær
tónlistin að spila stóra rullu og vera
oft í forgrunni.“
Small allt saman
Platan Grey Mist of Wuhan varð
einhvern veginn til í höndunum á
honum segir Arnar. „Ég var að túra
með Bang Gang og seinna Leaves
í Kína og þessi borg, Wuhan, sat
einhvern veginn í mér. Mér fannst
hún drungaleg og grá iðnaðarborg,
sveipuð einhverri dulúð sem varð
svo kveikjan að þessu verkefni sem
átti að vera smá hvíld frá popp-
inu. Platan var seinna tilnefnd til
Íslensku tónlistarverðlaunanna
sem plata ársins í opnum flokki.“
Samstarfsverkefnið Warmland
varð til fyrr á þessu ári en þeir
Hrafn hafa leigt stúdíórými saman
í nokkur ár. „Ég var byrjaður að
vinna nokkur lög þar sem ég
trommaði sjálfur, spilaði á bassa
og notaði hljóðgervla. Lagið Lyda
fæddist og nafnið Warmland var
tilbúið. Þá hóaði Hrafn í mig á
fund og langaði að leyfa mér að
heyra nokkrar hugmyndir sem
hann var með. Þetta small bara
allt saman og við tókum ákvörðun
um að sameina krafta okkar undir
nafninu Warmland.“ Sveitin spilaði
á fyrstu tónleikum sínum á Iceland
Airwaves hátíðinni í síðustu viku
við mjög góðar undirtektir. Þeir
félagar vinna nú hörðum höndum
að plötu í fullri lengd sem á að
koma út á næsta ári.
Óvæntur frami
Frami Leaves var skjótur og
óvæntur á sínum tíma. Eftir að
söngkonan Emilíana Torrini tók
demóupptökur þeirra á fund í
Bandaríkjunum fór boltinn að rúlla
og eins og Arnar hefur sagt áður í
viðtölum, „við vorum rétta bandið
á réttum tíma“. Sveitin skrifaði
undir samning við nýlega stofnað
útgáfufyrirtæki, Dreamworks, og
fyrsta plata þeirra, Breathe, kom
út árið 2003. Hún komst m.a. í 71.
sæti á breska breiðskífulistanum
auk þess að vera valin ein af bestu
plötum ársins hjá breska tónlistar-
tímaritinu Q Magazine. Næstu árin
einkenndust af fleiri plötum og fjöl-
mörgum tónleikaferðalögum um
allan heim þar sem Leaves hitaði
m.a. upp fyrir heimsfrægar sveitir á
borð við Stereophonics, Doves og
Supergrass.
Þegar Arnar lítur til baka segir
hann að upp úr standi allir þeir
vinir sem hann hefur eignast á
þessum tíma. „Það eru bara svo
mikil forréttindi að fá að ferðast
um heiminn og gera það sem
manni finnst skemmtilegast. Ég hef
túrað og unnið með fjölmörgum
listamönnum og lært mikið á því
að fylgjast með hvernig þeir vinna
og hugsa. Það getur nefnilega verið
hættulegt að loka sig inni einn í
sínum pælingum. Mér finnst ég
líka ótrúlega heppinn að fá svona
marga flotta listamenn og listakon-
ur inn í stúdíóið mitt. Það hefur
hjálpað mér að þróast og vaxa sem
tónlistarmaður.“
Af hljómleikaferðum um heim-
inn segir hann að ferðirnar til Kína
séu sérstaklega eftirminnilegar.
„Menningin er svo ólík og það er
svo stutt síðan landið var alveg
lokað. Það var frábært að spila fyrir
Kínverjana, þeir voru mjög þakk-
látir og skemmtilegir áhorfendur.
Svo fóru allir í röð eftir tónleikana
til að fá eiginhandaráritun.“
Fjölskyldan mikilvæg
Eftir að hafa starfað við tónlist
svo lengi segist Arnar lítið hafa
hugsað út í annan starfsvettvang.
„Ég er ekki með neitt varaplan ef
ég verð leiður á tónlistinni. Enda
get ég alveg séð mig sem áttræðan
að semja einhverja framúrstefnu-
tónlist. Tónlistin á vafalaust eftir
að verða stór hluti af mér út ævina
þótt maður viti aldrei hvaða tæki-
færi bjóðast í framtíðinni.“
Aðspurður hvort það freisti hans
stundum að starfa erlendis segir
hann vissulega oft erfitt að vinna á
svona litlum markaði. „Hugurinn
hefur oft leitað út og ég ætla ekki
að útloka það að flytja einhvern
tíma og freista gæfunnar annars
staðar. En það eru bara svo mikil
lífsgæði hér á Íslandi. Hér er fjöl-
skyldan og vinir og hér er gott að
búa þótt verðlagið sé orðið fárán-
lega hátt.“
Þrátt fyrir mikið annríki reynir
Arnar að vinna eins lítið og hann
getur um helgar. „Mér finnst mikil-
vægt að eyða tíma með konunni
minni og tveimur börnum. Mitt
helsta áhugamál fyrir utan tón-
listina er fótboltinn. Reyndar horfi
ég ekki á enska boltann og á ekkert
uppáhaldsfélag. Ég spila þó fót-
bolta 2-3 sinnum í viku og ætla að
gera það þangað til líkaminn segir
stopp. Annars fer helgin líklega í
það að undirbúa afmæli barnanna
sem verður haldið á sunnudaginn.
Svo er dóttir mín með tónleika í
Salnum ásamt Stúlknakór Reykja-
víkur á laugardagskvöldið.“
Ein öflugustu meltingarensím á
markaðnum í dag
• Áttu við meltingarvandamál að stríða?
• Ensím eru nauðsynleg fyrir meltingu og öll
efnaskipti líkamans.
• Betri melting, meiri orka!
• Söluhæsta meltingarvaran í Bandaríkjunum.
• 100% vegan hylki. Án fylliefna, bindiefna
eða annarra flæðiefna.
Útsölustaðir: Fæst í flestum apótekum,
heilsuverslunum og Fjarðarkaupum.
Ekki lengur útblásin eftir máltíðir!
„Ég hef haft psoriasis gigt í meira en 20 ár og hef tekið
töluvert af lyfjum þess vegna. Fyrir nokkrum árum fór ég að
eiga við magavandamál sem eru líklegast tilkomin vegna
lyfjanotkunar en fyrir utan magaónot og uppþembu var ég
alltaf þreytt og orkulaus. Ég hef prófað svo margt gegnum
tíðina en fundið lítinn mun, þar til ég kynntist Enzymedica
ensímunum. Þvílíkur munur og það besta er að ég fann
muninn strax. Ég er ekki lengur útblásin eftir máltíðir, hægðir
urðu fljótt reglulegar, orkan margfaldaðist og ég er ekki að
kljást við magavandamál lengur“.
Enzymedica 2x200 copy.pdf 1 22/09/2017 13:41
Hrafn Thoroddsen (t.v.) og Arnar Guðjónsson mynda dúettinn Warmland.
Fyrsta plata þeirra kemur út á næsta ári. MYND/JEANEEN LUND
2 KYNNINGARBLAÐ FÓLK 1 1 . N ÓV E M B E R 2 0 1 7 L AU G A R DAG U R
1
1
-1
1
-2
0
1
7

0
4
:1
5
F
B
1
2
8
s
_
P
0
8
9
K
.p
1
.p
d
f
F
B
1
2
8
s
_
P
0
8
8
K
.p
1
.p
d
f
F
B
1
2
8
s
_
P
0
4
0
K
.p
1
.p
d
f
F
B
1
2
8
s
_
P
0
4
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
3
1
-D
3
3
4
1
E
3
1
-D
1
F
8
1
E
3
1
-D
0
B
C
1
E
3
1
-C
F
8
0
2
7
5
X
4
0
0
.0
0
1
7
B

F
B
1
2
8
s
_
1
0
_
1
1
_
2
0
1
C
M
Y
K