Fréttablaðið - 17.11.2017, Qupperneq 4

Ferskur andardráttur
með Flux Fresh
Flux Fresh, munnskol og munnsogstöflur
gefa þér ferskan andardrátt og vinna
gegn andremmu
Fæst í apótekum
Nánari upplýsingar á www.fluxfluor.is
Ferðaþjónusta Sveitarstjórn Dala-
byggðar hefur borist tilboð í ferða-
þjónustuþorpið Laugar í Sælings-
dal. Tilboðsgjafinn hefur óskað
eftir trúnaði en sveitarstjórinn segir
kauptilboðið vel undir 530 milljóna
króna verðmiða sveitarfélagsins.
Sveitarstjórnin hefur óskað eftir
fresti til næsta þriðjudags til að
svara. Um er að ræða tilboð í jörð-
ina, jarðhitaréttindi, tjaldsvæði, 20
herbergja hótel og aðrar fasteignir,
þar á meðal heimavist með 26 her-
bergjum, íþróttamiðstöð og 25
metra langa sundlaug, á svæðinu
eða alls um fimm þúsund fermetra.
„Þetta er innlendur aðili sem er
með ósköp heilbrigð áform um
hótel rekstur. Í grunninn er þetta
gamall grunnskóli og fyrir 17 árum
var elsti hluti hans tekinn í gegn og
breytt í hótel. Þetta er dásemdar-
staður og ég heyri ekki betur en að
áformin séu mjög jákvæð og hann
hyggst fjölga hótelherbergjum,“
segir Sveinn Pálsson, sveitarstjóri
Dalabyggðar.
Dalabyggð auglýsti Laugar í
Sælingsdal til sölu í september í
fyrra. Sveitarfélagið keypti fast-
eignirnar af ríkinu árið 2013 og er
ásett verð nú 530 milljónir króna. Á
Laug um var áður rek inn grunn skóli
með heima vist en á seinni árum
hef ur þar verið rekið sum ar hót el
á veg um Hót els Eddu, dótturfélags
Icelandair-hótela,  og skóla búðir
Ung menna fé lags Íslands fyr ir börn
í 9. bekk grunn skóla að vetr in um.
Þá er þar einnig að finna byggða-
safn Dalamanna.
haraldur@frettabladid.is
Meta tilboð í ferðaþjónustuþorpið Laugar í Sælingsdal
Laugar í Sælingsdal fóru í sölu í september 2016. FréttabLaðið/Gar
skipulagsmál Stórtæk áform eru
nú uppi hjá félaginu Svarinu ehf. um
uppsetningu þjónustustöðva fyrir
ferðamenn við þjóðveginn víða um
land.
Skipulagsstofnun kynnir hug-
myndir  Svarsins í bréfi til Rangár-
þins eystra. Þar kemur fram að einn
aðstandenda félagsins, Halldór Páls-
son, hafi sent stofnuninni erindi og
kynnt málið starfsmönnum hennar
á fundi  fyrir rúmum tveimur mán-
uðum.
„Um er að ræða hugmynd um
byggingu þjónustustöðva fyrir
ferðamenn sem byggðar verði við
þjóðvegi víðs vegar um landið. Þær
verði með salernum, veitingasölu/
verslun í sjálfsölum, upplýsingum til
ferðamanna auk möguleika á lítilli
mannaðri verslun. Þá er gert ráð fyrir
hleðslu fyrir raftæki og rafbíla, rusla-
gámum og losun fyrir salernisúrgang
frá húsbílum,“  útskýrir  Skipulags-
stofnun.
Þá segir að gert sér ráð fyrir að
þjónustumiðstöðvunum sé valinn
staður við þjóðveg og auk framan-
greindra mannvirkja verði bílastæði,
hjólastæði, bekkir og borð.
„Með erindinu fylgdu teikningar af
þjónustumiðstöð sem samanstendur
af upplýsinga- og þjónusturými og
gangi með salerniseiningum, en fram
kemur að þjónustumiðstöðvarnar
geti verið misstórar, eftir því hvað
gert er ráð fyrir mörgum salernum.
Auk framangreinds kalla þjónustu-
miðstöðvarnar á tengingu við veitur
vegna vatns, rafmagns og fjarskipta,
auk rotþróa,“ segir Skipulagsstofnun.
Í bréfi Skipulagsstofnunar til
Rangárþings eystra er bent á að huga
þurfi að því hvernig áformin sam-
ræmist skilgreindri landnotkun og
stefnu sveitarfélaga  um þjónustu-
svæði fyrir ferðamenn. Skoða þurfi
hvernig áformuð staðsetning sam-
ræmist öðru framboði á þjónustu til
ferðamanna á svæðinu.
Eftir að Fréttablaðið spurðist fyrir
um málið hjá forsvarsmönnum
Svarsins í gær sendu þeir frá sér til-
kynningu um málið. „Svarið ehf.
hefur í samvinnu við Arkís arki-
tekta, EFLU verkfræðistofu, Ernst
& Young endurskoðunarfyrirtæki,
ásamt öðrum sterkum fyrirtækjum
unnið hörðum höndum að lausn við
salernismálum okkar Íslendinga,“
segir í tilkynningunni. Fyrstu stöðv-
arnar verði settar upp á Suðurlandi
á næsta ári.
„Þjónustumiðstöðvarnar verða
opnar allan sólarhringinn og inni-
halda sjálfhreinsandi salerni sem
þrífa bæði gólf og setu eftir hverja
notkun. Einnig verða gagnvirk upp-
lýsingaborð á nokkrum tungumálum
með upplýsingum um nærumhverf-
ið, internetaðgangur, hleðsla fyrir
raftæki og rafbíla, íslenskur mark-
aður, sjálfsalaverslun með ýmsum
vörum svo sem heitum og köldum
drykkjum, matvörum, minjagripum
og nauðsynjavörum fyrir ferðafólk,“
segir meðal annars.
„Þar sem fyrirtækið gerir ráð fyrir
sömu hönnun á öllum sínum stöðv-
um þarf að hafa í huga að staðbundin
sérkenni og aðstæður geta kallað á að
gerðar séu kröfur um mismunandi
útfærslu þjónustumiðstöðvar með
tilliti til staðhátta,“ undirstrikar
Skipulagsstofnun.
Sveitarstjórn Rangárþings eystra
þakkaði fyrir kynninguna en tók
enga afstöðu til málsins.
gar@frettabladid.is
Þjónustustöðvar víða um land
Fyrirtækið Svarið ehf. áætlar rekstur þjónustustöðva fyrir ferðamenn við þjóðvegi víða um land. Þar eiga
að vera snyrtingar, hleðslustöðvar, veitingasala, internetaðgangur og móttaka salernisúrgangs frá húsbílum.
Hönnun arkís á þjónustuhúsum Svarsins er sögð vera í „nútímalegum torfbæjarstíl“. Mynd/arkíS
Þar sem fyrirtækið
gerir ráð fyrir sömu
hönnun á öllum sínum
stöðvum þarf að hafa í huga
að staðbundin sérkenni og
aðstæður geta kallað á að
gerðar séu kröfur um mis-
munandi útfærslu.
Skipulagsstofnun
DanmÖrk Þörf er fyrir fleiri vinnandi
hendur í Póllandi um þessar mundir,
einkum í byggingariðnaði, félagslegri
þjónustu og heilbrigðiskerfinu. Efna-
hagslífið blómstrar og atvinnuleysið
hefur sjaldan verið minna, að því er
segir í frétt danska ríkisútvarpsins.
Sendiherra Póllands í Danmörku,
Henryka Moscicka-Dendys, hefur að
undanförnu heimsótt vinnustaði þar
sem Pólverjar eru við störf. Þar hefur
hún greint frá því að laun hafi hækk-
að í Póllandi og að vinnuaðstæður séu
orðnar betri.
Um 38 þúsund Pólverjar eru nú við
störf í Danmörku. Samtök iðnaðarins
þar hafa áhyggjur af mögulegri brott-
för pólskra verkamanna. Þeir séu nú
yfir fjórðungur erlends vinnuafls frá
aðildarríkjum Evrópusambandsins.
– ibs
Pólverjar þurfa
meira vinnuafl
Halldór Pálsson,
forsvarsmaður
Svarsins ehf.BanDaríkin Öldungadeildarþing-
menn beggja flokka í Bandaríkj-
unum kölluðu í gær eftir því að
siðanefnd þingsins rannsakaði
ásakanir á hendur Als Franken,
öldungadeildarþingmanns Demó-
krata. Fréttakonan Leeann Tweeden
sakaði Franken um að hafa troðið
tungu sinni  upp í hana óumbeð-
inn. Þá birti hún myndir þar sem
Franken sást káfa á henni sofandi.
Chuck Schumer, þingflokksfor-
maður Demókrata í öldungadeild-
inni, sagðist vonast eftir rannsókn
sem fyrst. „Kynferðisleg áreitni
er aldrei í lagi og hún verður ekki
liðin,“ sagði Schumer. – þea
Vilja rannsókn
á máli Franken
Um 38 þúsund Pólverjar
eru nú við störf í Danmörku.
Samtök iðnaðarins þar hafa
áhyggjur af mögulegri
brottför pólsks verkafólks.
slys Tvær erlendar konur slösuð-
ust alvarlega í árekstri jepplings
og snjóruðningstækis á þjóðvegi
eitt við Ketilsstaði, skammt austan
afleggjarans við Dyrhólaey síðdegis
í gær. Konurnar voru á ferðalagi um
Ísland.
Sjúkrabílar sóttu ferðamennina
og óku með þá til móts við þyrlu
Landhelgisgæslunnar. Þyrlan tók
við þeim við Skóga og flutti  kon-
urnar á sjúkrahús í Reykjavík.
Samkvæmt upplýsingum frá lög-
reglunni slasaðist ökumaður snjó-
ruðningstækisins ekki. Bæði öku-
tækin voru óökuhæf eftir slysið.
Þjóðveginum var lokað fyrst eftir
slysið en síðan var umferð hleypt
á í hollum á meðan lögreglumenn
rannsökuðu vettvang slyssins. Lög-
reglumenn voru við störf fram eftir
kvöldi.
Samkvæmt upplýsingum frá
Vegagerðinni var snjóþekja eða
hálka víða á Suðurlandi í gær. – jhh
Alvarlegt bílslys varð á Suðurlandi
Snjóruðningstækið var óökufært eftir áreksturinn. Mynd/HaLLi GíSLa
1 7 . n ó v e m B e r 2 0 1 7 F Ö s t u D a g u r4 F r é t t i r ∙ F r é t t a B l a ð i ð
1
7
-1
1
-2
0
1
7

0
4
:4
9
F
B
0
7
2
s
_
P
0
6
9
K
.p
1
.p
d
f
F
B
0
7
2
s
_
P
0
5
6
K
.p
1
.p
d
f
F
B
0
7
2
s
_
P
0
0
4
K
.p
1
.p
d
f
F
B
0
7
2
s
_
P
0
1
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
3
E
-0
9
E
0
1
E
3
E
-0
8
A
4
1
E
3
E
-0
7
6
8
1
E
3
E
-0
6
2
C
2
7
5
X
4
0
0
.0
0
1
3
B

F
B
0
7
2
s
_
1
6
_
1
1
_
2
0
1
C
M
Y
K