Morgunblaðið - 28.02.2017, Qupperneq 2

2 FRÉTTIRInnlent
MORGUNBLAÐIÐ ÞRIÐJUDAGUR 28. FEBRÚAR 2017
Aðalfundur
Aðalfundur landssamtakanna Spítalinn okkar verður
haldinn fimmtudaginn 2. mars 2017 kl. 16.00
á Icelandair Hótel Reykjavík Natura Víkingasal.
Dagskrá aðalfundar
1. Kosning fundarstjóra og fundarritara
2. Skýrsla stjórnar lögð fram
3. Reikningar lagðir fram til samþykktar
4. Lagabreytingar
5. Ákvörðun félagsgjalds
6. Kosning stjórnar og tveggja skoðunarmanna reikninga
7. Önnur mál.
Að loknum aðalfundarstörfum mun Gunnar Svavarsson, fram-
kvæmdastjóri NLSH kynna áfangana í Hringbrautarverkefninu og
Ögmundur Skarphéðinsson arkitekt hjá hönnunarteyminu Corpus3
segja frá hönnun meðferðarkjarna nýbygginga Landspítala við
Hringbraut.
Lokaorð flytur Nichole Leigh Mosty alþingismaður og formaður
velferðarnefndar Alþingis.
Stjórnin.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Vilhjálmur A. Kjartansson
vilhjalmur@mbl.is
„Í tilefni dagsins ákváðum við að
fara nokkrar stelpur inn á karlakló-
settið á Háskólatorgi. Það var eng-
inn karlmaður við pissuskálarnar en
við sáum að þeim sem voru þar fyrir
var dálítið brugðið jafnvel þó þeir
hafi eingöngu verið við vaskinn að
þvo á sér hendurnar,“ segir Ingileif
Friðriksdóttir, formaður jafnréttis-
nefndar SHÍ, en í gær hófust Litlu
jafnréttisdagar Stúdentaráðs og í til-
efni af því voru klósett í byggingum
skólans merkt kynlaus.
„Með þessu viljum við vekja
máls á því jafnréttismáli að salerni
séu kynlaus. Í háskólanum, líkt og al-
mennt í samfélaginu, er hópur fólks
sem skilgreinir sig utan kynjakerf-
isins, trans eða með öðrum hætti, og
það getur valdið því fólki miklum
kvíða og áhyggjum að gera jafn sjálf-
sagðan hlut og fara á klósettið.“
Spurð um gagnrýni á verkefnið
segist Ingileif ekki hafa orðið vör við
sterk viðbrögð gegn kynlausum kló-
settum en viðurkennir að vissulega
vakni margvíslegar spurningar.
„Þar sem hefðbundin klósett eru í
lokuðum rýmum á þetta ekki að vera
vandamál en vissulega eru á mörg-
um karlaklósettum pissuskálar og
eðlilega finnst einhverjum strákum
það óþægilegt að stelpur gangi þar
inn. Þetta snýst ekki um að útrýma
pissuskálinni heldur benda á þann
vanda sem ákveðinn hópur í sam-
félaginu upplifir daglega,“ segir
Ingileif og áréttar að átakið eigi að
ýta undir umræðu.
„Okkur finnst eðlilegt að í nýj-
um byggingum háskólans sé gert
ráð fyrir kynlausum klósettum og að
reynt sé að koma því þannig fyrir að
þar sem eingöngu er um hefðbundin
klósett að ræða í eldri byggingum
skólans séu klósett ekki merkt sér-
staklega fyrir karlmenn eða konur.“
Kynlaus klósett í Háskólanum
 Jafnréttisnefnd Stúdentaráðs Háskóla Íslands hefur merkt klósett skólans
kynlaus í tilefni Litlu jafnréttisdaganna  Ætla þó ekki að útrýma pissuskálinni
Strákur eða stelpa? Fjöldi klósetta sem einstaklingur getur valið um
hefur tvöfaldast í HÍ því engin sérmerking er lengur á klósettum skólans.
Einn þekktasti knattspyrnumaður þjóðarinnar
frá fyrri tíð, Ríkharður Jónsson, var jarðsung-
inn frá Akraneskirkju í gær. Núverandi og
fyrrverandi meistaraflokksmenn ÍA stóðu heið-
ursvörð þegar kista Ríkharðs var borin út en
það voru barnabörn hans sem báru kistuna.
Fremstir voru Ríkharður Daðason og Rík-
harður Jónsson, síðan Hallbera Rún Þórð-
ardóttir og Stefán Orri Sverrisson, Hrafnhildur
Ýr Kristjánsdóttir og Anna Anderson og aftast
Ólafur Dór Baldursdóttir og Kolbrún Ýr Krist-
jánsdóttir.
Ljósmynd/Skessuhorn
Stóðu heiðursvörð fyrir Ríkharð Jónsson
Lögreglan á Suðurlandi rannsakar
nú hrinu innbrota á Selfossi að und-
anförnu. Um vika er síðan brotist
var inn í fjögur einbýlishús í bæn-
um og í öllum tilvikum með sama
lagi; brotin var rúða bakdyramegin
og farið þar inn í húsin og stolið
gjaldeyri, skartgripum og snyrti-
vörum og miklu rótað til. „Verks-
ummerki og aðferðir eru jafnan
hinar sömu og það gefur tilefni til
að ætla að þarna hafi sama fólk
verið að verki í öllum tilvikum,“
segir Þorgrímur Óli Sigurðsson
aðstoðaryfirlögregluþjónn.
Á síðustu dögum hafa lögreglu-
menn á Selfossi lagt talsverða
vinnu í rannsókn og eftirgrennslan
vegna þessa, án þess að hafa upp-
lýst málið. „Svona tíð innbrot og öll
með sömu aðferðum koma sjaldan
hér í bæ,“ segir Þorgrímur Óli.
Hann segir grunsemdir um að par
hafi verið að verki og þegar erlend-
um gjaldeyri sé stolið sé ekki úr
vegi að ætla að gerendurnir séu af
erlendu bergi brotnir. sbs@mbl.is
Stela skarti,
snyrtivörum
og gjaldeyri
 Innbrotahrina á
Selfossi í rannsókn
Jórunn Viðar tón-
skáld lést í gær,
mánudaginn 27. febr-
úar, í Reykjavík, 98
ára að aldri. Jórunn
fæddist 7. desember
1918 í Reykjavík.
Foreldrar hennar
voru hjónin Einar
Viðar, bankaritari og
söngvari, og Katrín
Viðar, píanókennari
og verslunareigandi.
Jórunn varð stúd-
ent frá Mennta-
skólanum í Reykjavík
árið 1937. Hún lærði
á píanó hjá móður sinni Katrínu
Viðar, Páli Ísólfssyni og Árna Krist-
jánssyni og lauk burtfararprófi frá
Tónlistarskólanum í Reykjavík
átján ára gömul árið 1936. Á ár-
unum 1937-1939
stundaði Jórunn fram-
haldsnám í píanóleik
við Hochschule für
Musik í Berlín. Á
stríðsárunum, 1943-
1945,var Jórunn í Ju-
illiard School of Music
í New York og lærði
þar tónsmíðar.
Að loknu námi sneri
Jórunn aftur heim til
Íslands en hún hefur
sett sitt mark á ís-
lenskt tónlistarlíf æ
síðan. Jórunn samdi
tónlistina við fyrsta ís-
lenska ballettinn, Eldur, og fyrstu
íslensku kvikmyndatónlistina við
myndina Síðasti bærinn í dalnum.
Þá samdi Jórunn ótal sönglaga sem
eru mörg afar vinsæl meðal þjóð-
arinnar eins og Jól og Það á að gefa
börnum brauð.
Jórunn kenndi í Söngskólanum í
Reykjavík og vann mikið með Þuríði
Pálsdóttur söngkonu. Hún spilaði
oft undir á píanó með Þuríði en
saman voru þær einnig með barna-
tíma í útvarpinu í mörg ár. Jórunn
var fyrsta og eina konan í Tón-
skáldafélagi Íslands í um tvo ára-
tugi. Hún hlaut heiðursverðlaun Ís-
lensku tónlistarverðlaunanna árið
2004 og heiðurslaun listamanna frá
Alþingi oftar en einu sinni.
Tónlist Jórunnar hefur tekið sér
bólfestu í hjarta íslensku þjóð-
arinnar og naut Jórunn mikillar
virðingar meðal starfsbræðra sinna.
Jórunn kvæntist Lárusi Fjeldsted
forstjóra (f. 1918, d. 1985). Þau eign-
uðust þrjú börn, Lárus f. 1942,
Katrínu f. 1946 og Lovísu f. 1951.
Andlát
Jórunn Viðar tónskáld
Grípa þarf til aðgerða til að koma í
veg fyrir kennaraskort á Íslandi,
segir í nýrri stjórnsýsluúttekt Rík-
isendurskoðunar. Þar kemur fram
að frá árinu 2009, þegar kenn-
aranám var lengt úr þremur árum
í fimm, hafi skráðum nemendum
við kennaradeildir háskólanna
fækkað mjög. Skólarnir nái ekki
að brautskrá nógu marga til að
viðhalda eðlilegri nýliðun í stétt-
inni.
Talið er að um 60% menntaðra
leikskólakennara og um helmingur
menntaðra grunnskólakennara séu
við kennslustörf í leik- og grunn-
skólum landsins. Það bendir til að
kennaraskortur verði ekki ein-
göngu leystur með fjölgun kenn-
aranema heldur sé einnig mik-
ilvægt að laða menntaða kennara
til starfa og hvetja þá til að halda
áfram störfum innan stéttarinnar.
Kennara-
skortur í
uppsiglingu
 Grípa þarf til aðgerða