Freyr - 01.04.2007, Side 6

Fjölbreytt
og mikilvæg
störf hjá BÍ
Hjá Bændasamtökunum starfa tæplega 60
manns víða um landið þó að meginþorrinn sé
staðsettur í Bændahöllinni í Reykjavík. Þau
eru fjölþætt störfin sem unnin eru hjá sam-
tökunum, allt frá matseld og símavörslu til
forritunar og hönnunar landbúnaðarbygg-
inga. Blaðamaður Freys tók nokkra starfs-
menn tali og kynnti sér verksvið þeirra.
SÍMAMÆRIN OG SKRIFSTOFUSTÚLKAN
Jóhanna Lúðvíksdóttir hefur unnið hjá
Bændasamtökunum í 19 ár en hún byrjaði
í tölvudeild þar sem hún sá um skráningu
í sauðfjár- og nautgriparækt. Síðar breytt-
ist vinnufyrirkomulag Jóhönnu þegar hún
hóf að vinna hálfan daginn I tölvudeildinni
og hálfan dag í skjalasafni þar sem hún sá
einnig um vinnuskýrslur starfsfólks. Það var
síðan fyrr á árinu sem hún kom alfarið upp
af annarri hæðinni, þar sem tölvudeildin er
staðsett, og upp á þriðju hæð. Nú heldur
hún utan um áskriftir, bóksölu og reikninga
svo fátt eitt sé nefnt. „Mér líkar mjög vel hér
í Bændahöllinni, síðan bý ég hér nálægt svo
það er stutt að fara. Mér finnst gaman þegar
bændur og aðrir hringja og gerast til dæmis
áskrifendur að Bændablaðinu og spjalla við
mig í leiðinni og eru jákvæðir um lífið og
tilveruna."
Auður Oddgeirsdóttir og
Jóhanna Lúðvíksdóttir
Þeir sem hringja inn til Bændasamtakanna
kannast sennilega flestir við rödd Auðar
Oddgeirsdóttur sem stendur vaktina á síma-
num og leiðbeinir fólki á rétta staði. Hún
hefur unnið í tvö ár hjá Bændasamtökunum
en ásamt símavörslunni sér Auður um skrán-
ingu á til dæmis mjólkurskýrslum og fjárbók-
um. Áður en Auður réð sig hér til starfa vann
hún í dömudeildinni í Hagkaupum Smáralind
og þar áður starfaði hún sem sjálfstæður
atvinnurekandi við ræstingar. Auður segir
jafnt og þétt hringt inn til Bændasamtakanna
en þó komi stundum álagstímar: „Allir sem
eru innan Bændasamtakanna hafa aðgang
að fundarsölum hér og oft getur verið mikið
álag í kringum fundi. Einnig ef einhver mál-
efni tengd Bændasamtökunum eru í frétt-
um þá er mikið hringt inn, samanber þegar
ákveðið var að meina klámráðstefnufólki
aðgang að hótelinu fyrr á árinu. Þá voru
margir sem hringdu inn og sögðu sína skoð-
un," segir Auður og minnist einnig á að oft
geti verið skemmtilegt að lesa fjárbækur því
auðlesanlegt sé hversu vænt sauðfjárbænd-
um þykir um rollurnar sínar en hér fylgja ein
skondin ummæli um kind sem fannst dauð
úti í móa sem Auður ritaði hjá sér og heldur
upp á:
„Afvelta, upp í loft,
snéri austur/vestur,
útþanin og steindauð
(án alls gríns).
„ÁNÆGJULEGT AÐ STARFA
FYRIR HESTAMENN
Hulda G. Geirsdóttir er í hálfu starfi hjá
Félagi hrossabænda og Félagi tamninga-
manna sem hafa aðstöðu í Norðurálmunni
á þriðju hæð. I Félagi tamningamanna eru
um 400 félagar en rúmlega 1.200 í Félagi
hrossabænda. Innan Félags hrossabænda
eru síðan níu aðildarfélög vítt og breitt um
landið.
Hulda lauk BA-gráðu ( fjölmiðlun og
sagnfræði frá Colorado State University
í Bandaríkjunum árið 1992 og hefur verið
tengd fjölmiðlum síðan en hestabakteríuna
fékk hún þegar hún var sex ára gömul.
Hulda er öllum hnútum kunnug hjá Félagi
Hulda G. Geirsdóttir
Hrossabænda því þar vann hún á árunum
1996-2000 en þaðan fór hún til Eiðfaxa þar
sem hún ritstýrði erlendri útgáfu Eiðfaxa
og sérritum, t.d. um hrossarækt. „Ég er
ákaflega ánægð að vera komin heim ef
svo má segja. Ég er eini starfsmaður þess-
ara félaga og það er allt mögulegt sem
kemur inn á borð til min. Hér sinni ég til
dæmis almennri skrifstofuvinnu, vinn
úr verkefnum fyrir stjórnir og er nokk-
urs konar talsmaður félagsins. Mér finnst
ótrúlega gaman að starfa fyrir hestamenn,
þetta er skemmtilegur hópur. Ég hef kynnst
mörgu fólki og landsvæðum og eignast
vini í gegnum starfið. Það er gott að vinna í
Bændahöllinni, hér er gott fólk og gott og
heimilislegt andrúmsloft.
BEINGREIÐSLUR, GRIPAGREIÐSLUR OG
GÆÐASTÝRINGARÁLAG
Á félagssviði starfar Ómar Jónsson viðskipta-
fræðingur og sér um beingreiðslur, gripa-
greiðslur og gæðastýringarálag til bænda.
Hann fluttist yfir til Bændasamtakanna fyrir
sex árum frá Framleiðsluráði þar sem hann
vann við ýmis verkefni í 20 ár, siðustu árin
sem aðalbókari áður en það var aflagt.
Ómar Jónsson
„Ég hef líka unnið mikið við viðhald og
rekstur tölvukerfa i sambandi við skrán-
ingu framleiðsluupplýsinga, útreikning
beingreiðslna og ég vinn tölfræðilegar
samantektir úr þessum kerfum. Við erum
núna í þróunarvinnu með Helga Hrafni
Halldórssyni tölvunarfræðingi á nýju tölvu-
kerfi sem mun taka við af gamla afurða-
kerfinu," segir Ómar og bætir því við að í
6
FREYR 2007