Freyr - 01.04.2007, Síða 7
nóvember sé viss álagstími hjá sér því þá
þarf að gera upp og borga gæðastýringará-
lagið en einnig sé mikið að gera í kringum
1. október þegar mjólkuruppgjörið fer fram
og nýtt verðlagsár tekur við.
FORRITAR í ORACLE-GRUNNUM
Á annarri hæð Bændahallarinnar er tölvu-
deildin staðsett þar sem níu manns starfa en
einnig eru þrír starfsmenn deildarinnar starf-
andi fyrir norðan. Þar á meðal er Ingibjörg
Pétursdóttir kerfisfræðingur. Ingibjörg, sem
er líffræðingur að mennt, starfaði áður hjá
Krabbameinsfélaginu þar sem hún vann
mikið við erfða- og krabbameinsrannsóknir
en einnig bætti hún tölvunarfræðinni við sig
og færði sig smátt og smátt úr líffræðinni
yfir í tölvurnar.
Ingibjörg Pétursdóttir
„Þegar ég vann hjá Krabbameinsfélaginu
var ég byrjuð að smíða gagnagrunna. Það
gerðist eiginlega ósjálfrátt að ég færi yfir
í tölvurnar, það átti einfaldlega best við
mig."
Starf Ingibjargar hjá Bændasamtökunum
felst aðallega í forritun í Oracle-grunnum
og í umsýslu í grunninum.
„Ég held utan um grunninn og gögn
en ég hef mikið tekið gömul gögn sem
hafa legið í skýrsluhaldinu og aðlagað þau
Oracle-grunnunum. Einnig smíða ég leiðir
inn og út úr grunni. Starf mitt felur ekki
í sér samskipti við bændur heldur er ég
meira í sambandi við ráðunauta og þá aðal-
lega varðandi ýmis gögn," segir Ingibjörg.
MIKIÐ FRAMKVÆMT í LANDBÚNAÐI
Unnsteinn Snorri Snorrason er landsráðu-
nautur í bútækni og hóf fullt starf fyrir
Bændasamtökin í júnímánuði. Áður hafði
hann verið í hlutastarfi á meðan hann lagði
lokahönd á lokaritgerð sína við auðlinda-
deild Landbúnaðarháskóla (slands en verk-
efni hans nefndist; Samanburður á aðferð-
um við fóðrun mjólkurkúa í lausagöngufjós-
um sem hann varði í september.
„( mínu námi lagði ég megináherslu á
fög tengd bútækni og hönnun landbún-
aðarbygginga og þess vegna hafði ég
áhuga á þessu starfi. Ferlið í hönnuninni
byrjar á heimsókn til bónda sem hefur sett
sig í samband við Bændasamtökin eða sitt
búnaðarsamband. Þá er bóndinn vanalega
með fastmótaðar hugmyndir og ekki er
óeðlilegt að hann sé búinn að velta upp
ýmsum hugmyndum í ár eða svo. Síðan eru
gerðar tillögur að teikningum sem tekur um
einn til tvo mánuði og því næst lagt fyrir
byggingarfulltrúa á hverjum stað," útskýrir
Unnsteinn og segir jafnframt:
Unnsteinn Snorri Snorrason
„Það er mikið að gera þessa dagana
og mikið framkvæmt í landbúnaði en það
sem er sérstaklega áberandi núna eru þessi
minni og einfaldari verkefni þar sem er til
dæmis verið að smíða viðbyggingar við fjár-
hús."
„SKEMMTILEGT AÐ TAKAST
Á VIÐ NÝ VERKEFNI"
Sigurður Eyþórsson réð sig til starfa sem
framkvæmdastjóri Landssamtaka sauðfjár-
bænda og markaðsráðs kindakjöts í júlí
síðastliðnum. Þaðan kom hann af skrifstofu
Framsóknarflokksins þar sem hann hafði
unnið frá árinu 1994, þar af í fjögur ár sem
framkvæmdastjóri flokksins. Sigurður er
fæddur í Kaldaðarnesi í Flóa en flutti þaðan
til Hveragerðis áður en leiðin lá á höf-
uðborgarsvæðið. Hann býr nú í Hafnarfirði
ásamt Sigríði Zoéga konu sinni.
Sigurður Eyþórsson
„Þetta er mjög ólíkt þvf að vera í pólitík-
inni, hér hefur maður meiri tíma til að und-
irbúa sig sem mér finnst gott. Mér líkar vel
hér, þetta er góður staður og það er alltaf
gaman að takast á við ný verkefni," segir
Sigurður.
Verkefni Sigurðar eru aðallega þríþætt;
fyrir landssamtökin, markaðsráðið og síðan
fyrir Bændasamtökin.
„Ég held utan um félagsstarf í
Landssamtökum sauðfjárbænda, sé um
fundi, gæti hagsmunamála og sé um
heimasíðu samtakanna, www.saudfe.
is. Markaðsráð kindakjöts er samráðs-
verkefni sauðfjárbænda og sláturhúsa
sem snýr að markaðssetningu lamba-
kjöts hér innanlands. Við skipulögðum til
dæmis kjötsúpudaginn sem haldinn var á
Skólavörðustígnum í lok október. Síðan hef
ég verið að sjá um nokkur einstök verkefni
fyrir Bændasamtökin í heild, eins og að
halda utan um viðhorfskönnun sem er nú
í gangi og fara yfir mál er varða merking-
ar á búvörum og svona ýmislegt. Þannig að
það sem ég sé um er hvert úr sinni áttinni
og allt mjög áhugavert á sinn hátt," segir
Sigurður brosandi.
SITUR EKKI AUÐUM HÖNDUM
Þorberg Þ. Þorbergsson er annar starfs-
manna Bændasamtakanna I tölvudeildinni
sem hefur starfsstöð sfna á Akureyri. Hann
er forritari hjá samtökunum og felst starfið
aðallega í þróun á vefkerfum Bændasamtaka
íslands þ.e. nýsmíði og viðhaldi bæði á vef-
forritum og gagnagrunnum. Honum líkar
starfið vel og segir ávallt nóg að gera svo
hann situr ekki auðum höndum.
Þorberg Þ. Þorbergsson
„Ég hóf störf í tölvudeild B( í júní árið
2000 þannig að það eru rúm sjö ár síðan
ég byrjaði. Árið 2002 flutti ég og fjölskylda
mín til Akureyrar og bauðst mér að flytja
vinnuna með mér. í dag er starfstöð mín
sem sagt á Akureyri í húsnæði Stefnu ehf.,
Hafnarstræti 95 4. hæð," útskýrir Þorberg
og segir jafnframt:
„Áður starfaði ég hjá Landsbanka íslands,
fyrst á Akureyri og síðan f Reykjavík en árið
1998 lá leið mín í Háskólann í Reykjavík.
Þar lagði ég stund á nám við kerfisfræði og
útskrifaðist ég þaðan árið 2000. (framhaldi
af því bætti ég svo við mig einu ári og lauk
B.Sc. við tölvunarfræði."
/ehg
FREYR 2007 |