Freyr - 01.04.2007, Side 18

BÚNAÐARÞING
tók undir spurningar Egils um hvernig leysa
eigi vanda sem upp kann að koma þegar
útflutningsskylda dilkakjöts verður afnum-
inn. Búið er að leyfa innflutning á svínakjöti
sem svarar til mánaðarneyslu þess, þessu
til viðbótar. Þegar síðast kom upp kreppu-
ástand á markaði var gripið til markvissra
aðgerða til að draga úr framboði. Hann
taldi 1.000 tonn geta tapast á innlendum
kjötmarkaði ef innflutningur gengi eftir
og ef erlendu vinnuafli fækkar hér á landi.
Eldsneytisframleiðsla úr korni er vaxandi og
veldur hækkandi kornverði. Hann ræddi
skýrslu landbúnaðarráðherra um endur-
skoðun á vörnum gegn búfjársjúkdómum.
Hann sagði frá eigin baráttu gegn salmo-
nellusýkingu. Þessu fylgdi erfið sýnataka.
Hann ræddi hæstaréttardóm ( máli sem
hann höfðaði vegna gjaldtöku fyrir eftirlit
og í Ijósi hans (trekaði hann að passa þarf
hvar öll gjöld sem bændur greiða lenda og
skýrt sé fyrir hvað eru þau greidd.
JÓN GÍSLASON taldi stjórn B(
hafa staðið sig óvenju vel á síðasta
ári og þakkaði henni fyrir það. Vandi væri
því á höndum að velja nýtt fólk í stjórn til
að halda þessu gengi uppi. Hann ræddi
síðan fjarskiptamál sem brenna á öllum og
mæltist til þess að fulltrúar fjarskiptasjóðs
flyttu mál sitt fyrir allt þingið. Fyrir nokkru
hefur verið ákveðið að hluti af hagnaði af
sölu Símans yrði notaður til að bæta þessa
stöðu úti um land, þar sem einkaframtakið
haslar sér ekki völl. Sums staðar á landinu
koma þessi fyrirtæki af fúsum vilja. Annars
staðar hafa sveitarfélög komi fram með
fjármuni til að greiða fyrir þessu. Þau taldi
hann eiga siðferðislega rétt á framlagi úr
Fjarskiptasjóði. Hann ræddi síðan úttekt á
kúasæðingum og mæltist til þess að hún
verði kynnt á þinginu og að nefndin sem
um þetta fjallar gerði tillögur um jöfnun
þeirra yfir landið m.a. í Ijósi þess að verið
er að jafna ýmsan annan kostnað s.s. flutn-
ing á afurðum bænda yfir landið. Mikil mis-
munun væri milli bænda eftir landshlutum
hvað þetta snertir.
Þrjú búnaðarsambönd við Húnaflóa sam-
einuðust um sl. áramót. Hann óskaði eftir
að þingfulltrúar styddu tillögu um óbreytt-
an fjölda þingfulltrúa frá þessu svæði.
Hugmynd Sigurgeirs varðandi olíugjald taldi
hann líkt og fleiri fulltrúar, góðra gjalda
verða. Varðandi sauðfjársamning taldi hann
að mörgu leyti góðan en lýsti óánægju með
43 milljónir króna í byggðastyrk sem eru nú
teknar inn í samninginn en stóð utan hans
áður. Þar með eru samtök bænda farin að
bera ábyrgð á úthlutun opinberra fjármuna
til byggðamála. Sveitarfélagamörk eru sífellt
að breytast en sú viðmiðun, sem þarna var
notuð, eru gömul og löngu úrelt.
GUNNAR JÓNSSON þakkaði fyrir
ágæta setningu búnaðarþings og
sérstaklega ræðu formanns við hana, sem
var hrein og bein og ekkert undan dregið.
Hann ræddi síðan verðstöðvun sem kúa-
bændur tóku á sig á síðasta ári. Ekki hefði
verið margra kosta völ en steininn tók þó
ekki úr fyrr en á fundi SAM sl. föstudag þar
sem Pálmi Vilhjálmsson sýndi hvað gerst
hafði í smásöluversluninni yfir sl. áramót.
Kúabændur gáfu eftir 800 milljónir króna
á ársgrundvelli og voru þær einfaldlega
færðar yfir til verslunarinnar. Hann taldi
verðugt verkefni fyrir BÍ að skoða þetta
mjög nákvæmlega. Pálmi sýndi fram á
hvernig verslunin hefði með þessu und-
irbúið verðbreytingar nú 1. mars. Hann
sagðist hafa áhyggjur af því að Baugur er
kominn í mjólkuriðnað. Hvaða hlutverk er
þarna verið að spila. Ekkert annað en að
brjóta upp samstöðu bænda, á sama tíma
og mjólkuriðnaðurinn hefur verið að sam-
einast til að ná fram kostnaðarlækkunum
og ávinningi fyrir bænda. Hann tók undir
áhyggjur manna af þróun kjötmarkaðarins
á komandi misserum. Staðan væri ágæt
eins og er en blikur eru á lofti m.a. vegna
afnáms útflutningsskyldu. Nauðsynlegt er
að hyggja að viðbrögðum ( tíma og slát-
urleyfishafar mega ekki láta verslunina ná
að spila á þetta. Þetta er verðugt verkefni
fyrir samtökin að takast á við. Síðan ræddi
hann viðhorfskönnunina sem niðurstöð-
ur voru kynntar úr, hún á að vera okkur
veruleg hvatning og við eigum að nýta
okkur hana. Þjóðin hlýtur að vera að segja
okkur að hún vilji íslenskar vörur. Þá þarf
að tryggja henni að hún fái íslenskar vörur
þegar hún telur sig vera að kaupa hana.
Þetta þing verður því að fjalla um og taka
á upprunamerkingu matvæla. Hann sagðist
t.d. alltaf horfa eftir hvort gulrætur væru
íslenskar því að þær væru miklu betri en
innfluttar.
SIGRÍÐUR BRAGADÓTTIR tók
undir með Gunnari Jónssyni með
völd sláturleyfishafa á kjötmarkaði. Hún
kynnti síðan könnun sem send var út á
vegum Jafnréttisnefndar BÍ og landbún-
aðarráðuneytisins sem heitir "Staða karla
og kvenna í dreifbýli". Ekki er búið að
vinna endanlega úr svörum en hún fór yfir
nokkur atriði. Sent var út til 2.132 manna
á öll lögbýli. ( endanlegu úrtaki voru 2034
en svarhlutfall var rúm 52%. Hún fór yfir
nokkrar niðurstöður til kynningar en nið-
urstöður verða birtar í skýrslu sem kemur
fljótlega út. Hún tók undir með Sindra að
karlmaður ætti að vera í Jafnréttisnefnd.
Hún lýsti ánægju með hlut kvenna á bún-
aðarþingi og hvatti þingfulltrúa til að kjósa
konur í þau þrjú sæti sem eru laus í stjórn
B(.
FANNEY ÓLÖF LÁRUSDÓTTIR
lýsti ánægju með að vera komin
til að taka þátt í störfum búnaðarþings.
Setningarathöfn var glæsileg. Niðurstaða
skoðanakönnunar var athyglisverð og kjark
hefði þurft til að gera hana. Hún lagði til
að sendur verði góður fulltrúi landbúnaðar-
ins í framhaldsskóla landsins með áhuga-
vert efni til að kynna landbúnaðinn. Hvað
er síðan hægt að gera til að fá unga fólkið
aftur í sveitirnar þegar það hefur mennt-
að sig? Hún spurði Harald Benediktsson
hvort stjórn BÍ hefði sett niður fyrir sér eftir
fundaferðina í haust, hvað hægt sé að gera
til að tryggja að áfram verði stundaður
landbúnaður á (slandi.
JÓN BENEDIKTSSON tók undir
þakkir til forystu BÍ fyrir viðbrögð
við matvælaverðsumræðunni. Hann ræddi
stöðu kvenna í landbúnaði og taldi okkur
geta verið ánægð með stöðuna í sam-
anburði við frændur okkar Dani. Hann bar
síðan blak af formanni Svínaræktarfélags
(slands varðandi gagnrýni á sauðfjársamn-
ing. ( upphafi virtist sem svo að þær upp-
hæðir sem þarna sáust myndu vekja mikla
gagnrýni. Fyrir fáum árum tóku framleið-
endur I nokkrum kjötgreinum á sig að
endurfjármagna Norðlenska. Því miður
hefur ekki tekist að fá útflutningskvóta á
ESB fyrir svínakjöt sem grípa mætti til ef
offramleiðsla yrði. Það hefur valdið sár-
indum og leiðindum að ekki hefur tekist
að skapa þarna öryggisventil. Hann ræddi
mál nr. 6 um skattlagningu veiðihlunn-
inda. Málið hefur áður verið til umfjöllunar
en ekki fundist pólitískur vilji til að breyta
skattalögum í þessu efni. Þetta hefur áhrif
á möguleika manna sem ætla að stunda
búrekstur til að keppa um hlunnindajarðir.
Endurskoðun Hagþjónustu landbúnaðarins,
mál nr. 15-1, taldi hann þarft mál sem og
forritunarmál BÍ nr. 17. Varðandi mál nr. 20,
framkvæmd landbótaáætlana taldi hann
nauðsynlegt að búnaðarþing legði línurn-
ar varðandi reglugerð um gæðastýringu í
sauðfé þannig að landbótaáætlanir gætu
gengið hnökralaust. Landnýtingu hér taldi
hann hafa verið mjög skipulagslitla og gera
þarf tillögur um það til sveitarfélaga hvers
konar aðgát þarf að hafa, óskemmtilegt er
að sjá ræktunarland fara undir mannvirkja-
gerð í miklum mæli.
SVEINN INGVARSSON taldi engan
efast um gildi setningarathafnar
og hún hefði verið glæsileg og íburðarlaus.
Hann sagði að innst inni hefðum við vonast
til að niðurstöður skoðanakönnunar yrði á
þann veg sem hún varð. Máttur fjölmiðla
hefði hins vegar verið langt kominn með
að sannfæra okkur um að við værum ekki
að standa okkur jafn vel og raun ber vitni.
Niðurstaða stjórnar var að fá kynningarfyr-
irtæki til samstarfs og það hefði, ásamt
formanni, framkvæmdastjóra og starfs-
mönnum staðið vel að verki. Við þurfum
síðan að vera stöðugt vakandi og á verð-
18
FREYR 2007