Freyr - 01.04.2007, Síða 19

BUNAÐARÞING
Þorsteinn Kristjánsson og Gylfi Þór Orrason.
Arnar Bjarni Eiríksson, Haraldur Benediktsson og Sigurgeir Þorgeirsson.
inum að viðhalda þessari ímynd. Eitt verk-
efnið í þessari kynningu voru heimsóknir
til þingflokka. Mjög fáir í þeirri sveit eigi
bein tengsl við bændur og sveitirnar. í
heimsókn til Samfylkingarinnar taldi hann
vel hafa komið í Ijós að þingmenn þar vissu
ótrúlega lítið um rekstrarumhverfi landbún-
aðar. Hann ræddi síðan mál nr. 8, bótarétt
vegna framkvæmda í almannaþágu. f
þjóðfélaginu í dag er mjög breytt afstaða
til þess hve langt eigi að ganga í þessum
efnum. Þrjár stórar virkjanir eru nú t.d.
áformaðar í neðri hluta Þjórsár. Bændur
hafa m.a. áhyggjur af að vatnsstaða í neðri
hluta sveitanna muni hækka. Við eigum að
nýta okkur almenningsálitið til að gera sem
harðastar kröfur til bóta. Þarna eigi ekki að
þiggja eina greiðslu heldur gera samning
um árlegar greiðslur. Þá þurfum við að vera
vakandi fyrir að finna leiðir til að viðhalda
jákvæðri ímynd. Hann tók undir með Birnu
Þorsteinsdóttur um að endurvekja verkefn-
ið "Bændur bjóða heim". Þegar árangur
starfs á búnaðarþingi er skoðaður veld-
ur áhyggjum að mörg mál koma aftur og
aftur til þings. Hvað veldur? Málin eru mis-
munandi en mál eins og þjóðlendumálin er
ekki hægt að annað en að taka fyrir meðan
núverandi landrán stendur yfir. Svo lítur út,
miðað við ummæli alþingismanna, að það
sé einhver annar en þeir sem ræður í þessu
landi. Sveinn situr sem fulltrúi stjórnar BÍ í
stjórn Framleiðnisjóðs. Staða sjóðsins hefur
breyst eftir að 80 aura gjald á hráefni var
afnumið. Hann sagði frá námskeiðum á
vegum sjóðsins í samstarfi við Impru.
ANNA BRYNDÍS TRYGGVA-
DÓTTIR ræddi þá útkomu úr skoð-
anakönnuninni að yngra fólk virtist hafa
minna álit á íslenskum landbúnaði en það
eldra. Fólki fækkar f sveitum og húsmæðra-
skólar hafa verið aflagðir. Húsmæður hafa
haldið uppi sveitum og kennt fólki mat-
argerð og hefðir. Þessi þekking er að týnast
og yngra fólkið hefur þar af leiðandi minni
þekkingu á íslenskum mat. Hún taldi rétt
að skoða hvort ekki þurfa að gera átak í að
varðveita matargerðarhefðir í sveitum. Til
að einhver vilji kaupa afurðir okkar þurfa
þeir að kunna að nota hráefnið. Hún sagð-
ist líka velta fyrir sér af því hve fáir læra
þetta nú af mæðrum sínum og hvort þessa
fræðslu vanti ekki inn í bændaskólana.
NANNA JÓNSDÓTTIR þakk-
aði ánægjulega setningarathöfn
og góðar ræður á henni. Hún gerði varð-
veislu lands og skógrækt að umtalsefni og
tók undir með að passa þyrfti að tún yrðu
áfram nýtanleg sem tún. Henni fannst
skógrækt hafa farið svolitlu offari og skipu-
lag vanta. Ferðamenn sækjast eftir útsýni
og víðsýni. Skógrækt, t.d. á Suðurlandi,
er farin að girða vegi af með trjám, þessu
hafa ferðamenn sem til hennar koma,
orð á. Mun meira skipulag þurfi í þessum
efnum. Framkvæmdir i náttúrlegum skógi
þurfa að fara í umhverfismat en planta má
hvar sem er. Varðandi gjöld og álögur, s.s.
bankakostnað, heilbrigðisgjald o.fl., þarf að
gera kröfur um að þau hækki ekki látlaust
á sama tíma og gerðar eru kröfur um lækk-
un kostnaðar. Upprunamerkingu matvæla
taldi hún mikilvægt mál.
SIGURGEIR ÞORGEIRSSON ræddi
spurningar þingfulltrúa og tók
fyrst fyrir hæstarréttarmál gegn olíufélög-
unum. Málið hefði verið skoðað með LÍÚ
og neytendasamtökum á sínum tíma. Falli
dómur hæstaréttar einstaklingnum í vil
kemur til álita að koma bændum til stuðn-
ings í þessu. Varðandi markmiðstengdar
búrekstraráætlanir sagði hann rétt að féð
hefur ekki gengið út en reglum hefur þó
verið breytt og slakað á kröfum. Hins vegar
sé spurning hvort þessi verkefnaflokkur eigi
rétt á sér með jafn mikið fé og nú er varið
til hans. Áhugi fyrir alvöru áætlanagerð sé
takmarkaður og þetta sé forsjárhyggja að
ýta mönnum út í þetta. Við endurskoðun
búnaðarlagasamnings hlýtur að koma til
skoðunar að leita leiða til að nota þetta fé
betur.
Fullur vilji er til að setja mikinn kraft í for-
ritunarmál nautgriparæktarinnar og koma
í það form að samskipti verði greið í báðar
áttir. M.a. verður skoðað hvort nýlegt
danskt kerfi megi nota hér. Fjármagn til
þessa verkefnis er til í þróunarsjóði og ætti
því ekki að hamla vinnsluhraða.
Öll fundagögn sem til voru fyrir þingið
voru þá send út. Reikningar hafa venjulega
verið kláraðir rétt fyrir búnaðarþingsbyrjun.
Hægt væri að senda bráðabirgðareiknings-
yfirlit út fyrr, með fyrirvara.
HARALDUR BENEDIKTSSON,
bauð nýja búnaðarþingsfulltrúa
sérstaklega velkomna til starfa og þakk-
aði góðar umræður. Hann ræddi stöðu
Iffrænnar framleiðslu og lýsti sig sammála
sjónarmiðum Guðna Einarssonar. Hann
sagði sér þykja vænt um þakkir fyrir góð
störf í matvælaverðsumræðu en allt starfs-
fólk BÍ vinnur að þessu verki. Þá sagði hann
frá að hann hefði verið í útvarpsviðtali fyrr
um daginn þar sem niðurstöðum skoð-
anakönnunar var snúið upp í að bændur
hefðu þá ekkert að óttast í umræðu um
innflutning. Niðurstöðurnar væru líka veg-
vísir að því hvernig þarf að vinna að þessu
áfram. Þar þurfa allir að leggjast á eitt. Enn
er eftir að halda nokkra fundi í fundaferð
B( og fullur vilji til að Ijúka henni. En hvað
er hægt að gera í framtíðinni. Er hægt að
sýna neytendum betur hver hlutur bænda
er í útsöluverði búvara. Það að tryggja
framtíð landbúnaðar er sameiginlegt verk-
efni okkar, því lýkur aldrei en verður að
vinna áfram skref fyrir skref.
FREYR 2007
19