Fréttatíminn - 03.03.2017, Page 1
Stærsta verkalýðsfélag Hollands
hefur kært Samskip í Hollandi til
lögreglu fyrir að greiða flutninga-
bílstjórum frá Austur-Evrópu
laun sem eru langt undir lögleg-
um lágmarkslaunum. „Þetta er
pólitískt mál og snýr að frjálsu
flæði vinnuafls og þjónustu,“ seg-
ir Pálmar Óli Magnússon forstjóri
Samskipa.
Þóra Kristín Ásgeirsdóttir
tka@frettatiminn.is
„Ég hef rætt við um 30 verkamenn
frá Rúmeníu. Þeir segja að farið
sé með þá eins og dýr, þeir búa og
sofa í bílunum,“ segir Edwin Atema
talsmaður FNV, stærsta verkalýðs-
félags Hollands í samtali við Frétta-
tímann. Undirverktakar frá fyrir-
tækinu ráði bílstjóra frá Úkraínu,
Makedóníu og Moldavíu á launum
sem þar tíðkast. Bílstjórarnir fái svo
fölsuð skjöl til að framvísa. Sam-
skip stundi því í raun félagslega
og efnahagslega glæpastarfsemi
og þeir hafi fengið aðvörun frá yf-
irvöldum án þess að bregðast við.
Þess vegna sé gripið til harðari að-
gerða núna.
„Starfsmennirnir eru látnir lifa
við þessar aðstæður upp í allt að
ár í senn og borða og elda sér mat
í Samskipagámum, um tveimur
kílómetrum frá aðalskrifstofunni
í Rotterdam.“
Hann segir að fyrirtækið beri fyr-
ir sig að bílstjórarnir sem keyra frá
Austur-Evrópu og stoppi stutt við í
landinu megi frá greitt samkvæmt
töxtum í Austur-Evrópu. Það eigi
hinsvegar alls ekki við. Það eina
pólitíska í þessu máli sé að yfir-
völd hafi skorið eftirlit með þessari
starfsemi niður um 70 prósent og
þess vegna komist fyrirtækið upp
með þetta.
„Við leggjum á það mjög ríka
áherslu að fara að lögum og regl-
um sem gilda í Evrópu en við erum
á alþjóðlegum markaði og launin
eru að sjálfsögðu ólík eftir löndum.
Þarna er verið að tala um bílstjóra
sem telur sig fá of lág laun. Ég þekki
auðvitað ekki hans kaup og kjör en
við munum ræða við undirverktak-
ann og kanna málið,” segir Pálmar.
Hann segir jafnframt að ef undir-
verktakar greiði ekki í samræmi við
gildandi lög og reglur sé samning-
um við þá rift eins og gerst hafi í
tvígang á síðasta ári.“
„Þetta kemur mér ekki á óvart,“
segir Jónas Garðarsson formaður
Sjómannafélags Íslands og fulltrúi
alþjóðaflutningaverkamannasam-
bandsins. Samskip hafi siglt flutn-
ingaskipunum Samskip Hoffell og
Samskip Skaftafell undir hentifána
til að geta greitt erlendri áhöfn
smánarleg laun. „Það er náttúrlega
þekkt hér a landi hvernig þeir haga
sér gagnvart sjómönnum. Þeir fást
ekki til að greiða íslensk kjör um
borð, það er alger hliðstæða við
þetta bílstjóramál í Hollandi.“
„Við erum ekki í neinu stríði
við sjómenn. Þetta er bara raun-
veruleikinn og svona er hann,“ seg-
ir Pálmar. „Holland er stór umskip-
unarhöfn og miklir flutningar fara
þar um, við erum með ótal starfs-
menn sem hafa ólík kjör enda koma
þeir frá mismunandi löndum.“
frettatiminn.is
ritstjorn@frettatiminn.is
auglysingar@frettatiminn.is
17. tölublað
8. árgangur
Föstudagur 03.03.2017
Pólitískt mál, segir forstjóri
Samskipa um lögreglukæru
18 24 38 10
Ökumennirnir búa
og lifa eins og dýr
KRINGLUNNI ISTORE.IS
iStore Kringlunni er
viðurkenndur sölu- og
dreingaraðili DJI á Íslandi
Sérverslun með Apple vörur
Mavic Pro
Frá 169.990 kr.
Phantom 4 Pro
Frá 219.990 kr.
Inspire 2
Frá 449.990 kr.
©
I
nt
er
I
K
EA
S
ys
te
m
s
B
.V
.
20
17
Græn
sending!
2.990,-
Pottaplanta drekatré,
H21cm
Meiri atvinnu-
þátttaka, hærri
sjálfsmorðstíðni
Reynsla annarra
þjóða af starfs-
getumati í stað
örorkumats
Betra að vera einstæð á
Íslandi Fanný varð ástfangin
af Íslandi við fyrstu sýn
Kortafyrirtæki
stórgræða á klámi
Íslensku fyrir-
tækin segjast
gera greinarmun
á klámi og
sóðaklámi
Pungar
til sölu!
Segir starfsmaður verkalýðsfélagsins,
sem kærði Samskip til lögreglu.