Fréttatíminn - 04.03.2017, Blaðsíða 50

Mér fannst áhugavert að leikföng
með rafmagnshljóðum eru alltaf úr
plasti og framleidd í Kína. Viðarleik-
föng eru aldrei með svona fídusum.
10 LAUGARDAGUR 4. MARS 2017HEIMILI&HÖNNUNARMARS
HönnunarMars er frá-bær vettvangur fyrir svona ný verkefni. Það er mjög skemmtilegt að komast út úr vinnu-
stofunni og geta kynnt verkefni sitt
og spjallað við fólk um það,“ segir
Þórunn Árnadóttir vöruhönnuður.
Þórunn tekur þátt í Hönnunar-
mars síðar í mánuðinum þar sem
hún kynnir nýtt verkefni sitt.
Það kallast „Shapes of Sound“ og
hverfist um leikföng með raf-
magnshljóðum. Þau eru oftast nær
úr plasti og framleidd í Kína en
Þórunn hefur gert tilraunir með
að hanna nýjar umgjarðir úr ís-
lenskum efnivið utan um hljóðkort
úr ónýtum leikföngum.
„Þetta spratt nú bara upp úr
forvitni. Ég fór að skoða þessi leik-
föng og pæla í því hvort hægt væri
að gera við þau eða nýta eitthvað
úr þeim,“ segir Þórunn. „Það eru
skemmtileg hljóðin sem eru inni
í þessum leikföngum. Mér fannst
áhugavert að leikföng með raf-
magnshljóðum eru alltaf úr plasti
og framleidd í Kína. Viðarleikföng
eru aldrei með svona fídusum. Þá
fór ég að spá hvort þetta gæti pass-
að saman,“ segir Þórunn.
Verkefnið snýr líka að hug-
myndum um staðbundið hráefni.
„Það er gott að geta endurnýtt það
sem hefur þegar verið framleitt.
Það er gott að auka virði þeirra
hluta sem fólk telur svo ómerki-
lega að þeim er hent.“
Hvernig hefur þetta gengið hjá þér?
„Mér finnst þetta koma mjög
skemmtilega út. Þetta er óvænt
blanda. Ég er ennþá bara svolítið
að leika mér að prófa mismunandi
hljóð og efni,“ segir Þórunn en
formið og efnisvalið er unnið út
frá hljóðinu og er mjög einfölduð
túlkun á því þar sem notuð eru
hrein grunnform og hrá efni.
„Bílahljóð er til að mynda sí-
valningur úr áli. Ég einfalda bílinn
mjög mikið,“ segir Þórunn þegar
hún er beðin að nefna dæmi um
hönnunina.
Fjórir hlutir verða til sýnis á
sýningu Þórunnar í Safnahúsinu
og gefst gestum færi á að prófa þá.
Auk þess mun Þórunn sýna skiss-
ur sem veita innsýn í þetta ferli
og þær pælingar sem hún hefur
lagst í.
Er þetta einstök sýning eða sérðu
fyrir þér að gera eitthvað meira með
þessar pælingar?
„Eins og er hugsa ég bara um
þessa sýningu. En það er einmitt
hluti af verkefninu að komast
að því hvort það verður bara
Íslensk leikföng með
kínverskum hljóðum
Þórunn Árnadóttir vöruhönnuður kynnir nýtt verkefni á HönnunarMars. Þar hannar hún
nýjar umgjarðir úr íslenskum efnivið utan um hljóðkort úr ónýtum kínverskum leikföngum.
Þórunn
Árnadóttir
vöruhönnuður
kynnir nýtt
verkefni sitt á
HönnunarMars.
Mynd | Hari
þannig eða hvort þetta verður að
neytendavöru. Það verður næsta
stig.“
Þórunn hefur fengist við eitt og
annað síðustu ár sem vakið hef-
ur mikla athygli. Þar á meðal er
Sasa-klukkan og PyroPet kertin.
Þó að hún viðurkenni að eitt það
skemmtilegast við starf vöru-
hönnuðarins sé að prófa eitthvað
nýtt þá getur Þórunn ekki sleppt
hendinni af fyrri verkum, sér-
staklega þegar þau njóta viðlíka
vinsælda og PyroPet kertin.
„Þau eru komin út um allan
heim, eru seld í 27 löndum
núna. Svo er alltaf eitthvað nýtt
að bætast við. Það er að koma
ný vörulína núna og tvær nýjar
vörur. Þetta er alltaf að stækka
og vaxa,“ segir Þórunn Árna-
dóttir.
Þórunn hefur að undanförnu tekið ónýt plastleikföng sem framleidd voru í Kína og hannað nýja umgjörð um hljóðkortin úr þeim. Þá
notar hún íslenskan efnivið. Afraksturinn verður sýndur í Safnahúsinu á HönnunarMars.
Fermingarblað
Fréttatímans
þann 18.mars
gt@frettatiminn.is Guðbjarni Traustason | 531 3319
gauti@frettatiminn.is Gauti Skúlason | 531 3317