Fréttatíminn - 04.03.2017, Blaðsíða 6

frettatiminn.is
6 | FRÉTTATÍMINN | LAUGARDAGUR 4. MARS 2017
Hljóðbókafyrirtæki Íslendings
kaupir danskt forlag
Jón Baldur Hauksson á
6 prósent í Storytel og
segir hann að fyrirtækið
stefni inn á nýja markaði.
Viðskipti Storytel, fyrirtæki Jóns
Baldurs Haukssonar, heldur
áfram að stækka.
Ingi F. Vilhjálmsson
ingi@frettatiminn.is
„Þetta sýnir bara hvað fyrirtæk-
ið er með árangursríka strategíu,“
segir Jón Baldur Hauksson, annar
stofnandi alþjóðlega hljoðbókafyr-
irtækisins Storytel, aðspurður um
kaup fyrirtækisins á danska bóka-
forlaginu People ś Press fyrir tæp-
lega 1200 milljónir íslenskra króna.
Danska forlagið er fjórða stærsta
bókaforlag Danmerkur með 35
starfsmenn.
Danska forlagið er eitt af
nokkrum sem Storytel hefur keypt
síðastliðin ár en frægasta og stærsta
forlagið er hið sænska Norstedts
sem keypt var í fyrra. Jón Bald-
ur stofnaði Storytel fyrir rúm-
um tíu árum ásamt félaga sín-
um Jonas Tellander sem í dag
er forstjóri Storytel. Í við-
tali við Fréttatímann í
fyrra sagði Jón Bald-
ur frá því hversu mik-
ið hark hefði verið að
koma forlaginu á kopp-
in og hversu oft þeir
Jonas hafi verið að því
komnir að gefast upp.
Í dag er Storytel hins
vegar orðið að risa á
bókamarkaðnum á Norð-
urlöndunum og víðar.
People ś Press bætist
við danska hljóðabókafor-
lagið Mofido sem Storytel keypti
í fyrra og eru umsvif fyrirtæk-
isins því orðin talsverð í Dan-
mörku. Jón Baldur, sem í dag á
um 6 prósent í Storytel, segir að
fyrirtækið haldi hins vegar
áfram að horfa til nýrra
markaða og vilji stækka
meira. „Það eru bara
fleiri markaðir á leiðinni
og við förum inn á fleiri
á þessu ári. Við segjum
betur frá því þegar þar
að kemur.“
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Cébé jöklagleraugu CAT.4
kr. 32.900,-
Bolle Bolt Golf
kr. 26.790,-
Red Bull Bullseye
kr. 23.490,-
Sportgleraugu
Gleraugnaverslunin Eyesland býður mikið úrval af íþróttagleraugum á
góðu verði – og þú færð frábæra þjónustu. Verið velkomin!
Red Bull Tane Sport
kr. 14.950,-
Hælisleitendur Skýrsla ECRI;
nefnd Evrópuráðsins um kyn-
þáttafordóma og umburðarleysi,
var gerð opinber í byrjun mars,
en þar eru íslensk stjórnvöld
harðlega gagnrýnd fyrir aðbúnað
hælisleitenda.
Valur Grettisson
valur@frettatiminn.is
Skýrsluhöfundar ECRI hafa áhyggj-
ur af aðstöðumuni hælisleitenda og
kvótaflóttamanna hér á landi sem
hafa ólíkan aðgang að þjónustu.
Skýrsluhöfundar voru hér á landi
fyrir ári, en þeir segja að ríkið hafi
upplýst þá um að hælisleitendur hafi
aðgang að ókeypis íslenskukennslu
og húsnæði. Í skýrslunni segir að í
reynd hafi hinsvegar komið í ljós að
hælisleitendur hefðu þurft að flytja
út úr húsnæði sínu eftir tvær vikur
og fengið takmarkaða aðstoð við að
koma sér fyrir á dýrum húsnæð-
ismarkaði hér á landi. Eins hefðu
þeir haft litla möguleika á að sækja
ókeypis íslenskunám.
„Ísland er eina landið á Norð-
urlöndunum þar sem þessi að-
stöðumunur er,“ útskýrir Margrét
Steinarsdóttir framkvæmdastjóri
hjá Mannréttindaskrifstofu Íslands,
en hún segir yfirvöld hafa sýnt í
verki vilja til þess að bæta úr þessari
stöðu. Þannig hafi verið gerður sér-
stakur samstarfssamningur við
Rauða Krossinn þessu tengdur.
„Vinna við samræmingu þessara
hópa hófst fyrir nokkru, og það
hefur verið ljóst að stjórnvöld vilja
jafna þessa stöðu,“ segir Margrét
en Mannréttindaskrifstofa Íslands
skilaði inn svokallaðri skugga-
skýrslu um stöðu mála hér á landi
þegar kemur að kynþáttafordóm-
um og umburðarleysi. Margrét seg-
ir helsta áhyggjuefni skrifstofunn-
ar vera síaukin hatursorðræða, en
Útvarp Saga og trúarstöðin Omega
eru sérstaklega nefnd í skýrslu ECRI
þegar kemur að hatursorðræðu.
Ríkið harðlega gagnrýnt fyrir skort á stuðningi
Hælisleit-
endur njóta
ekki sömu
réttinda og
kvótaflótta-
menn.
Eins er framboð Framsóknarflokks-
ins og flugvallarvina fyrir síðustu
borgarstjórnarkosningar nefnt til
sögunnar.
Margrét segir fjölmiðlalæsi al-
mennings einnig áhyggjuefni. Fólk
eigi erfitt með að greina á milli
falskra frétta og raunverulegra
fréttamiðla.
„Það er þörf á því að efla fjöl-
miðlalæsi sem og gagnrýna hugsun,
þannig að fólk kanni staðreyndir og
myndi sér svo skoðun eftir það,“ seg-
ir Margrét að lokum.
Stjórnmál Norðurlöndin gáfu
meira en milljarð króna hvert
til sérstaks fóstureyðingaátaks.
Ísland gaf ekki beint til verkefnis-
ins heldur þrefaldaði framlag sitt
til Mannfjöldasjóðs Sameinuðu
þjóðanna. Í svari frá utanríkis-
ráðuneytinu kemur fram að Ísland
styðji She decides verkefnið samt
heils hugar.
Ingi F. Vilhjálmsson
ingi@frettatiminn.is
Ísland var eina landið sem veitti ekki
fé til verkefnisins She decides á ráð-
stefnu sem haldin var vegna þess
í Brussel í Belgíu á fimmtudaginn.
Þetta kemur fram í svari frá utan-
ríkisráðuneytinu sem segir að Ís-
land hafi í staðinn fyrir að veita fé
til She decides ákveðið að þrefalda
framlag landsins til Mannfjölda-
sjóðs Sameinuðu þjóðanna (UNFPA):
„Ákvörðunin um að þrefalda fram-
lagið til UNFPA var tekin að vel yf-
irlögðu ráði, með það að markmiði
að fjármagnið nýtist sem best. Ís-
land styður She decides frumkvæð-
ið heils hugar jafnvel þótt fjárfram-
lag okkar fari í sameiginlega sjóð
UNFPA.“ Framlag Íslands mun nema
300 þúsund dollurum, rúmlega 32
milljónum króna, í stað 100 þúsund,
ríflega 10 milljónum íslenskra króna.
Ráðstefnan var skipulögð sem
andsvar við því að Donald Trump
ákvað í síðasta mánuði að hætta öll-
um styrkveitingum til stofnana og
samtaka í heiminum sem aðstoða
konur við fóstureyðingar. Mynd af
Donald Trump að skrifa undir laga-
setninguna, sem kallast „global gag
rule“, vakti mikla athygli en einung-
is karlmenn voru á myndinni.
Framlög hinna Norðurlandanna
fóru beint til She decides verkefnis-
ins en Svíþjóð, Finnland, Noregur
og Danmörk veittu öll frá 10 milljón-
um evra, rúmlega 1110 milljónum, og
upp í 21 milljón eva, tæplega 2400
milljónum til verkefnisins. Alls söfn-
uðust 181 milljón evra á ráðstefnunni
eða ríflega 20 milljarðar króna.
Fjölmargir ráðherrar komu einnig
á ráðstefnuna, meðal annars Lövin,
aðastoðarforsætisráðherra Belgíu,
Alexander de Croo, og ráðherra
þróunarmála í Hollandi, Liliane
Ploumen. Í svari frá utanríkisráðu-
neytinu kemur fram að sendiherra
Íslands í Brussel, Bergdís Ellertsdótt-
ir, hafi verið fulltrúi Íslands á fund-
inum.
Eftir að Fréttatíminn spurð-
ist fyrir um þátttöku Íslands á She
decides ráðstefnunni birti utanrík-
isráðuneytið fréttatilkynningu á
vef sínum um aukafjárveitinguna
til Mannfjöldasjóðs Sameinuðu
þjóðanna þar sem Guðlaugur Þór
Þórðarson utanríkisráðherra reif-
aði rökin fyrir aukafjárveitingunni.
Í svari frá ráðuneytinu kemur fram
að Mannfjöldasjóðurinn og She
decides vinni saman: „Eitt af verk-
efnum She decides verður einmitt
að styðja við UNFPA og það er mik-
ilvægt að lítið gjafaríki eins og Ísland
dreifi ekki kröftum um of. Því var
ákveðið að styðja við UNFPA sem er
stofnun sem íslensk stjórnvöld styðja
nú þegar við, og er stærsta stofnun
SÞ sem starfar á þessu sviði.“ Ráðu-
neytið segir ákvörðunina um auka-
fjárveitinguna hafa verið tekna í
byrjun febrúar.
Ísland, eitt Norðurlanda,
gaf ekki fé til að bregðast
við ákvörðun Trumps
Isabella Lövin, aðstoðarforsætisráðherra og ráðherra þróunarmála í Svíþjóð, birti
þessa mynd af sér eftir ákvörðun Trumps um að hætta að veita fé til að styrkja
fóstureyðingar í heiminum. Þessi ákvörun leiddi til She decides ráðstefnunnar.