Fréttatíminn - 27.01.2017, Blaðsíða 4

4 | FRÉTTATÍMINN | Föstudagur 21. janúar 2017
Bir
t m
eð
fy
rir
va
ra
um
pr
en
tvi
llu
r. H
eim
sfe
rð
ir á
ski
lja
sé
r r
étt
til
le
iðr
étt
ing
a á
sl
íku
. A
th.
að
ve
rð
ge
tur
br
ey
st
án
fy
rir
va
ra.
SKÍÐI
4. febrúar í 7 nætur
Netverð á mann frá kr. 124.830 m.v. 2 fullorðna og
1 barn í herb.
Netverð á mann frá kr. 134.995 m.v. 2 fullorðna í
herbergi.
Skihotel
Speiereck
Frá kr.
124.830
m/hálfu fæði
Allt að
34.000 kr.
afsláttur á mann
í Austurríki
Menning Að minnsta kosti einn
þáttur í þáttaröðinni Black Mirr-
or verður tekinn upp hér á landi.
Þetta staðfestir framleiðslufyrir-
tækið True North.
Valur Grettisson
valur@frettatiminn.is
Þættirnir, sem eru hugarsmíði
breska sjónvarpsmannsins Charlie
Brooker, slógu óvænt í gegn fyrir
nokkrum árum, skömmu eftir að
þeir höfðu verið sýndir í bresku
sjónvarpi. Netflix tók þættina upp
á sína arma og framleiddi síðast
sex þátta seríu þar sem varpað er
ljósi á samspil manna og tækni í ná-
lægri framtíð. Skemmst er frá því
að segja að þættirnir hafa vakið
gífurlega athygli og hlotið fjölmörg
verðlaun.
Til stendur að taka upp nýja
þáttaröð á þessu ári en þegar hefur
verið greint frá því að bandaríska
leikkonan Jodie Foster muni leik-
stýra einum þætti, þó ekki endilega
þeim sem tekinn verður upp á Ís-
landi. Þá hefur nafn leikkonunnar
Rosemarie DeWitt verið nefnt, en
hún lék síðast í kvikmyndinni La
La Land.
Hver þáttur segir sjálfstæða sögu
og má í raun líkja þeim við stuttar
kvikmyndir, en síðasti þátturinn í
þriðju þáttaröðinni var þó einn og
hálfur tími að lengd.
Eins og fyrr segir er ekki ljóst
hvaða þáttur verður tekinn upp
hér á landi. Miklar getgátur hafa
verið uppi um fjórðu þáttaröðina,
meðal annars vangaveltur um að
framhald verði gert á þættinum San
Juniper sem fjallar um tvær kon-
ur sem kynnast í nokkurskonar
sýndarveruleika og verða ástfangn-
ar, en þættirnir voru teknir upp í
Höfðaborg í Suður-Afríku.
Það er ljóst að af nógu er að taka
þegar kemur að samspili manna
og tækni. Handritshöfundurinn
Brooker hefur þó sýnt að hann fer
ekki hefðbundnar leiðir í frásögn
sinni. Samkvæmt heimildum verða
upptökur á þáttunum ekki bara úti
á landi, eins og oftast, þeir verða
einnig teknir upp í Reykjavík.
Charlie Brooker stendur fyrir miðju ásamt hópnum sem leikur í þriðju þáttaröð
Black Mirror.
Black Mirror tekinn upp á Íslandi
Skólamál Einkaskólinn Nú í
Hafnarfirði uppfyllir ekki kröfur
um fjölda klósetta í skólahúsnæð-
inu og er því rekinn á undan-
þágu. 32 nemendur skólans hafa
eitt klósett til umráða en hafa
fengið að nota annað á hæðinni
fyrir neðan þar sem er rekin
starfsendurhæfing.
Hörður Svavarson formaður
heilbrigðisnefndar Hafnar-
fjarðar, Kópavogs og Garða-
bæjar segir að þetta standi
allt til bóta en undanþágu-
beiðni hefur verið send til
umhverfisráðuneytisins.
„Þetta er ekkert stórmál
sko, það er enginn að fara
að pissa í buxurnar. Um-
hverfisráðuneytið þarf bara
tíma til að vinna málið því
svona getur skapað fordæmi.“
Hann segir að skólahaldið
gangi vel og málið skipti engu
máli í stóra samhenginu þótt
það sé broslegt.
„Það er svona þegar menn
eru uppfullir af góðum hug-
myndum og hugsjónum um
að reka skóla, en gleyma því
að fólk þarf að nota klósett,”
segir hann. | tka
Nýja skólann vantar
klósett til að standa undir
kröfum yfirvalda.
Enginn að pissa í sig
Hörður Svavarsson er
formaður heilbrigðis-
nefndar.
Frá Hruni hafa íslenskir fjölmiðl-
ar verið fjármagnaðir af sérhags-
munaaðilum og aðilum sem hafa
ríkan hag af því að hafa áhrif
á umræðuna. Viðskiptamódel
fjölmiðla sem starfa á markaði
en veita almannaþjónustu virðist
brotið. Af þessum sökum mun
Fréttatíminn hlutast til um
stofnun Frjálsrar fjölmiðlunar,
félags sem leitar til almennings
um stuðning við frjálsa og óháða
blaðamennsku.
„Hefðbundnir fjölmiðlar um allan
heim standa frammi fyrir þeirri
staðreynd að viðskiptamódel þeirra
er brostið,“ segir Gunnar Smári Eg-
ilsson, útgefandi Fréttatímans. „Eft-
ir niðurskurð kostnaðar á undan-
förnum árum hafa þeir miðlar sem
vilja stunda almannaþjónustu því
margir gripið til þess ráðs að leita
til almennings um stuðning til að
stunda áfram frjálsa og óháða blaða-
mennsku, nú síðast The Guardian í
Bretlandi. Við viljum freista þess að
fara þessa sömu leið.“
Óháð blaðamennska mikilvæg
Gunnar Smári segir að núverandi
útgefendur Fréttatímans hafi þreif-
að fyrir sér um útgáfuform það ár
sem liðið er frá því að þeir komu að
verkefninu: „Við efldum vefsvæðið
og fjölguðum útgáfudögum, bætt-
um við laugardagsblaði í maí á síð-
asta ári og gáfum út blað á fimmtu-
dögum tímabundið fyrir jól. Við
sjáum að auglýsingamarkaðurinn
stendur undir útgáfu í þetta stóru
upplagi sem dreift er til rúmlega 75
þúsund heimila, en ekki undir öfl-
ugri ritstjórn. Við getum því haldið
áfram að dreifa auglýsingum innan
um sæmilegt efni eða leitað til al-
menning um stuðning til að nýta
slagkraft mikillar útbreiðslu til
stunda öfluga blaðamennsku sem
hefði víðtæk áhrif á samfélagið.“
Gunnar Smári bendir á að sú
tegund blaðamennsku, sem flest-
ir telja mikilvæga fyrir virkt lýð-
ræðislegt samfélag, hafi byggst upp
af efnahags- og tæknilegum ástæð-
um. Vegna fákeppni og/eða einok-
unar á dreifileiðum hafi byggst upp
í fjölmiðlafyrirtækjum í einkaeigu
fjárhagslegur styrkur til að halda
uppi almannaþjónustu. Með staf-
rænni dreifingu og Internetinu hafi
tæknilegar forsendur þessa brostið
og afleiðingar þess hafi orðið sú að
efnahagslegar stoðir hinna hefð-
bundnu miðla hafi brostið.
Markmið að bæta samfélagið
„Þegar fólk dáist að blaðamönnum
The Boston Globe í bíómyndinni
Spotlight er vert að hafa í huga að
þegar sagan gerðist voru starfs-
menn blaðsins meira en helm-
ingi fleiri en í dag. Efnahagslegar
forsendur fyrir þessari tegund
blaðamennsku eru í raun brostnar.
Ef við viljum viðhalda henni verð-
um við að gera eitthvað nýtt,“ segir
Gunnar Smári.
Hann segir að samfélagið hafi í
stórum dráttum um tvo kosti að
velja. „Annað hvort látum við sér-
hagsmunina éta upp gömlu fjöl-
miðlana og nota þá til að verja stöðu
sína í samfélaginu. Eða við finnum
leið fyrir almenning til að styrkja
óháða og frjálsa blaðamennsku sem
gætir að almannahagsmunum.“
Gunnar Smári segir að í sjálfu sér
sé engin ástæða til að gráta lengi
yfir hrörnun þess viðskiptamódels
sem var að baki sterkra fjölmiðla
á seinni hluta síðustu aldar. Hann
segir að þetta tímabil sé einfald-
lega liðið. „Það má segja að við
séum aftur komin á upphafsreit,
til þess tíma á nítjándu öldinni að
blöð spruttu upp af vilja fólks til að
bæta samfélagið. Við viljum nýta
útbreiðslu Fréttatímans og slag-
kraft, sem auglýsingamarkaðurinn
skaffar, til að byggja upp öflugan
fjölmiðil í almannaþjónustu. Mark-
miðið er að bæta samfélagið, það
er ekkert launungarmál. Samfélag
þar sem allir sterkir fjölmiðlar fyrir
utan Ríkisútvarpið eru í eigu sér-
hagsmunaaðila mun halda áfram að
ganga á almannahagsmuni.“
Einn kaffibolli á mánuði
Þeir sem áhuga hafa á að styðja
Fréttatímann geta farið inn á
vef Frjálsrar fjölmiðlunar, frjals-
fjolmidlun.is, og gerst stofnfélagar
í Frjálsri fjölmiðlun, félagi sem ætl-
að er að efla frjálsa og óháða blaða-
mennsku á Íslandi, í fyrstu með því
að efla Fréttatímann.
Fólki getur bæði greitt andvirði
eins kaffibolla á mánuði til stuðn-
ings Fréttatímanum og tryggt þar
með áframhaldandi útbreiðslu hans
og áherslur á óháða blaðamennsku,
eða valið aðrar upphæðir eða fyrir-
komulag. Stefnt er að því að halda
stofnfund félagsins eftir fáeinar vik-
ur.
„Á sama tíma munum við styrkja
bakland útgáfufélagsins og tryggja
með því áframhaldandi útgáfu,“
segir Gunnar Smári. „Framlög al-
mennings fara ekki til venjulegs
rekstrar Fréttatímans heldur aðeins
til að styrkja ritstjórnina.“
Að undanförnu hefur lestur
Fréttatímans vaxið og kannanir
sýna að traust á blaðinu hefur vax-
ið.
Óskar stuðnings við
frjálsa blaðamennsku
„Það má segja að við
séum aftur komin
á upphafsreit, til
þess tíma á nítjándu
öldinni að blöð
spruttu upp af vilja
fólks til að bæta
samfélagið.“
Gunnar Smári Egilsson útgefandi.
Fréttatíminn er gefinn út í 80 þúsund
eintökum tvisvar í viku. Markmiðið með
stofnun Frjálsrar fjölmiðlunar er að halda
úti öflugri óháðri blaðamennsku á
grunni mikillar útbreiðslu og
mikils lesturs.
Eigendur
hestanna voru
á þorrrablóti
ásamt öðrum
bændum
í sveitinni
þegar eldinga-
veðrið gekk
yfir. Mynd | þká
Eldingu sló niður í hross
Dýr Hestur drapst þegar hann
varð fyrir eldingu í Gnúpverja-
hreppi á föstudagskvöld í síðustu
viku.
Eigendur hrossanna voru á
Þorrablóti í Árnesi en skepnurnar
voru á túni skammt frá bæjarhús-
ununum. Um það leyti sem gest-
ir voru að týnast inn á þorrablótið
brast á gríðarmikið þrumuveður og
í kjölfarið fylgdu eldingar.
Daginn eftir þegar bóndinn mætti
til gegninga lá einn hesturinn dauð-
ur á túninu og annar var slasaður
á fæti.
„Þetta getur komið fyrir, ég man
eftir slíku máli í Austur-Skaftafells-
sýslu fyrir um áratug, þar sló
eldingu niður og hún drap 10 holda-
beljur,“ segir Gunnar Þorkelsson
héraðsdýralæknir á Suðurlandi.
„Þetta er þó ekki algengt á Íslandi
en kemur stundum fyrir á hinum
Norðurlöndum, þar verður fólk líka
stundum fyrir eldingum þegar það
leitar skjóls undir trjám í eldinga-
veðri.“ | þká