Fréttablaðið - 28.03.2018, Blaðsíða 20

Við fjármögnum
innflutninginn
fyrir þitt fyrirtæki
Nánari upplýsingar
má finna á kfl.is
markaðurinn
Útgáfufélag 365 miðlar ehf., Skaftahlíð 24, 105 Reykjavík, sími 512 5800
Netfang rit stjorn@markadurinn.is | Sími 512 5000 | Fax 512 5301
Ritstjóri Hörður Ægisson hordur@frettabladid.is
Ábyrgðarmaður Kristín Þorsteinsdóttir
Netfang auglýsingadeildar auglys ing ar@frettabladid.is Veffang frettabladid.is
Félag breska athafnamannsins
Marks Holyoake minnkaði hlut
sinn í sjávarútvegsfyrirtækinu Ice­
land Seafood International á síðasta
ári og átti ríflega helmingshlut í
félaginu í árslok. Til samanburðar
nam eignarhlutur félagsins 64 pró­
sentum í lok árs 2016.
Félagið, International Seafood
Holdings, seldi hlutabréf sín í
sjávarútvegsfyrirtækinu í nokkrum
sölum á síðasta ári og átti í lok ársins
657 milljónir bréfa að virði 4,8 millj­
arða króna miðað við núverandi
gengi bréfanna, en Iceland Seafood
er skráð á First North­markaðinn.
Holyoake situr sem kunnugt er í
stjórn Iceland Seafood.
Eignarhlutur Kviku banka í sjáv­
arútvegsfyrirtækinu minnkaði lítil­
lega í fyrra, samkvæmt uppfærðum
hluthafalista félagsins, en bankinn
átti í árslok níu prósenta hlut borið
saman við ellefu prósent í lok árs
2016 og er sem fyrr næststærsti hlut­
hafinn.
Á meðal félaga sem bættust í hlut­
hafahóp Iceland Seafood á síðasta ári
voru Íshóll, í eigu Stefáns Ákasonar,
fyrrverandi forstöðumanns skulda­
bréfamiðlunar Kaupþings, HEF kap­
ital, í eigu Birgis Ellerts Birgissonar
fjárfestis, og Bluberg, sem er félag
Helga Antons Eiríkssonar, forstjóra
Iceland Seafood. Umrædd félög fóru
hvert um sig með um tveggja pró­
senta hlut í sjávarútvegsfyrirtækinu
í lok síðasta árs. – kij
Holyoake með ríflega 50
prósent í Iceland Seafood
Ei g n a r h a l d s f é l a g i ð Heimavellir GP, sem hefur séð um umsýslu eigna fyrir Heimavelli leigufélag slhf., móður­félag Heimavalla hf.,
fékk um 270 milljónir króna í
umsýslutekjur í fyrra vegna ráð­
gjafa starfa sinna fyrir leigufélagið.
Umsýslusamningnum við Heima­
velli GP var slitið í október síðast­
liðnum en þóknanagreiðslur til
félagsins námu samtals rúmlega 480
milljónum á árunum 2015 til 2017.
Stærstu hluthafar Heimavalla GP í
ársbyrjun 2017, með samanlagt um
95 prósenta hlut, voru félög í eigu
Magnúsar Pálma Örnólfssonar,
fjárfestis og fyrrverandi starfsmanns
Glitnis, Magnúsar Magnússonar,
fjárfestis og stjórnarformanns
Heimavalla, Halldórs Kristjáns­
sonar, stjórnarmanns í Borgun, og
Sturlu Sighvatssonar, athafnamanns
og fyrrverandi framkvæmdastjóra
Heimavalla. Þá áttu Ari Edwald,
forstjóri Mjólkursamsölunnar, og
Arnar Gauti Reynisson, fjármála­
stjóri Heimavalla, báðir 2,5 pró­
senta hlut í félaginu.
Samkvæmt samningnum við
Heimavelli GP, sem fólst í ábyrgð á
greiningu og framkvæmd fjárfest­
inga, þá fékk félagið hlutfallslega
þóknun sem nam einu prósenti af
fasteignamati fjárfestingareigna
í rekstri Heimavalla leigufélags
á ári. Var þóknunin innheimt
mánaðarlega. Þóknanagreiðslur
til Heimavalla GP á grundvelli
samningsins jukust um meira en
70 prósent í fyrra samhliða örum
vexti leigufélagsins, einkum með
yfirtöku annarra leigufélaga og
kaupum á eignum af Íbúðalána­
sjóði, og námu 269 milljónum
borið saman við 156 milljónir á
árinu 2016. Fasteignamat fjár­
festingareigna Heimavalla, stærsta
leigufélags landsins, var 33,4 millj­
arðar í árslok 2016 en ári síðar var sú
fjárhæð komin upp í 48,6 milljarða.
Leigufélagið var þá með tæplega
2.000 íbúðir í rekstri.
Ársreikningur Heimavalla GP
fyrir árið 2017 liggur enn ekki
fyrir en á  árinu 2016 nam hagn­
aður félagsins 87 milljónum en
árið áður var hagnaðurinn 141
milljón. Rekstrarkostnaður hefur
nánast einungis samanstaðið af
launagreiðslum til stjórnarmanna.
Á árunum 2016 og 2017 námu arð­
greiðslur til hluthafa samtals 229
milljónum króna. Þá átti félagið
1,25 prósenta hlut í Heimavöllum
leigufélagi slhf. í byrjun síðasta árs
en miðað við að núverandi innra
gengi í leigufélaginu er um 1,72 er
sá eignarhlutur metinn á um 190
milljónir.
Greiðslur til Heimavalla GP vegna
umsýslusamningsins hafa sem fyrr
segir verið inntar af hendi af fag­
fjárfestasjóðnum Heimavöllum
leigufélagi sem aftur á 99,99 pró­
sent hlutafjár í Heimavöllum hf.
en það félag stefnir að óbreyttu að
skráningu á aðalmarkað í Kauphöll­
inni í byrjun maí. Greint var frá því í
Fréttablaðinu á mánudag að Heima­
vellir væru að ganga frá um þriggja
milljarða króna skuldabréfafjár­
mögnun við sjóð í stýringu banda­
ríska sjóðastýringarfyrirtækisins
Eaton Vance Management. Þá mun
sami sjóður einnig leggja félaginu
til um 300 milljónir króna í nýtt
hlutafé en fjárfestingin er gerð fyrir
milligöngu Fossa markaða. Þá sagði
Markaðurinn frá því í síðustu viku
að Heimavellir hefðu fyrir skömmu
sagt upp samningi sínum við Kviku
banka, sem átti að leiða söluferli á
hlutum félagsins við skráningu, og
ráðið Landsbankann í staðinn.
Hagnaður leigufélagsins var
um 2,7 milljarðar í fyrra og jókst
hann um 500 milljónir á milli ára.
Matsbreyting fjárfestingareigna,
sem nam rúmlega 3,8 milljörðum,
litaði hins vegar mjög afkomu
f é l a g s i n s . Re k st ra r h a g n a ð u r
Heimavalla fyrir matsbreytingu
eigna var þannig 1.622 milljónir
króna á sama tíma og fjármagns­
kostnaður félagsins var nærri
1.960 milljónir. Leigufélagið hefur
því að undanförnu unnið mjög að
því að reyna að endurfjármagna
skuldirnar á hagstæðari lánakjör­
um. Samtals námu vaxtaberandi
langtímaskuldir þess liðlega 32
milljörðum króna í lok síðasta árs.
Stærstu hluthafar Heimavalla
leigufélags eru meðal annars hjónin
Finnur Reyr Stefánsson og Steinunn
Jónsdóttir, Tómas Kristjánsson,
hjónin Guðrún Lárusdóttir og Ágúst
Sigurðsson, sem áttu útgerðarfyrir­
tækið Stálskip, tryggingafélögin
Sjóvá og VÍS, Magnús Pálmi Örn­
ólfsson og eignarhaldsfélagið Brim­
garðar. hordur@frettabladid.is
Fengu hálfan milljarð í
þóknun frá Heimavöllum
Heimavellir GP fékk samtals greitt um 480 milljónir á árunum 2015 til 2017 vegna
umsýslu eigna fyrir Heimavelli leigufélag. Samningnum var slitið í október. Þókn-
anagreiðslurnar jukust um meira en 70 prósent í fyrra og voru um 270 milljónir.
Guðbrandur Sigurðsson, forstjóri Heimavalla, en leigufélagið stefnir að
skráningu á aðalmarkað í byrjun maí. Fréttablaðið/GVa
229
milljónum námu arðgreiðsl-
ur til hluthafa Heimavalla
GP á árunum 2016 og 2017.
Mark Holyoake,
stærsti eigandi
iceland Seafood.
VÍS hefur minnkað eignarhlut sinn
í Kviku banka um rúmlega 1,4 pró­
sentur, jafnvirði um 215 milljóna
króna miðað við núverandi gengi
bréfa bankans, frá því að Kvika var
skráð á hlutabréfamarkað 16. mars
síðastliðinn. VÍS er hins vegar eftir
sem áður langsamlega stærsti ein­
staki hluthafi Kviku með 21,89 pró­
senta hlut.
Þetta er í fyrsta sinn sem trygg­
ingafélagið selur í Kviku frá því að
VÍS kom fyrst inn í eigendahóp
bankans í janúar 2017 þegar félag­
ið keypti tæplega 22 prósenta hlut
fyrir um 1.655 milljónir. Þremur
mánuðum síðar stækkaði eignar­
hlutur VÍS um rúmlega þrjú pró­
sent þegar félagið keypti hlut ESÍ í
bankanum. Hlutabréfaverð Kviku
hefur hækkað um liðlega fimmtíu
prósent frá því að VÍS keypti sinn
hlut á genginu 5,4 krónur á hlut.
Við lokun markaða í gær nam gengi
bréfa bankans 8,25 krónur á hlut og
er markaðsvirði eignarhlutar VÍS í
bankanum í dag um 3,3 milljarðar
króna.
Annar stór hluthafi í Kviku
sem hefur verið að selja bréf sín
frá því að bankinn fór á markað
er eignarhaldsfélagið Brim­
garðar, sem er í eigu systkinanna
Guðnýjar Eddu, Gunnars Þórs,
Eggerts Árna og Halldórs Páls Gísla­
barna, en það hefur selt rúmlega
eins prósents hlut og á núna 3,55
prósent. Hið sama á við um félag­
ið Mízar, sem er í eigu Guðmundar
Jónssonar, en það fer með 5,05 pró­
sent í Kviku eftir að selt um 1,1 pró­
sents hlut í bankanum.
Á meðal þeirra sem hafa verið að
kaupa bréf í Kviku er Arion banki,
fyrir hönd viðskiptavina, en bank­
inn heldur núna á um 2,13 prósenta
hlut. Ekki er vitað hvaða fjárfestir
stendur á bak við þann hlut. – hae 
VÍS hefur selt fyrir um
200 milljónir í Kviku
Hlutur VÍS í Kviku í dag er metinn á
um 3,3 milljarða.
2 8 . m a r s 2 0 1 8 m I Ð V I K u D a g u r2 markaðurinn
2
8
-0
3
-2
0
1
8

0
4
:3
6
F
B
0
6
4
s
_
P
0
4
5
K
.p
1
.p
d
f
F
B
0
6
4
s
_
P
0
3
6
K
.p
1
.p
d
f
F
B
0
6
4
s
_
P
0
2
0
K
.p
1
.p
d
f
F
B
0
6
4
s
_
P
0
2
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
5
5
-1
5
A
0
1
F
5
5
-1
4
6
4
1
F
5
5
-1
3
2
8
1
F
5
5
-1
1
E
C
2
7
5
X
4
0
0
.0
0
1
4
B

F
B
0
6
4
s
_
2
7
_
3
_
2
0
1
8
C
M
Y
K