Feykir - 27.11.2014, Blaðsíða 2

2 01 42
Í blöðum og tímaritum nóvembermánaðar er rætt við hönnuði
og innanhúsarkitekta sem setja tískulínuna fyrir jólin 2014.
Við getum skoðað fallegar myndir af smekklegu jólaskrauti í
ýmsum fallegum litum og dáðst að öllu þessu augnakonfekti og
fengið hugmyndir að nýj-
ungum í jólaskreytingu. En
eru jólin tíska? Aðdragandi
aðventu og jólanna skap-
ar tilfinningaflæði. Sumir
drekka í sig jólastemning-
una meðan aðrir finna
fyrir ónotum og einmana-
kennd. Öll finnum við að
það liggur eitthvað í loft-
inu. Kitlandi eftirvænting.
Það birtir í sálum okkar.
Við leyfum Guði að leiða
okkur og lýsa veginn, hug-
urinn opnar fyrir hinum
sönnu verðmætum í lífinu. Á jólum finnum við betur en í
annan tíma nærveru Guðs, kærleikann til hvors annars.
Aðventan og jólahátíðin er blessunarríkur tími til að umvefja
heiminn blíðu og væntumþykju. Við megum ekki til þess hugsa
að einhver verði útundan á jólum. Og dásamlegt er að vita, að
æ fleiri leggja sitt af mörkum til ýmissa góðra mála til þeirra
sem lítið hafa milli handanna eða eru einmana.
Um jólahátíðina þykir flestum mikilvægast að hafa fólkið
sitt nálægt, deila gleðinni með fjölskyldu og vinum, finna frið í
hjartanu. Fara í kirkjugarðinn og tendra ljós í minningu
látinna ástvina. Persónuleg upplifun tengist jólahaldinu sem
við þekkjum. Hvert og eitt okkar á sínar dýrmætu minningar
og byggir sitt jólahald á hefðum fyrri tíma. – En ungt fólk
skapar einnig sína eigin jólahefð, blandar saman nýju og
gömlu – bæði hvað varðar skreytingar og matargerð. Margir
leggja áherslu á að skapa minningar um undirbúning jólanna
með því að gera eitthvað saman og það þarf ekki að kosta
mikla peninga. Það er jólastemning að gleðja, sitja saman í
skreyttu húsi við kertaljós, ilminn af heitu súkkulaði,
smákökum og mandarínum. Hlusta á uppáhalds jólalögin og
horfa á uppáhalds jólamyndina. Útbúa eða kaupa gjafir
handa þeim sem við elskum og pakka þeim inn full af ást og
kærleika. Þegar heimilið er sett í jólabúning – minnir það á
hreiðurgerð, það er alveg sama hvernig eða hvar hreiðrið er
útbúið, hreiður er alltaf bústaður til að taka á móti gjöf lífsins
– nýju lífi. María var þetta hlýja hreiður, fæðir Jesús og annast
hann. Þannig biður Guð okkur um að vera hlýtt hreiður hvort
fyrir annað, líka í hversdeginum. Við getum fylgt jólatískunni
ár hvert með nýjum jólakúlum, glimmeri og skrauti. En það
sem einkennir aðventuna og jólin er eftirvænting, fæðing
frelsarans og nærvera Guðs.
Megi friður Guðs gefa þér gleðilega aðventu
og blessunarríka jólahátíð.
Séra Bryndís Valbjarnardóttir
sóknarprestur í
Skagastrandarprestakalli
Hreiðurgerð í
aðdraganda jóla
ÚTGEFANDI
Nýprent ehf. Sauðárkróki
Sími 455 7176, feykir@feykir.is
RITSTJÓRI & ÁBM.
Berglind Þorsteinsdóttir
berglind@feykir.is
BLAÐAMAÐUR
Kristin Sigurrós Einarsdóttir
kristin@feykir.is
LAUSAPENNAR
Hrafnhildur Viðarsdóttir
Óli Arnar Brynjarsson
FORSÍÐUMYND
Emilía Ásta Örlygsdóttir.
AUGLÝSINGASÖFNUN
Hrafnhildur Viðarsdóttir
UMBROT & PRENTUN
Nýprent ehf.
Jólablaðið er prentað
í 3600 eintökum og er
dreift frítt í öll hús í
Skagafirði og í Húna-
vatnssýslum.
20
14
Fyrir skemmstu skipti
Tengill á Sauðárkróki út
tölvum í eigu fyrirtækisins í
skólasamfélaginu í Skagafirði
og hefur ákveðið að gefa
tölvurnar til skóla í Úganda
í Afríku, með aðstoð frá
ABC barnahjálp. „Það sem
okkur finnst kannski gamalt
er alveg nýtt í augum þeirra
sem eru að fara nota þetta.
Það er frábært að það skuli
vera hægt að finna not fyrir
það sem við hefðum fargað,“
sagði Gísli Sigurðsson
framkvæmdastjóri hjá Tengli
í samtali við Feyki.
Eftir að hugmyndin kvikn-
aði um að gefa tölvurnar til
hjálparstarfs setti Gísli sig í
samband við ABC barnahjálp
sem tók afar vel í erindið. Í
kjölfarið kannaði ABC barna-
hjálp hvar þörfin væri mest
Gefa tölvur til skóla í Úganda
Tengill í samstarf með ABC barnahjálp
og vinnur nú að því að finna
flutningsaðila fyrir tölvurnar,
sem bíða innpakkaðar á sex
vörubrettum á verkstæði Teng-
ils eftir því að komast í gagnið
á ný. Einnig er verið að vinna
að því að útvega leyfi fyrir
innflutningnum til Úganda.
„Síðast þegar ég vissi þá er þetta
bara að detta í gang,“ sagði Gísli.
Tölvurnar eru 91 talsins og
hafa starfsmenn Tengils tæmt
þær af gögnum, sett upp nýtt
stýrikerfi og eru þær nú í raun
eins og nýjar tölvur. Gísli segist
hafa fundið fyrir miklu þakk-
læti fyrir gjöfina en samkvæmt
ABC barnahjálp er þörfin
mikil fyrir slíkan útbúnað í
skólakerfinu í Úganda. /BÞ
Jólahlaðborð Rótarýklúbbs
Sauðárkróks verður haldið
laugardaginn 29. nóvember
nk. frá kl. 12–14. Að sögn
Ómars Braga Stefánssonar
skipuleggjanda verður
hlaðborðið með svipuðu
sniði og í fyrra þar sem
viðburðurinn þótti
einstaklega vel lukkaður.
„Á milli 500 og 600 manns
mættu í íþróttahúsið, fólk
úr öllum samfélagsstigum ef
svo má að orði komast, börn
og fullorðnir. Allir sátu við
sama borð, nutu matar og
skemmtunar þar sem enginn
þurfti að borga neitt. Allt var
í boði Rótarýklúbbsins.“
„Þegar ég hafði komið
Króksblótinu á koppinn og
það var farið að rúlla kynnti
ég hugmynd mína að þessu
jólahlaðborði fyrir félögum
mínum í Rótarýklúbbnum.
Undirtektir voru mjög góðar
og það var ákveðið að leggja
í þessa vegferð,“ segir Ómar
Bragi aðspurður um hvernig
hugmyndin að jólahlaðborðinu
varð til. „Við klúbbfélagar
reynum að láta gott af okkur
leiða og þetta fannst okkur
gott verkefni sem gæti glatt
marga,“ bætir hann við en
Rótarýklúbburinn hefur
Óska þess að sem flestir láti sjá
sig og njóti samverunnar
Jóhlaðborð Rótarýklúbbsins á Sauðárkróki
fengið mörg fyrirtæki, flest
innan samfélagsins, til liðs við
sig og segir Ómar Bragi þá
Rótarýfélaga ákaflega þakkláta
fyrir veitta fjárhagsaðstoð.
„Þetta verður með mjög svip-
uðu sniði í ár. Engir miðar verða
hinsvegar afhentir fyrirfram
eins og í fyrra heldur verða
600 miðar við innganginn
þegar húsið opnar kl. 12:00.
Á dagskránni verður tónlist
og söngur, ekki ósvipað því
sem við buðum uppá í fyrra.
Grettistak ætlar að hjálpa okkur
með matinn að þessu sinni en
það eru þeir félagar Jón Daníel
og Eiður Baldursson. Svo eru
það auðvitað Rótarýfélagar
sem bera hitann og þungann af
þessu öllu og bera fram mat og
fylla á,“ útskýrir hann.
Í fyrra var söfnunarkassi á
staðnum og var öllum frjálst að
láta eitthvað af hendi rakna og
verður samskonar fyrirkomulag
einnig í ár. „Þarna safnaðist
dágóð upphæð og svo eins og
ég kom að hér á undan lögðu
mörg fyrirtæki okkur lið. Við
keyptum húsgögn fyrir Deild V
á Heilbrigðisstofnuninni Sauð-
árkróki sem komu sér afar vel
og prýða nú setustofu þeirra.“
Að lokum hvetja Rótarý-
félagar fólk til að fjölmenna í
íþróttahúsið og taka þátt, mestu
máli skiptir að sem flestir láti
sjá sig og njóti samverunnar í
upphafi aðventu. /BÞ
Frá jólahlaðborði Rotarýklúbbs Sauðárkróks 2013. MYND: ÓAB
Gísli Sigurðsson framkvæmdastjóri Tengils. Tölvukassarnir í baksýn. MYND: BÞ