Feykir - 27.11.2014, Blaðsíða 8

2 01 48
Sýningin er staðsett í huggulegum sal
á efri hæð Sögusetursins sem hýsti
áður ljósmyndasýningu en neðri hæð
safnsins hefur að geyma skemmtilega
fastasýningu. Þegar á efri hæðina
er komið má sjá rugguhestana, af
öllum stærðum og gerðum, standa
í röðum til að taka á móti gestum. Á
veggjunum hanga myndir af þeim
með upplýsingum um hvaðan þeir
koma og hver saga þeirra er. „Ég er
með ellefu rugguhesta og einn hest á
hjólum, sem er eiginlega vinsælastur
því það er hægt að fara á honum um
allt og jafnvel mjög hratt,“ segir Emilía
og á meðan þeysast börnin hennar um
salinn á reiðskjótunum. Alla hestana
segir Emilía megi prófa en bætir við að
hún hafi útskýrt það fyrir börnunum
sem þangað koma að það eigi að bera
Margir rugguhestanna
eiga sér skemmtilega sögu
UMFJÖLLUN
Berglind Þorsteinsdóttir
Sögusetur íslenska hestsins á Hólum í Hjaltadal
Á Sögusetri íslenska hestsins er töfrandi sýning með
rugguhestum sem koma víðsvegar að af landinu,
bæði gömlum og nýjum. „Síðasta haust þegar ég
tók við Sögusetrinu langaði mig til þess að gera eitthvað skemmtilegt fyrir
jólin og setja upp sýningu sem væri fyrir alla fjölskylduna. Ég setti þá upp
þessa rugguhestasýningu sem heppnaðist mjög vel. Þegar ég sá hvað börnin
sem komu höfðu gaman af henni ákvað ég að setja hana aftur upp í ár,“ sagði
Emilía Örlygsdóttir, forstöðukona Sögusetursins, þegar hún tók
á móti blaðamanni Feykis.
virðingu fyrir þeim, líkt og öllum
leikföngum sem við eigum eða fáum
að leika okkur að, og fara vel með þá.
Rugguhestarnir koma héðan og
þaðan að sögn Emilíu, þrjá segir hún
vera í einkaeigu, fjórir eru fengnir
að láni frá leikskólum, þrír koma af
leikfangasýningunni í Friðbjarnarhúsi
á Akureyri og tveir koma frá Ásgarði
í Mosfellsbæ sem er verndaður
vinnustaður en þar eru meðal annars
smíðaðir rugguhestar. „Sumir þeirra
eru þar af leiðandi alveg nýir og aðrir
svo gamlir og hafa átt svo marga
eigendur að enginn veit lengur neitt
um uppruna þeirra,“ útskýrir hún.
Marga rugguhestana segir Emilía
eiga sér skemmtilega sögu og bendir
á einn þeirra sem hún segir vera úr
sveitinni. „Hann fannst uppi á háalofti
þegar konan sem lánaði mér hann
og fjölskylda hennar fluttu á bæinn
sem þau bjuggu áður á. Þar var hann
ásamt öðru dóti sem fyrri eigendur
höfðu skilið eftir. Börnin hennar léku
sér mikið með hann og nú er hann
eftirlæti barnabarnanna. Þegar ég fékk
hann lánaðan á sýninguna fyrir jólin
í fyrra varð einn dóttursonur hennar
frekar ósáttur þegar hann uppgötvaði
Setið við að lita myndir af rugguhestum. MYNDIR: BÞ