Feykir - 28.11.2013, Síða 2

2 01 32
Þarfnast þú handa minna, Drottinn,
til að geta hjálpað,
sjúkum, fátækum og nauðstöddum?
Drottinn, í dag vil ég gefa þér hendur mínar.
Þarfnast þú fóta minna, Drottinn,
til að geta vitjað þeirra,
sem einmana eru og án vonar?
Drottinn, í dag vil ég gefa þér fætur mína.
Þarfnast þú vara minna, Drottinn,
til að geta talað til allra þeirra,
sem þrá kærleiksríkt orð og viðmót?
Drottinn, í dag vil ég gefa þér varir mínar.
Þarfnast þú hjarta míns, Drottinn,
til að geta elskað
skilyrðislaust sérhvern mann?
Drottinn, í dag vil ég gefa þér hjarta mitt.
Þannig hljóðar bænaljóðið ,,Í
dag vil ég gefa þér“ eftir móður
Theresu heitna og er viðeigandi
að íhuga í aðdraganda jólanna.
Þegar við undirbúum fæðingar-
hátíð frelsarans og fögnum
stærstu og mestu kærleiksgjöf
sem mannkyni hefur hlotnast,
Guðssyni Jesú Kristi. Með
fæðingu hans sem og ræðum,
sögum og verkum fengum við
innsýn í guðdóminn og til hvers
Guð ætlast af okkur. Yfirskrift
tilætlunar Guðs af okkur mætti
ramma inn og segja: ,,Í dag
skaltu gefa“ og ljóð móður Theresu er andsvar
við þessu boði Guðs.
Það voru ekki allir tilbúnir að gefa eða veita
liðsinni þegar Jesús kom í okkar heim eins og
segir frá í jólaguðspjallinu. María og Jósef fóru
hús úr húsi þegar þau komu til Betlehem í leit að
gistiskjóli. Enginn var tilbúinn að gefa sér tíma
fyrir þau, hliðra til eða veita þeim liðsinni þrátt
fyrir að María væri komin á steypirinn.
Helgisögur sem tengjast jólaguðspjallinu leiða
að því líkum að síðasti gistihúseigandinn sem
þau knúðu dyra hjá hafi miskunnað sig yfir þau
og bent þeim á að þótt gistihúsið væri fullt þá
væri bakatil gripahús sem þau gætu vissulega
gist í ef þau kærðu sig um. Þau þáðu þann
velgjörning og stimpluðu sig inn í gripahúsið. Í
þessu vinabragði gistihúseigands sjáum við skýrt
dæmi um það hvað það getur alið af sér mikinn
kærleik og ómetanlega hjálpsemi þegar menn
endurskoða hug sinn og jafnvel hugsa með
hjartanu í stað þess að svara með stífni, kaldlyndi
og ósveigjanleika.
Hvar sem í stétt við stöndum og hversu erfið
sem viðfangsefnin eru sem við fáum í fangið þá
megum við ekki gleyma því að starf okkar og
lífið allt er með einum eða öðrum hætti þjónusta
við náungann. Biðjum Guð að gefa okkur
þolinmæði og skynsemi, virðingu og hugrekki í
þeirri þjónustu. Ef við förum af stað með þessi
bænarorð á vörum þá munum við finna að í
hverju og einu okkar er fólginn styrkur, sem öllu
myrkri getur eytt.
Árin eftir hrun hafa verið mörgum fjöl-
skyldum þung í skauti. Margir hafa verið að
þreyja efnahagslegan þorra undanfarin ár. Þó
svo að þorrinn sé ríkjandi í efnahagnum og óljós
veðurspá framundan þá skulum við hlusta á
spána í ljósi ritningarorða Jesaja spámanns: ,,Sú
þjóð sem í myrkri gengur sér mikið ljós.“ Það er
mikil von fólgin í þessum texta. Ljósið er komið
í heiminn til þess að miðla okkur af sinni miklu
visku og þekkingu, við þurfum sérstaklega á
kærleiksboðskap heimsljóssins að halda, leyfum
ljósinu að vinna í okkur. Gleymum því ekki að
Guð getur snúið öllu til góðs. Sigurbjörn heitinn
Einarsson biskup sagði gjarnan: „Guð getur ofið
ljós úr skuggunum.“ Leyfum ljósinu að stilla
okkur af. Leyfum ljósinu að ráða viðhorfi okkar
og framkomu til annarra þannig að við megum
komast að raun hvað er okkur dýrmætast;
fjölskyldan, vinirnir, samstarfsfélagarnir, náung-
inn.
Laxness sagði einu sinni:
„Miskunnsemin er það fyrsta
sem deyr í hörðu ári.“ Við
höfum lifað hörð ár með tilliti
til þeirra ára sem við lifðum
þar á undan – velmegunar-
áranna. Umræðumenningin
og skoðanaskiptin, sérstaklega
á netmiðlum, hafa harðnað í
kjölfar þess að harðnað hefur á
dalnum og miskunnsemin
verið skilin eftir úti í kuldanum.
Við þurfum að endurvekja
prúða og drengilega umræðu-
hefð. Takast á um máliefnin en
sýna þann þroska að láta persónulegar þrætur
ekki lita skoðanaskiptin. Muna að manneskjan
að baki skoðununum er dýrmæt. Þess vegna er
mikilvægt að leggja sig fram í kristnum anda; að
hugsa hlýlega um, að tala vel til og að gjöra
náunganum gott. Góðar og hlýjar hugsanir, orð
og gjörðir til handa náunga okkar eru
óendanlega mikilvægar vörður á leiðinni til þess
að bæta samfélag og þjóðfélag. Það heitir að lifa
trú sína. Það er mikill kraftur fólginn í góðvilja,
góðsemi og trú sem starfar í kærleika.Við vitum
til hvers við viljum verja lífinu. Ekkert er meira
virði en lifandi fólk. Ástvinir, vinir og samferða-
fólk gegnum lífið. Á jólum verða okkur þessi
augljósu sannindi hugstæð. Enda birtist í helgri
jólahátíð kjarni kristinnar trúar; þ.e. ábyrgð
okkar gagnvart náunganum, lífinu og höfundi
þess. Með trú og trausti til hans, göngum við
bjartsýn og brosandi til komandi hátíðar.
Með hendur, tilbúnar að hjálpa nauðstöddum.
Með fætur, tilbúnar að vitja einmana.
Með varir, tilbúnar að mæla kærleiksríkt orð í eyra.
Með hjarta, tilbúið að elska náungann skilyrðislaust.
Megi Drottinn Guð gefa þér og þinni fjölskyldu
gæfuríka aðventu og gleðileg jól.
Sr. Magnús Magnússon
Sr. Magnús Magnússon prestur á Hvammstanga
Jólahugvekja
ÚTGEFANDI
Nýprent ehf. Sauðárkróki
Sími 455 7176, feykir@feykir.is
RITSTJÓRI & ÁBYRGÐARMAÐUR
Páll Friðriksson
palli@feykir.is
BLAÐAMAÐUR
Kristin Sigurrós Einarsdóttir
kristin@feykir.is
LAUSAPENNAR
Guðrún Sif Gísladóttir
Hrafnhildur Viðarsdóttir
FORSÍÐUMYND
Pétur Ingi Björnsson,
tekin í Glaumbæ.
AUGLÝSINGASÖFNUN
Hrafnhildur Viðarsdóttir
UMBROT & PRENTUN
Nýprent ehf.
Jólablaðið er prentað
í 3600 eintökum og er dreift
frítt í öll hús í Skagafirði og
í Húnavatnssýslum.
20
13
Bókaútgáfan Hólar hefur
gefið út Skagfirskar
skemmtisögur 3 – enn
meira fjör! í samantekt
Björns Jóhanns Björnssonar,
blaðamanns og Skagfirðings.
Eins og titillinn ber með
sér er þetta þriðja bindið
með gamansögum af
Skagfirðingum.
Fyrri bækur hafa slegið í
gegn og farið á metsölulista
bókaverslana. Viðtökur hafa
ekki aðeins verið góðar í
Skagafirði heldur um allt land.
Nú koma um 250 sögur til
viðbótar og alls eru sögurnar
því orðnar um 700 talsins í
þessum þremur bindum.
Nú koma enn fleiri sögur
af kaupmanninum Bjarna Har
sem og héraðshöfðingjunum
Halla í Enni, Friðriki á Svaða-
stöðum, Dúdda á Skörðugili,
Bjarna Marons og Pálma
Rögnvalds og hinum síkátu
Álftagerðisbræðrum og nágr-
önnum þeirra. Óborganlegar
gamansögur eru einnig af
Jóhanni í Kúskerpi, Jóni
Eiríkssyni Drangeyjarjarli,
Birni gamla í Bæ, Ragga Sót og
afa hans, og fyndnum Fljóta-
mönnum eru gerð sérstök skil.
Einnig er komið við á Króknum,
Hofsósi og í Óslandshlíð,
Viðvíkursveit, Hjaltadal,
Blönduhlíð, Seyluhreppi og
Staðarhreppi. Þá koma við sögu
þjóðkunnir einstaklingar sem
orðið hafa á vegi Skagfirðinga
með einum eða öðrum hætti,
m.a. nóbelsskáldið Halldór
Laxness.
Í bókinni er sérstakur
kafli helgaður Ýtu-Kela, sem
Norðlendingar muna margir
vel eftir, en skrásetjari komst
yfir ómetanlegar upptökur
með Kela sem var stór-
skemmtilegur sögumaður og
þjóðsagnapersóna í lifanda
lífi. Sagðar eru sögur af sam-
ferðamönnum Kela í Skagafirði
og Þingeyjarsýslum.
Nokkrar góðar sögur má
finna á víða og dreif í blaðinu
og þökkum við höfundi fyrir
birtingaleyfið. /PF
Gamansögur af Skagfirð-
ingum streyma fram
Skagfirskar skemmtisögur 3 – enn meira fjör!
1 Notaðu aðeins bestu fáanlegu hráefni.
2 Gerðu ekki innkaupin sama dag og þú átt von á gestum.
3 Hafðu það einfalt. Því einfaldara, því betra. Það er erfitt að
elda.
4 Brýndu hnífana áður en þú hefst handa. Á eftir höndunum
eru hnífarnir mikilvægasta verkfæri kokksins.
5 Gefðu þér tíma til að njóta eldamennskunnar.
6 Miðlaðu málum. Ef þú ert í tímaþröng notaðu baunir úr
dós í kássuna og forsoðnar kartöflur úr frystinum. Góðir
kokkar eru ekki öfgamenn.
7 Vertu góð við sjálfa þig og hugsaðu „Þetta gengur vel já mér,
mikið verður þetta ljúffengt!“ Neikvæð orka á ekki heima í
eldhúsinu.
8 Kryddaðu jafn óðum og hafðu þá alla máltíðina í huga.
9 Láttu kjötið jafna sig eftir steikingu. Þá heldur það eftir
safanum og hann lekur ekki úr því þegar þú skerð það.
10 Láttu gestina bíða eftir matnum, ekki láta matinn bíða eftir
gestunum.
/ Fengið af heimasíðunni gorenje.is
Sælkeralögmálin tíu
Hafa bak við eyrað