Feykir - 28.11.2013, Blaðsíða 5

52 01 3
-Þetta er búið að vera draum-
ur hjá mér í mörg ár ég hef
hugsað þetta lengi. Ég beið
lengi eftir að Sena gæfi mér
jákvætt svar en þeir eru búnir
að draga mig á asnaeyrunum,
í þrjú eða fjögur ár, varðandi
útgáfu en svo fékk ég
endanlegt svar í fyrra, segir
Geirmundur sem fékk neitun
frá útgáfufyrirtækinu sem
hann hefur skipt við. Þá segist
hann hafa ákveðið að gefa
þetta út sjálfur en Óttar Felix
Hauksson hjá Zonet útgáfunni
dreifir plötunni fyrir hann.
-Mig hefur bara langað
til að gera jólaplötu í mörg
ár. Þetta eru bara venjuleg
lög en það skiptir máli að
textarnir eru jólatextar sem
gerir plötuna að jólaplötu. Það
Langþráð jóla-
plata komin út
VIÐTAL
Páll Friðriksson
Jólastjörnur Geirmundar Valtýs
Út er kominn geisladiskur úr smiðju
skagfirska sveiflukóngsins Geirmundar
Valtýssonar sem helgaður er jólunum
að þessu sinni. Alls eru þrettán lög, öll eftir Geirmund,
á disknum sem fjöldi landsþekktra flytjenda, auk minni
þekktra, gera góð skil. Hljómsveit undir stjórn Vilhjálms
Guðjónssonar sér um allan undirleik og sá hann einnig um
útsetningar. Feykir brá sér í sveitina og hitti Geirmund er
hann var að gefa fénu á búgarðinum, Geirmundarstöðum í
Sæmundarhlíð, og spurði um tilurð plötunnar og af hverju
hann ákvað að gera jólaplötu.
er allur munurinn á því, segir
Geirmundur og bendir á að
ekki sé mikið til af íslenskum
jólalögum.
-Það er eitthvað svolítið til
en hefur ekki komið í mörg ár.
Menn taka vinsæl erlend lög
og setja jólatexta við þau og
gera svo að íslensku jólalagi,
nema lagið er alltaf erlent. Ég
er mjög ánægður með það
að þetta skuli vera komið af
stað hjá mér því að ég man
reyndar ekki eftir því, getur
verið vitleysa hjá mér, að
það hafi komið út jólaplata
með jólalögum eftir sama
höfundinn á einum diski.
Geirmundur segir að öll
lögin séu samin á þessu ári
fyrir utan þrjú sem hann samdi
í fyrra og hittifyrra og öll með
það í huga að þau yrðu jólalög.
Ýmist biður hann menn um að
gera jólatexta fyrir sig og hann
býr svo til lag við ljóðið eða þá
öfugt að menn gera texta við
lagið hjá honum.
-Sem betur fer er maður
með flotta textahöfunda við
höndina, Kela, Sigga Hansen,
Guðrúnu Sighvats og svo gerði
Steinunn Arndís mjög fínan
texta fyrir mig. Svo er ég farinn
að gera texta sem er nú alveg
ótrúlegt því ég hef ekki gert
mikið af því, segir Geirmundur
en hann fór í bragfræði í
Farskólanum fyrir tveimur
árum og nam listina við
yrkingar og þótti það gaman.
Jólin skemmtilegur tími
Þegar Geirmundur er spurður
að því hvort hann sé jólabarn
segir hann að það hafi farið
dvínandi eftir því sem árin
hafa liðið.
Geirmundur hefur glatt landsmenn í gegnum árin og hefur nikkan oft verið í aðalhlutverki.
-Það eru allir meiri jóla-
börn þegar þeir eru yngri,
svo bara fullorðnast maður
upp úr því. Ég er búinn að
spila á jólaböllum lengi og
leikið jólalögin, göngum við í
kringum og svoleiðis. En þetta
er náttúrulega hátíð og ég er
mjög trúaður maður. Auðvitað
er þetta skemmtilegur tími og
þá sérstaklega fyrir börnin.
Þau hlakka eðlilega mikið til
jólanna enda allt gert til að
gleðja þau.
Jólahald hefur tekið mikl-
um stakkaskiptum frá ungl-
ingsárum Geirmundar sem
segir að þá hafi minna verið
til og allt öðruvísi umhorfs.
En það voru að sjálfsögðu
barnaböll í Melsgilinu og
hann byrjaði að spila þar á
harmonikku 13 eða 14 ára og
mörg sömu lögin og sungin
eru í dag.
Lítið hefur komið fram af
nýjum jólalögum sem samin
eru með hreyfingum eða
leik fyrir krakkana í huga.
Geirmundur segist ekki hafa
ætlað sér að gera þannig lög
þar sem það sé of tímafrekt
þótt þau vissulega geti verið
lífsseigari.
-Ég veit náttúrulega ekkert
um það hvort lögin mín
verði sígild eða ekki enda
markaðurinn bundinn við
stuttan tíma. Hvort diskurinn
selst eða hvort lögin eigi
eftir að heyrast í útvarpi í
framtíðinni veit enginn um,
ég er alveg að fara út á sjó í
þessu.
Geirmundur segir að
stundum vilji það gerast
þegar verið sé að vinna að
diski að tíminn sé að renna úr
stundaglasinu. Til marks um
það segir hann að síðasta lagið,
Í syngjandi jólasveiflu, hafi
hann samið í lok september
-Mér fannst diskurinn vera
svolítið rólegur og bjó þetta
lag til en ég er nú frekar vanari
stemningunni og stuðinu.
Kristján Hreinsson samdi
fyrir mig texta en ég sagði
honum að ég vildi fá texta sem
héti Í syngjandi jólasveiflu.
Hann sendi mér textann
og ég samdi lag við hann,
segir Geirmundur og hælir
Kristjáni fyrir kveðskapinn.
En fleiri góðir textahöfundar
koma að diskinum og er
Guðbrandur Þorkell einn
þeirra og er hann fljótur að
setja saman ef sá gállinn er á
honum segir Geirmundur.
-Titillag plötunnar Jóla-
stjörnur kom inn í hausinn á
mér eitt kvöldið. Mig vantaði
texta og hringi í Kela og sagði
honum að ég væri með lag.
Hann sagðist vera eitthvað
upptekinn en kom samt eftir
fimm mínútur. Við fórum
niður í kjallara og ég spilaði
lagið fyrir hann og hann
sjálfur mjög músíkalskur
fattaði lagið algjörlega og
segir svo við mig: „Heyrðu,
ég kannski sendi þér eitthvað
í fyrramálið ef þetta gengur
eitthvað.“ „Ókey,“ segi ég
og fer að horfa á sjónvarpið
en eftir svona tíu mínútur –
korter, þá er rauði pallbíllinn
kominn aftur fyrir utan hjá
mér og þá er hann búinn með
þetta og engu breytt eftirá.
Mikið heiðursár
Hægt er að segja að þetta ár
hafi að einhverju leyti verið
heiðursár Geirmundar því
tveir stórir viðburðir hafa
verið settir á svið þar sem
lögin hans eru í aðalhlutverki.
Karlakór Bólstaðarhrepps
setti upp dagskrána Lífsdans
Geirmundar sl. vetur og tóku
upp aftur í haust og Leikfélag
Sauðárkróks sýndi leikritið
Tifar tímans hjól eftir þá
Guðbrand Ægi Ásbjörnsson
og Árna Gunnarsson við
miklar og góðar undirtektir.
-Mér hefur verið sýnd mjög
mikil virðing, bæði Leikfélagið
þar sem Ægir og Árni sömdu
leikrit utan um lögin mín og
féll það algjörlega í kramið
hjá fólki og fjölmargar
sýningar. Og á sama tíma
Karlakórinn en honum hefur
tekist algjörlega frábærlega
til og núna um síðustu helgi
[15. – 16. nóv. innskot blm.]
voru tónleikar á Akranesi
og tvennir í Langholtskirkju
á laugardaginn og ég fór
á þá báða. Það var alveg
frábært, aldeilis ótrúleg
stemning, segir Geirmundur
en hann var staddur fyrir
sunnan vegna spilamennsku
föstudags-, laugardags- og
sunnudagskvöld.
Geirmundur segist vera
brattur og ætlar að efna
til tvennra tónleika þann
8. desember í Miðgarði.
Upphaflega áætlaði hann að
hafa tónleikana viku seinna
en sunnlenska listafólkið er
svo upptekið að það var ekki
hægt.
-Það koma allir, söngvarar
og hljóðfæraleikarar meira
að segja Karlakór Bólstaðar-
hlíðarhrepps en hann er með
eitt lag. Og það sem mér þykir
vænst um er að afastelpurnar
þær Anna Karen Hjartardóttir
og Valdís Valbjörnsdóttir sem
syngja lagið Jólastelpurnar
verða með líka. Ég vona
bara að það verði gott veður,
það er mikið atriði, segir
Geirmundur að lokum.
Afastelpurnar Valdís og Anna Karen syngja eitt lag á plötunni.