Morgunblaðið - 17.10.2017, Síða 10
10 FRÉTTIRInnlent
MORGUNBLAÐIÐ ÞRIÐJUDAGUR 17. OKTÓBER 2017
m æ t i r þ í n u m þ ö r f u m
Aeg
c o m f o r t l i f t ®
uppþvottAvélAr
lágmúla 8 · sími 530 2800
Ómar Friðriksson
omfr@mbl.is
Hægt hefur miðað í kjaraviðræðum
Flugvirkjafélags Íslands og SA
vegna Icelandair að undanförnu.
Samningar flugvirkja losnuðu í lok
ágúst og í fyrri hluta september lýsti
Flugvirkjafélagið yfir að samninga-
viðræðurnar hefðu reynst árangurs-
lausar og var þeim þá vísað til ríkis-
sáttasemjara.
Að sögn Óskars Einarssonar, for-
manns FVFÍ, er sáttafundur boðaður
á morgun. ,,Menn eru bara að ræða
saman,“ segir hann spurður hvort
farið sé að huga að aðgerðum til að
þrýsta á viðræðurnar.
Sjá ekki fyrir endann á deilunni
Svipaða sögu er að segja af við-
ræðum Félags íslenskra atvinnuflug-
manna og SA vegna Icelandair en þar
eru samningar ekki í sjónmáli. Þann
26. september sl. vísaði samninga-
nefnd FÍA deilunni til embættis rík-
issáttasemjara og hafa tveir sátta-
fundir verið haldnir. Einnig eru
samningar félagsins við Landhelgis-
gæsluna lausir.
„Það er ekki mikið að frétta. Það
var fundur í seinustu viku og annar
fundur fyrirhugaður öðruhvorumegin
við helgina. Það eru ennþá viðræður í
gangi en það er ekkert farið að sjá
fyrir neinn enda á þessu, langt í frá,“
segir Örnólfur Jónsson, formaður
FÍA, um viðræðurnar við Icelandair.
Hann segir aðspurður að ekki sé farið
að ræða neinar aðgerðir til að þrýsta
á um lausn.
Fram kemur í umfjöllun um kjara-
viðræðurnar í nýútkomnu fréttabréfi
FÍA að komið hafi fram á upplýs-
ingafundi samninganefndar FÍA í
september skýr vilji félagsmanna til
að endurnýja kjarasamning við Ice-
landair Group hf./Icelandair ehf. hið
fyrsta. „Að því markmiði mun nefnd-
in áfram vinna og minnir félagsmenn
um leið á mikilvægi samstöðunnar.“
Kjaradeilur í flug-
inu þokast hægt
Ekki farið að ræða neinar aðgerðir
Morgunblaðið/Ómar
Flug Kjaraviðræður ganga hægt.
Kristján H. Johannessen
khj@mbl.is
„Ég sé þetta sem framhald af þeirri
miklu vitundarvakningu sem átt hef-
ur sér stað hér á landi og víðar
undanfarin ár, en
þetta er enn ein
bylgjan þar sem
konur stíga fram
og greina frá of-
beldi sem þær
hafa þurft að
þola,“ segir Guð-
rún Jónsdóttir,
talskona Stíga-
móta, í samtali
við Morgunblaðið
og vísar m.a. til
þess að tónlistarkonan Björk Guð-
mundsdóttir hefur greint frá því að
hún hafi orðið fyrir kynferðislegri
áreitni af hálfu leikstjóra. Tilefni
ummælanna er ásakanir fjölmargra
leikkvenna í garð bandaríska kvik-
myndaframleiðandans Harveys
Weinstein að undanförnu. Þá stigu í
gær fjölmargar konur fram á sam-
félagsmiðlum, undir mylluheitinu
#MeToo, og greindu frá kynferðis-
legu ofbeldi og áreitni sem þær urðu
fyrir.
Guðrún segir það vera „ágætis að-
hald gegn ofbeldi“ þegar konur stíga
fram og rjúfa þögnina, m.a. með að-
stoð samfélagsmiðla. „Það eru ótal
atburðir sem hafa átt sér stað
undanfarin ár og stuðla að þessari
þróun, s.s. Druslugangan, Free the
nipple og fleira. Það að konur séu að
stíga fram núna á samfélagsmiðlum
er að mínu viti rökrétt framhald af
því sem á undan er gengið,“ segir
hún og heldur áfram: „Þegar ein
stígur fram með þessum hætti og
greinir frá ofbeldi ryður hún um leið
ákveðna braut fyrir þá næstu til að
gera slíkt hið sama. Hér getur netið
átt stóran og gagnlegan þátt.“
Margir strákar taka afstöðu
Aðspurð segir Guðrún að ungir
karlmenn séu mun virkari nú en áð-
ur þegar kemur að því að taka skýra
afstöðu gegn ofbeldi.
„Strákar eru mun meira vakandi
fyrir þessu nú en áður. Þeir eru farn-
ir að taka virkan þátt í starfi fem-
ínistafélaga, eru vakandi fyrir því
sem þarf að bæta og móttækilegir
fyrir boðskapnum. Ég hef því mikla
trú á ákveðnum hópi ungra karla
þegar kemur að þessu, en það eru
hins vegar ýmis öfl sem takast á í
þessu samfélagi, klám- og nauðg-
unarvæðingin lifir enn góðu lífi.“
Morgunblaðið/Árni Sæberg
Vitundarvakning Fjölmenni tók þátt í síðustu Druslugöngu í Reykjavík og tók fólk þannig stöðu gegn ofbeldi.
Aðhald gegn ofbeldi
þegar þögnin er rofin
Fjölmargar konur hafa greint frá reynslu sinni á netinu
Guðrún
Jónsdóttir
Í gær höfðu um 40.000 konur
notað myllumerkið #MeToo á
samfélagsmiðlum til að greina
frá reynslu sinni af kynferðis-
legri áreitni og ofbeldi.
Ein þeirra kvenna sem stigið
hafa fram er Þórhildur Sunna
Ævarsdóttir, þingmaður Pírata,
en í færslu á Facebook segir hún
m.a. frá því þegar kunningi for-
eldra sinna hafi þrábeðið hana,
þá 14 ára, að setjast í fangið „á
frænda“. Hún tekur fram að
maðurinn sé ekki frændi hennar
og að hún vildi ekki sitja hjá hon-
um. „Hann sagði „gefðu frænda
koss“ og kyssti mig,“ ritar hún.
Telma Tómasson fjölmiðla-
kona ritaði einnig grein í Frétta-
blaðið og sagði frá þremur
mönnum sem áreittu hana kyn-
ferðislega er hún var á unglings-
aldri.
Þúsundir
segja frá
#METOO
Stjórn Félags íslenskra náttúru-
fræðinga (FÍN) hefur vísað kjara-
deilu sinni við ríkið til ríkissátta-
semjara. Félagið sem er eitt af
aðildarfélögum BHM hefur átt í við-
ræðum við ríkið frá í lok ágúst og
metur það svo að enginn árangur
hafi orðið. „Samninganefnd ríkisins
hefur ekki orðið við neinum kröfum
félagsins en í staðinn boðið félaginu
framlengingu á núverandi samningi
fram til marsloka 2019, sem þýðir 0%
launahækkun,“ segir í bréfi sem for-
svarsmenn félagsins afhentu samn-
inganefnd ríkisins á fundi í gær.
Flest félög samþykktu frestun
Allt er hins vegar með kyrrum
kjörum meðal annarra BHM-félaga,
þar sem flest félögin hafa samþykkt
ósk samninganefndar ríkisins um
frestun viðræðna fram í nóvember.
FÍN tilkynnti sáttasemjara vísun
deilunnar í gær og jafnframt birti fé-
lagið helstu kröfur félagsins.
Þar er m.a. krafist bættra kjara í
stað lakara lífeyriskerfis. Félagið
gerir kröfu um að staðið verði við
gefin loforð vegna 7. gr. samkomu-
lags um breytingu á lífeyrisréttind-
um opinberra starfsmanna og að
launakjör nýráðinna ríkisstarfs-
manna verði leiðrétt þannig að þau
verði sambærileg við almenna mark-
aðinn. Segir m.a. að ótækt sé að þessi
hópur verði látinn bíða í 6-10 ár eftir
launaleiðréttingu, þar sem almenni
markaðurinn hefur nú þegar fengið
bætt lífeyriskjör.
Þá krefst félagið þess að á samn-
ingstímabilinu verði launahækkanir
ekki lakari en ríkið hefur nú þegar
samið um við aðra hópa. Krafa er
sett fram um að lágmarkslaun verði
400 þúsund kr. afturvirkt frá og með
1. júní sl. og taki hækkunum á samn-
ingstímabilinu, að lífaldurstengingar
í launatöflum verði afnumdar og að
menntun verði metin til launa.
„Tekið verði sérstaklega á lág-
launasetningu einstakra starfa innan
ríkisstofnana, lögð áhersla á að
styrkja og þróa launakerfið á stofn-
unum ríkisins,“ segir þar einnig.
Vísa deilu til
sáttasemjara
FÍN krefst 400.000 kr. lágmarkslauna