Morgunblaðið - 12.12.2017, Qupperneq 4

4 FRÉTTIRInnlent
MORGUNBLAÐIÐ ÞRIÐJUDAGUR 12. DESEMBER 2017
JÓLASÖFNUN
Það hefur sýnt sig að íslenska þjóðin stendur
saman, sýnir stuðning og samhug
eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
Skrifstofusími 10 til 16. S. 551 4349,
897 0044, netfang: maedur@simnet.is
Mæðrastyrksnefndar Reykjavíkur er hafin
Íslenska landsliðið í ungum sýn-
endum hunda varð um helgina Norð-
urlandameistari í liðakeppni og
Berglind Gunnarsdóttir varð Norð-
urlandameistari í einstaklings-
keppni ungra sýnenda. Nordic Win-
ner-sýningin var haldin í Helsinki í
Finnlandi. Ísland hefur tekið þátt í
keppninni á hverju ári síðan 2006 og
ávallt vegnað vel en árangurinn um
helgina er sá besti hingað til.
Í flokki ungra sýnenda hunda er
hæfni sýnanda til að sýna hund
dæmd ásamt sambandi hunds og
sýnanda og þekkingu sýnandans á
tegundinni, að sögn Auðar Sifjar
Sigurgeirsdóttur sem er þjálfari
stúlknanna. Hundurinn sjálfur er
ekki dæmdur. Það að sýna hund
krefst mikillar færni af sýnand-
anum. Sýnandinn þarf að þekkja vel
þann hund sem hann sýnir, bæði
kosti hans og galla, og ná fram því
besta í honum. Hægt er að líkja
þessu við það að vera góður knapi.
Þegar hundur er dæmdur á hunda-
sýningu skoðar dómari byggingu,
hreyfingar og skapgerð hundsins.
Ekki þeirra eigin hundar
„Við fáum hunda á staðnum til að
sýna, þannig að þetta eru ekki okkar
eigin hundar,“ segir Elena Mist
Theodórsdóttir, 14 ára og er hæst-
ánægð með árangur landsliðsins
sem var ásamt henni skipað Berg-
lindi Gunnarsdóttur, Ingunni Birtu
Ómarsdóttur og Vöku Víðisdóttur.
Þjálfari liðsins er Auður Sif Sigur-
geirsdóttir. Berglind sýndi tík af
tegundinni Samoyed, Elena Mist
sýndi Silky terrier-rakka, Ingunn
Birta sýndi rakka af tegundinni Tíb-
et spaniel og Vaka sýndi ástralskan
fjárhund. Dómari keppninnar var
Jason Lynn, einn færasti sýnandi
heims í dag. ernayr@mbl.is
Ungir sýnendur unnu
hundasýningu erlendis
Norðurlandameistarar Frá vinstri á myndinni eru Jason Lynn dómari,
Auður Sif Sigurgeirsdóttir þjálfari, Berglind Gunnarsdóttir, Vaka Víð-
isdóttir, Elena Mist Theodórsdóttir og Ingunn Birta Ómarsdóttir.
 Íslenska liðið vann
 Berglind Gunnars-
dóttir Norðurlanda-
meistari
Norðurlandameistari einstaklinga Berglind Gunnarsdóttir ásamt Jason
Lynn dómara keppninnar og Auði Sif Sigurgeirsdóttur þjálfara.
Ingveldur Geirsdóttir
ingveldur@mbl.is
Samspil aukinnar umferðar, nagla-
dekkja og froststilla hefur gert það
að verkum að styrkur svifryks hefur
tvisvar síðustu daga farið yfir sólar-
hrings heilsuverndarmörk við
Grensásveg í Reykjavík. Sólar-
hrings heilsuverndarmörkin fyrir
svifryk eru 50 míkrógrömm á rúm-
metra en síðasta fimmtudag var
meðaltalið 92 og hálftímagildið fór
upp í 140 μg/m3 þegar mest lét. Á
sunnudaginn var meðaltalið 60
μg/m3.
Kristín Lóa Ólafsdóttir, heilbrigð-
isfulltrúi hjá Heilbrigðiseftirliti
Reykjavíkur, segir að eftir meng-
unina á fimmtudaginn hafi verið
ákveðið að rykbinda Miklubraut,
vestur Hringbraut og svo hluta
Grensásvegar aðfaranótt föstudags-
ins en erfitt hafi verið að mæla ár-
angurinn af rykbindingunni vegna
suðsuðaustanáttar með raka sem
kom daginn eftir.
Slæm blanda fyrir sjúklinga
„Svifrykið fór yfir mörkin við
Grensásveg á sunnudaginn, þar er
þung umferðargata og þannig um-
hverfi að þar verða oft háar tölur.
Við Grensás fóru sólarhringsmörkin
fyrir svifryk í 60 μg/m3 á meðan þau
voru 34 μg/m3 við Hringbraut og
16μg/m3 í Fjölskyldu- og húsdýra-
garðinum,“ segir Kristín Lóa.
Brennisteinsvetni (H2S) og köfn-
unarefnisdíoxíð (NO2), sem kemur
vegna útblásturs úr bílum, var einn-
ig hátt og með svifrykinu getur það
verið slæm blanda fyrir astmasjúk-
linga og þá sem eru kvefaðir að sögn
Kristínar Lóu. „Það er bara hægt að
kenna mikilli umferð og veðurað-
stæðum um þetta. Það er hvorki
blástur frá söndunum fyrir austan
að koma hingað yfir núna né meng-
un frá útlöndum. Þegar það er
sjáum við hækkun á öllum mæli-
stöðvum en núna er þetta bara við
þessar þungu umferðargötur þar
sem rykið þyrlast upp.“
Glöggt mátti sjá slikjuna sem var
út við sjóndeildarhringinn í gær.
Kristín Lóa segir ástandið verra
núna en á sama tíma í fyrra en þar
spili veðrið aðallega inn í.
„Við sendum út tilkynningu fyrir
helgi og vöruðum við að næstu dag-
ar gætu orðið slæmir. Þeir sem hafa
áhyggjur af þessu fylgjast vel með
þessu, t.d. inni á vefnum okkar sem
er mikið skoðaður. Þeir sem eru við-
kvæmir geta líka fengið sér appið
Viltu vita? og gerst áskrifendur að
loftgæðunum þar, þeir fá þá tilkynn-
ingu ef gildin eru há.“
Í tilkynningu sem Reykjavíkur-
borg sendi frá sér síðasta fimmudag
er þeim sem eru viðkvæmir fyrir í
öndunarfærum og börnum bent á að
forðast útivist í nágrenni stórra um-
ferðargatna.
Styrkur svifryks tvisvar yfir mörk
 Við Grensásveg fóru sólarhringsmörkin fyrir svifryk í 60 μg/m3 á sunnudaginn en voru 34 μg/m3 við
Hringbraut og 16 μg/m3 í Fjölskyldu- og húsdýragarðinum  Heilsuverndarmörkin eru 50 μg/m3
Umferðarmengun
» Sólarhrings heilsuverndar-
mörkin fyrir svifryk eru 50
míkrógrömm á rúmmetra en
síðasta fimmtudag var meðal-
talið 92 við Grensásveg og
hálftímagildið fór upp í 140
μg/m3 þegar mest lét. Á
sunnudaginn var meðaltalið 60
μg/m3.
» Froststillum og mikilli um-
ferð undanfarna daga er um að
kenna.
Morgunblaðið/Hari
Strætó í síðdegissól Svifryksmengun hefur verið í borginni í froststillum á umliðnum dögum.
Sigurður Bogi Sævarsson
sbs@mbl.is
Verð á notuðum bílum hefur lækkað
um nærri 20% á síðasta misserinu eða
svo og í sumum tilvikum mun meira.
Þar ræður meðal annars sterkt gengi
krónunnar sem leiðir af sér lægra
verð á nýjum bílum. Það hefur heild-
stæð áhrif á öllum markaðnum. Þá
koma til sölu – til dæmis á haustin –
bílaleigubílar í því magni að tala má
um offramboð svo endursöluverð
lækkar verulega. Ívilnanir í gjöldum
sem leggjast á nýja umhverfisvæna
bíla, svo sem rafmagns- og tvinnbíla,
hafa áhrif í sömu átt.
„Framboðið á bílum er mikið um
þessar mundir,“ segir Marinó Björns-
son, bílasali hjá Bílalífi á Klettshálsi í
Reykjavík. „Þessa dagana þurfum við
iðulega að neita fólki sem vill láta
sölubílana sína standa á planinu hjá
okkur. Þar höfum við einfaldlega ekki
pláss eins og sakir standa.“
Sem dæmi um verðlækkunina að
undanförnu segir Marinó að setja
megi upp einfalt dæmi; þriggja til
fjögurra ára gamall japanskur jepp-
lingur sem sl. vor hefði verið seldur á
2,5 milljónir kr. færi í dag á 2,0 millj.
kr. Þarna muni um fimmtung, sem
standi á pari við algenga lækkun á
verði nýrra bíla.
„Við sjáum í dag oft alveg ótrúleg
tilboð,“ segir Sigmundur Þór Árna-
son sem rekur fyrirtækið Best Cars
ehf. Hann segir að algengt hafi verið
á þessu ári að tilboð í bíla væri
kannski 30 til 40% undir ásettu
spjaldverði.
„Ef bíll er búinn að vera á skrá í
kannski sex til níu mánuði finnst eig-
andanum talsvert gefandi fyrir að
losna við gripinn þegar tilboð loks
kemur. Sé þetta bíll sem sett er á 1,5
milljónir króna selst hann kannski á
eina milljón króna og það er raunar
hægt að fá fjölda ágætra bíla í dag
fyrir þann pening,“ segir Sigmundur
Þór Árnason.
Mikil lækkun á
verði notaðra bíla
 Offramboð á markaði og ótrúleg tilboð
Morgunblaðið/Golli
Bílasölurúnturinn Mikið er úrvalið.