Morgunblaðið - 12.12.2017, Qupperneq 17

FRÉTTIR 17Erlent
MORGUNBLAÐIÐ ÞRIÐJUDAGUR 12. DESEMBER 2017
TAKTU ÞÁTT Í AÐ BYGGJA
BRUNNA Í AFRÍKU
ÞINN STUÐNINGUR GERIR KRAFTAVERK!
SENDU HJÁLP NÚNA MEÐ ÞVÍ AÐ
- greiða valgreiðslu í heimabanka – 2500 kr.
- hringja í söfnunarsíma 907 2003 – 2500 kr.
- leggja til framlag á framlag.is
- gefa gjafabréf á gjofsemgefur.is
- leggja inn á söfnunarreikning okkar
0334-26-50886, kt. 450670-0499
PIPAR\TBW
A
-SÍA
-165297
Bogi Þór Arason
bogi@mbl.is
Benjamin Netanyahu, forsætisráð-
herra Ísraels, kvaðst í gær vænta
þess að Evrópuríki færu að dæmi
Donalds Trumps Bandaríkjaforseta
og viðurkenndu Jerúsalem sem
höfuðborg Ísraels. Evrópusambandið
hefur þó ekki breytt stefnu sinni í
málinu og vill að Jerúsalem verði
höfuðborg tveggja ríkja þegar fram
líða stundir, Ísraels og ríkis Palest-
ínumanna, að sögn Federicu Mogher-
ini, æðsta fulltrúa Evrópusambands-
ins í utanríkis- og öryggismálum.
Netanyahu ræddi við embættis-
menn ESB og utanríkisráðherra að-
ildarríkjanna í Brussel í gær og er
þetta í fyrsta skipti í tuttugu ár sem
forsætisráðherra Ísraels heimsækir
borgina. Embættismenn sambands-
ins gagnrýndu yfirlýsingu Trumps
um viðurkenninguna í vikunni sem
leið en Netanyahu sagði að forsetinn
væri einfaldlega að viðurkenna þá
staðreynd að Jerúsalem hefði verið
höfuðborg Ísraelsríkis í 70 ár og gyð-
inga í 3.000 ár. „Þetta hindrar ekki
frið, heldur gerir frið mögulegan,
vegna þess að viðurkenning á veru-
leikanum er kjarni friðar, grundvöll-
ur friðar,“ sagði Netanyahu. „Ég tel
að öll eða flest ríki Evrópu flytji
sendiráð sitt til Jerúsalem, viður-
kenni hana sem höfuðborg Ísraels, og
vinni ötullega með okkur í þágu ör-
yggis, hagsældar og friðar.“
Mogherini áréttaði að ESB styddi
enn „alþjóðlegu samstöðuna“ í mál-
inu. Stefna sambandsins væri sú að
„eina raunhæfa lausnin“ á deilum
Ísraela og Palestínumanna fælist í
stofnun tveggja ríkja, Ísraels og Pal-
estínu, með Jerúsalem sem höfuð-
borg þeirra beggja og að landamærin
yrðu eins og þau voru fyrir stríð
arabaríkja og Ísraels árið 1967.
Allsherjarþing Sameinuðu þjóð-
anna samþykkti árið 1947 áætlun um
skiptingu Palestínu í tvö ríki, gyðinga
og araba. Gyðingar samþykktu áætl-
unina um skiptinguna en arabaríki
höfnuðu henni og hófu stríð gegn Ísr-
ael eftir að ríkið var stofnað 1948.
Þegar átökunum lauk ári síðar til-
heyrði austurhluti borgarinnar Jórd-
aníu en vesturhlutinn Ísrael. Ísraelar
hernámu austurhlutann í sex daga
stríðinu 1967 og síðan hefur öll borgin
verið undir stjórn Ísraels. Austur-
hlutinn var innlimaður í landið árið
1980 með lögum þar sem Jerúsalem
var lýst sem „eilífri og óskiptri höfuð-
borg Ísraels“. Öryggisráð Sameinuðu
þjóðanna fordæmdi innlimunina,
sagði hana vera brot á þjóðarétti, og
samtökin hafa aldrei viðurkennt
hana. Eftir innlimunina hafa borgar-
mörk Jerúsalem verið færð út með
lögum sem samþykkt hafa verið á
þingi Ísraels. Alls búa um 200.000
gyðingar á svæðum sem Ísraelar
hafa lagt undir sig í austurhluta Jerú-
salem. Sameinuðu þjóðirnar líta á
landtökubyggðirnar sem brot á
þjóðarétti en Ísraelar neita því.
ESB ekki einhuga
Flest ríki ESB, þeirra á meðal þau
stærstu, hafa andmælt stefnubreyt-
ingu Trumps. Aðildarríkin 28 eru þó
ekki einhuga í málinu. Stjórnvöld í
Ungverjalandi, Grikklandi, Litháen
og Tékklandi vilja bæta tengslin við
Ísrael og Ungverjar komu í veg fyrir
að ESB-ríkin gæfu út sameiginlega
yfirlýsingu til að gagnrýna ákvörðun
Trumps í vikunni sem leið, að sögn
fréttaveitunnar AFP.
Verði höfuðborg tveggja ríkja
 Evrópusambandið kveðst standa við þá stefnu að Jerúsalem verði höfuðborg Ísraels og framtíðar-
ríkis Palestínumanna  Netanyahu kveðst vænta þess að Evrópuríki fari að dæmi Donalds Trumps
AFP
Vígalegar Konur í öfgahreyfingunni Íslamskt jíhad, vopnaðar Kalashníkov-rifflum, taka þátt í mótmælum í Gaza-
borg gegn þeirri ákvörðun Donalds Trump Bandaríkjaforseta að viðurkenna Jerúsalem sem höfuðborg Ísraels.
Árás á hús gyðinga
» Lögreglan í Svíþjóð hefur
aukið öryggisgæslu sína við
samkunduhús gyðinga í land-
inu eftir að reynt var að kveikja
í einu þeirra um helgina.
» Þrír menn voru handteknir
fyrir að kasta brennandi hlut-
um á samkunduhús gyðinga í
Gautaborg á laugardag.
» Stefan Löfven forsætisráð-
herra fordæmdi árásina og
sagði að gyðingahatur liðist
ekki í Svíþjóð.
27 ára maður særðist alvarlega þeg-
ar hann sprengdi sprengju, sem
hann hafði fest við líkamann, í
stærstu og fjölförnustu strætis-
vagnastöð New York-borgar á mesta
annatíma í gærmorgun. Þrír aðrir
fengu aðhlynningu vegna minnihátt-
ar meiðsla eftir sprenginguna sem
varð í strætisvagnastöð við jarð-
lestastöðina Port Authority, í
grennd við Times Square.
Borgarstjóri New York, Bill de
Blasio, sagði að sprengingin hefði
verið „tilraun til hryðjuverks“ og
árásarmaðurinn héti Akayd Ullah.
„Guði sé lof að brotamanninum tókst
ekki ætlunarverkið,“ sagði hann á
blaðamannafundi með ríkisstjóra
New York, Andrew Cuomo.
„Þetta er New York,“ sagði ríkis-
stjórinn. „Staðreyndin er sú að við
erum skotmark margra sem vilja
sýna andstöðu sína við lýðræði og
frelsi.“
Lögreglustjóri New York, James
O’Neill, sagði að árásarmaðurinn
hefði fest sprengju, sem líktist
rörsprengju, við líkamann. Hann
hefði fengið brunasár á höndum og
maga og fleiri meiðsli. Maðurinn var
handtekinn og fluttur á sjúkrahús.
Bill Bratton, fyrrverandi lögreglu-
stjóri New York-borgar, sagði í sjón-
varpsviðtali að hann hefði fengið
upplýsingar um að maðurinn væri
frá Bangladess og grunur léki á að
hann hefði ætlað að fremja hryðju-
verk í nafni Ríkis íslams, samtaka
íslamista.
Lögreglan lokaði samgöngumið-
stöðinni og nálægum götum. Átta
manns létu lífið og 12 særðust í borg-
inni 31. október þegar hryðjuverka-
maður ók flutningabíl á vegfarendur.
AFP
Hryðjuverkaógnin rædd Andrew Cuomo, ríkisstjóri New York, og Bill de
Blasio borgarstjóri á blaðamannafundi á Manhattan um sprenginguna.
Tilraun til
hryðjuverks
 Sprenging í samgöngustöð í New York