Morgunblaðið - 20.01.2018, Page 4

4 FRÉTTIRInnlent
MORGUNBLAÐIÐ LAUGARDAGUR 20. JANÚAR 2018
Aron Þórður Albertsson
aronthordur@mbl.is
Áslaug Helgadóttir, fyrrverandi
hárgreiðslukona og húsmóðir, hélt í
gær upp á 100 ára afmæli sitt, en
Áslaug er talin fyrsta íslenska hár-
greiðslukonan sem nær hundrað
ára aldri. Áslaug lauk sveinsprófi í
hárgreiðslu fyrir um 80 árum og
starfaði við það allt þar til hún
eignaðist sitt fyrsta barn með eig-
inmanni sínum Bjarna Valdimars-
syni, verslunarmanni. Saman eign-
uðust þau þrjú börn en Bjarni lést
árið 1976. Sjálf gat Áslaug ekki
gefið sér tíma til að ræða við Morg-
unblaðið, enda önnum kafin á af-
mælisdaginn. Það kom því í hlut
Ingigerðar Bjarnadóttur, dóttur
Áslaugar, að svara spurningum
blaðamanns.
Ingigerður segir að þrátt fyrir
háan aldur sé móðir hennar við
góða heilsu og hún hafi verið dug-
leg að halda sér við. „Sjónin og lík-
amlegur styrkur hefur versnað með
aldrinum en fyrir utan það er hún
alveg eldhress. Ég er orðin 58 ára
en er ennþá að leita til hennar þeg-
ar mig vantar upplýsingar sem ég
er búin að steingleyma. Það breyt-
ist ekkert með aldrinum enda er
hún með algjöran límheila,“ segir
Ingigerður og bætir við að langlífi
sé ekki óalgengt innan fjölskyld-
unnar. Bróðir Áslaugar, Ingólfur
Helgason, varð 98 ára auk þess
sem Sigrún Helgadóttir, systir Ás-
laugar, varð 94 ára gömul.
Í tilefni dagsins bauð Áslaug
börnum, barnabörnum og systk-
inabörnum til veislu í Lönguhlíð í
gær, en hún hefur verið búsett í
þjónustuíbúð í Lönguhlíð und-
anfarin ár. Þar stendur henni til
boða heitur hádegismatur og þrif á
tveggja vikna fresti. Ingigerður
segir að þess utan sjái móðir henn-
ar nær alfarið um sig sjálf.
Hreyfir sig nær daglega
„Hún klæðir sig hjálparlaust þeg-
ar hún vaknar og eldar sér síðan
hafragraut líkt og hún hefur gert
alla tíð síðan ég man eftir mér.
Ásamt þessu hreyfir hún sig nær
daglega með því að fara í göngu-
túra innandyra á veturna og svo úti
á sumrin,“ segir Ingigerður og bæt-
ir við að frítími Áslaugar sé að
mestu nýttur í að hlusta á bækur
og fylgjast með fréttum.
„Hún er farin að sjá aðeins verr
og getur því ekki lesið allar bækur
en hún hlustar á bækur á hverjum
degi. Hún hefur verið áskrifandi að
Morgunblaðinu í tugi ára og fylgist
því afar vel með, enda er hún með
sterkar skoðanir á öllu sem fram
fer í samfélaginu,“ segir Ingigerð-
ur.
Fagnaði 100 ára afmælinu
Áslaug Fagnaði 100 ára afmæli sínu í gær með veislu í Lönguhlíð. Hún gat
ekki gefið sér tíma í viðtal enda önnum kafin á afmælisdaginn.
 Áslaug lauk sveinsprófi í hárgreiðslu fyrir 80 árum  Fer í göngutúra og
hreyfir sig nær daglega  Hlustar á bækur og fylgist með fréttum í frítímanum
BAKSVIÐ
Baldur Arnarson
baldura@mbl.is
Kjartan Már Kjartansson, bæjar-
stjóri Reykjanesbæjar, segir hús-
næðisskort á Suðurnesjum farinn að
hamla fyrirtækjum á Keflavíkurflug-
velli. Leitað sé að stað fyrir vinnu-
búðir fyrir hundruð verkamanna
vegna uppbyggingar á svæðinu.
Áætlað er að íbúar Reykjanesbæj-
ar verði orðnir um 19.000 í árslok,
borið saman við 16.500 í ársbyrjun
2016. Þá voru íbúarnir 14.231 í árs-
byrjun 2013 og jafnast fjölgunin á við
tvöfaldan íbúafjölda Hveragerðis.
Fram kom í Morgunblaðinu sl.
miðvikudag að útsvarstekjur
Reykjanesbæjar jukust um 19,8%
milli ára 2016 og 2017. Það var mesta
aukningin á landinu. Árin 2013 til
2017 jukust útsvarstekjurnar í sveit-
arfélaginu um 71,5% og var það líka
landsmet. Aukaálag er á útsvarinu
vegna skuldastöðu sveitarfélagsins.
Þurfa meira húsnæði
Kjartan Már segir að vegna hraðr-
ar fjölgunar íbúa sé orðinn mikill
skortur á húsnæði á Suðurnesjum.
„Það væri auðvitað æskilegt að til
væri nóg af lausu húsnæði sem gæti
tekið við þessari gríðarlegu íbúa-
fjölgun. Síðustu tvö ár hefur íbúum
fjölgað langt umfram það sem eðli-
legt getur talist. Þeim fjölgaði um
7,4% 2016 og um tæp 9% í fyrra.
Þetta var mögulegt meðan nóg fram-
boð var á húsnæði í rótgrónum hverf-
um Keflavíkur og Njarðvíkur og á
Ásbrú. Nú er hins vegar allt að fyll-
ast. Við eigum skipulagðar lóðir. Það
er verið að byggja gríðarlega mikið.
Það hafa verið gefin út rúmlega 300
byggingarleyfi á þessu ári og það eru
mörg hundruð íbúðir í pípunum. Þær
koma á markað næstu misseri, sum-
ar jafnvel í sumar.“
Hentar ekki erlendu vinnuafli
Kjartan Már segir stærri íbúðir,
parhús og einbýli, hins vegar ekki
henta erlenda vinnuaflinu sem dvelur
hér á landi tímabundið.
„Flugafgreiðslufyrirtækin sækjast
ekki eftir einbýlishúsum og parhús-
um. Slíkt húsnæði hentar dæmigerð-
um nýjum íbúum en er of stórt fyrir
erlenda starfsmenn. Fyrirtæki
þeirra þurfa aðra lausn. Þau spyrja
sig hvernig þau geti komið erlenda
vinnuaflinu í hús fyrir sumarið. Þetta
er verkefni sem öll sveitarfélög á
Suðurnesjum standa frammi fyrir að
leysa á einn eða annan hátt.
Kannski er þetta stærra mál.
Kannski þarf höfuðborgarsvæðið allt
að velta þessu fyrir sér. Það er spáð
400 nýjum störfum [á Keflavíkur-
flugvelli] á ári. Þetta er ekki aðeins
áskorun fyrir flugafgreiðslufyrirtæk-
in. Stórir verktakar eru líka að leita
að stað fyrir vinnubúðir fyrir hundr-
uð erlendra verkamanna á suðvest-
urhorninu. Þetta er stórmál sem við
erum því miður ekki búin að leysa.
En þurfum að leysa. Við gerum okk-
ur grein fyrir því. Lausnin liggur
hins vegar ekki fyrir. Ég hef alveg
fundið fyrir óþolinmæði og vonbrigð-
um flugafgreiðslufyrirtækja, til
dæmis með að við skulum ekki vera
með lausnina á takteinum. Þau fara
fram á að slíkur staður yrði sem næst
flugvellinum svo aka þurfi sem stysta
vegalengd með starfsfólkið. Það vill
hins vegar væntanlega vera sem
næst bænum og geta sótt aðra þjón-
ustu þegar það á frí, farið á veitinga-
staði, í bíó og þess háttar.“
Ekki allir skráðir íbúar
Hann segir ekki alla erlenda far-
andverkamenn í Reykjanesbæ
skráða sem íbúa bæjarins. „Sá hluti
telst til íbúa sem skráir sig til lög-
heimilis hér og greiðir hingað skatt
og skyldur. Þeir stoppa nógu lengi
svo hægt sé að skrá þá til lögheimilis.
Svo er annar hópur sem fer úr landi
innan einhverra tímamarka. Þeir
þurfa ekki að skrá lögheimili hér.“
Spurður hvort Reykjanesbær
horfi til stórra óhefðbundinna lausna
á húsnæðisvandanum, leggur Kjart-
an Már áherslu á að sveitarfélagið
muni ekki fara í húsbyggingar.
„Það sem við gætum gert er að
finna út hvaða lóðir við gætum boðið
flugafgreiðslufyrirtækjum, eða öðr-
um einkaaðilum sem vilja byggja og
leigja þeim. Þá væntanlega í sam-
vinnu við hin sveitarfélögin. Eiga
slíkar lóðir að byggjast upp í Reykja-
nesbæ, Garðinum eða Sandgerði?
Eða kannski á öllum stöðum?“
Gjörnýta skólana
Kjartan Már segir hraða íbúafjölg-
un hafa reynt á innviði bæjarins.
„Við höfum ráðið við það hingað til.
Við erum að gjörnýta hvert einasta
skúmaskot í skólum. Það er aukið
álag á allt kerfið hvort sem það eru
málefni aldraðra, velferðarþjónusta
eða fjárhagsaðstoð. Velferðarsviðið
okkar og félagsráðgjöfin á líka ann-
ríkt. Mjög hátt hlutfall nýrra íbúa er
af erlendu bergi brotið. Það er visst
álag sem fylgir því í skólakerfinu.
Yfir 30 tungumál eru töluð í skóla-
kerfinu og yfir 60 þjóðerni í sveitarfé-
laginu. Við teljum okkur ráða við
þetta. Þetta má hins vegar ekki vera
mikið meira. Það sem er kannski al-
varlegra mál í þessu öllu – við vorum
að ræða við fjárlaganefnd á miðviku-
daginn – er að fjárveitingar til stofn-
ana ríkisins á þessu svæði halda ekki
í við íbúatöluna. Heilbrigðisstofnun,
lögreglan, fjölbrautaskólinn, vega-
kerfið, allt þetta sem ríkið ber
ábyrgð á. Fulltrúar ríkisins átta sig
ekki á því hversu hröð íbúafjölgunin
er. Því miður. Líkönin sem ráðuneyti
nota við úthlutun fjármagns til stofn-
ana gera ekki ráð fyrir þessu heldur
er aðeins byggt á meðalfjölgun íbúa,
landsmeðaltali, sem er um 1%. Fjár-
veitingar miðast við það.“
Mun fjölga um 1,6 milljónir í ár
Hlynur Sigurðsson, framkvæmda-
stjóri viðskiptasviðs Keflavíkurflug-
vallar, segir orðið erfiðara að finna
húsnæði fyrir starfsfólk í nágrenni
vallarins. Spurn eftir húsnæði hafi
aukist mikið síðustu ár. Samkvæmt
áætlun Isavia mun farþegum um
völlinn fjölga úr 8,8 milljónum 2017 í
10,4 milljónir í ár, eða um 18%.
Hlynur segir aukin umsvif kalla á
frekari uppbyggingu fyrirtækja sem
starfa á vellinum. „Fyrirtækin hafa
verið að stækka við sig. Það er orðin
þröng á þingi í flugstöðinni. Þó höf-
um við stækkað hana töluvert. Við
erum að ljúka heildarskipulagi flug-
vallarins og stefnum á að geta úthlut-
að lóðum í lok þessa árs.“
Farið að hamla vexti flugvallarins
 Orðið erfitt að finna húsnæði fyrir starfsfólk Keflavíkurflugvallar  Bæjarstjóri Reykjanesbæjar
segir bæinn naumlega ráða við íbúafjölgunina  Leitar svæðis undir vinnubúðir fyrir hundruð manna
Morgunblaðið/Baldur
Vöxtur Farþegametin í fluginu falla nú ár hvert á Keflavíkurflugvelli.
Hlynur
Sigurðsson
Kjartan Már
Kjartansson
Airport Asso-
ciates er flug-
þjónustu-
fyrirtæki sem
þjónustar flug-
félög sem
fljúga til og frá
Keflavíkur-
flugvelli. Með-
al viðskipta-
vina eru WOW
air, British Airways, easyJet,
Norwegian, Wizz Air og Delta
Airlines.
Þórey Jónsdóttir er mann-
auðsstjóri Airport Associates á
Íslandi. Hún segir aðspurð
áformað að fjölga starfsfólki
töluvert í ár vegna aukinna um-
svifa, líkt og undanfarin ár.
„Við erum með tæplega 500
starfsmenn í dag. Við förum svo
að bæta vel í frá aprílmánuði og
verðum í sumar með um 650
starfsmenn. Í lok árs reikna ég
með að við verðum með 550-
600 starfsmenn,“ segir Þórey.
Spurð hvernig gangi að finna
húsnæði fyrir starfsfólkið segir
hún fyrirtækið bjóða erlendu
starfsfólki húsnæði á Ásbrú.
„Við erum þar með fjórar
blokkir sem rúma tæplega 300
manns. Það hefur verið húsnæð-
isskortur á svæðinu. Það hefur
takmarkað aðeins hversu marga
starfsmönnum við getum tekið á
móti frá útlöndum. En erfitt hef-
ur verið að manna allar stöður
yfir sumarið eingöngu með Ís-
lendingum,“ segir Þórey.
Hún segist aðspurð gera ráð
fyrir að í árslok verði álíka hlut-
fall starfsfólks hjá fyrirtækinu
erlent og nú, eða um helmingur.
Með 650
starfsmenn
í sumar
AIRPORT ASSOCIATES
Þórey
Jónsdóttir
Konu hefur verið
gert að sæta nálg-
unarbanni í sex
mánuði gagnvart
barnsföður sín-
um, en úrskurður
Héraðsdóms
Norðurlands
eystra var stað-
festur í Lands-
rétti í gær. „Samkvæmt frásögn
brotaþola og texta skilaboðanna ein-
kennast samskiptin af áreitni og sví-
virðingum í garð brotaþola og unn-
ustu hans og hafi engan annan
tilgang en að skerða friðhelgi brota-
þola,“ segir í úrskurðinum. Hringdi
konan á sex mánaða tímabili 572
sinnum í manninn og sendi honum
1.277 smáskilaboð. Er henni bannað
að koma nær heimili mannsins en
100 metra, nálgast hann á dvalarstað
hans, elta eða nálgast á öðrum stöð-
um. Þá má hún ekki setja sig í sam-
band við manninn eða hafa samskipti
við hann á annan hátt gegn vilja
hans.
Úrskurðuð
í nálgun-
arbann
 Ítrekuð áreitni í
garð barnsföður