Morgunblaðið - 10.02.2018, Side 16

16 FRÉTTIRInnlent
MORGUNBLAÐIÐ LAUGARDAGUR 10. FEBRÚAR 2018
,,Rokkað inná efri ár
- Nýjar forvarnaleiðir“
Ráðstefna fimmtudaginn 15. febrúar 2018 Grand hótel Reykjavík
13:00 Ráðstefna sett, Guðlaug Jóna Hilmarsdóttir varaformaður Öldrunarráðs Íslands.
Ávarp Svandís Svavarsdóttir heilbrigðisráðherra.
13:15-13:30 Aldursvænar borgir. Guðrún Ágústsdóttir formaður Öldungaráðs Reykjavíkur.
13:30-13.45 Endurhæfing í heimahúsi, Guðrún Jóhanna Hallgrímsdóttir verkefnissjóri
Reykjavík.
13:45-14:00 Fjölþætt heilsurækt í sveitarfélögum, Dr. Janus Guðlaugsson íþróttafræðingur.
14:00-14:15 Samhæfing þjónustu, Kolbeinn Pálsson Íþrótta- og ólympíusambandi Íslands.
Sumbadans – Hléæfing og hressing.
14:30-14:45 Væntumhyggja í verki, Hildur Aðalbjörg Ingadóttir sjúkraþjálfari Borgarnesi.
14:45-15:00 Heilsuefling, Digi Rehab í heimahúsi, verkefni sem slegið hefur í gegn í dönskum
sveitarfélögum, Ásdís Halldórsdóttir íþróttafræðingur Sóltúni Heima.
15:00-15:15 Gildi hugræktar í öldrunarþjónustu, Elísabet Gísladóttir djákni.
15:15–15:30 Ástand og horfur í öldrunarþjónustu frá sjónarhóli Sambands íslenskra
sveitarfélaga, Tryggvi Þórhallsson lögfræðingur.
Ráðstefnulok Þórunn Sveinbjörnsdóttir formaður Landsambands eldri borgara.
Ráðstefnustjóri Ísólfur Gylfi Pálmason sveitarstjóri Rangárþings eystra og
fyrrverandi alþingismaður
Ráðstefna er öllum opin og aðgangur frír.
BAKSVIÐ
Baldur Arnarson
baldura@mbl.is
Fundargerðir dómnefndar um
embætti 15 dómara við Landsrétt
verða ekki birtar að sinni.
Gunnlaugur Claessen, formaður
nefndarinnar, staðfesti þetta.
„Þetta kemur ekki til álita nema
nefndin sem slík samþykki það,“
sagði Gunnlaugur þegar Morgun-
blaðið óskaði eftir fundargerðunum.
Spurt var um málið á fimmtudag
og kvaðst Gunnlaugur þá mundu
ræða málið við aðra fulltrúa nefnd-
arinnar. Hann upplýsti í gærmorgun
að fundargerðirnar yrðu ekki afhent-
ar í bili.
„Geri þetta sjálfsagt“
Fylgja hér með spurningar og svör
úr viðtalinu:
– Ætlarðu að ræða við nefndar-
menn um hvort þeir séu þessu sam-
þykkir. Getum við síðan haft sam-
band við þig í framhaldinu?
„Ég geri þetta sjálfsagt. Ég mun
vafalaust segja nefndarmönnum frá
þessum tilmælum.“
– Leyfist mér að hringja á mánu-
dag?
„Nei. Ég ætla ekki að tala um þetta
núna fyrir helgina.“
– Þetta mun þá bíða?
„Þetta verður rætt við næsta tilefni
þegar nefndin hefur tilefni til að
koma saman.“
Fram kom í dómum Hæstaréttar í
málum Ástráðs Haraldssonar og Jó-
hannesar Rúnars Jóhannssonar gegn
ríkinu (591 og 592/2017) að Gunnlaug-
ur bar við önnum nefndarmanna
varðandi frágang fundargerða. Til-
efnið var spurning Sigríðar Á. And-
ersen dómsmálaráðherra.
„Hvað varðar spurningu ráðherra
um gögn varðandi umræður í dóm-
nefnd um vægi einstakra þátta þá
hefur undirritaður ekki séð sérstakar
bókanir um það. Tekið skal fram að
þá vantar fundar-
gerðir síðustu
funda fyrir starfs-
lok nefndarinnar
þar sem málefnið
var eðli máls sam-
kvæmt einkum
rætt. Samkvæmt
upplýsingum þá-
verandi starfs-
manna nefndar-
innar hefur ekki
gefist tími til að færa þær fundar-
gerðir vegna anna við önnur störf,“
sagði Gunnlaugur og vísaði í þessu
svari til 12 matsþátta sem nefndin
notaði til grundvallar dómaravalinu.
Tilvitnuð orð Gunnlaugs voru hluti
af bréfi hans til dómsmálaráðherra
28. maí í fyrra. Þar kom fram að ráð-
herra taldi „nauðsynlegt að afla upp-
lýsinga um það frá dómnefndinni
hvort nefndin hafi rætt sérstaklega
forsendur þess vægis á einstökum
matsþáttum sem tilgreint er í um-
sögn dómnefndar. Ef svo er, hvort
fyrir liggi gögn um það.“
Af fyrrgreindu svari Gunnlaugs má
skilja að hluti umræddra gagna verði
ekki afhentur fjölmiðlum að sinni.
Væri í ósamræmi við reglur
Fram kom í bréfi dómsmálaráð-
herra til nefndarinnar, áður en Al-
þingi samþykkti tillögur hennar, að
ekki yrði annað ráðið en að reynsla
dómara fengi ekki það vægi sem til-
efni væri til – og gert væri ráð fyrir í
reglum nr. 620/2010 – þegar mats-
þættirnir væru lagðir saman.
Ráðherra benti jafnframt á að vægi
„hvers matsþáttar hefur úrslitaáhrif
á það hvernig umsækjendur raðast“.
„Mat á þessu verður aldrei vélrænt
og aldrei þannig að hægt sé að skilja á
milli feigs og ófeigs með einkunn upp
á til að mynda 0,025 á kvarðanum 1-
10,“ skrifaði ráðherrann. Rifja má
upp að ráðherra kaus að gefa reynslu
af dómarastörfum meira vægi þegar
hún gerði tillögu um fjóra dómara í
Landsrétt sem nefndin hafði ekki
metið meðal 15 hæfustu. Fram hefur
komið að 0,03 munaði í stigagjöf um-
sækjenda númer 15 og 16 hjá dóm-
nefndinni. Sá 15. í röðinni samkvæmt
útreikningi dómnefndar fékk 5,48 í
einkunn en sá 16. í röðinni 5,45.
Annmarkar á mati nefndar
Fjallað var um tvo matsþætti af 12
í dómi Héraðsdóms Reykjavíkur.
Taldi dómurinn að annmarkar hefðu
verið á mati nefndarinnar á umrædd-
um þáttum. Annars vegar varðandi
mat á fræðiskrifum og hins vegar
mat á hæfni til að stjórna þinghöld-
um og semja dóma. Var haft eftir
Gunnlaugi að óraunhæft hefði verið
„að fara djúpt ofan í mat á fræðiskrif-
um“.
Í dómum Hæstaréttar (591 og 592)
var ekki fallist á að annmarkar hefðu
verið á mati á fræðiskrifum. Á hinn
bóginn var tekið undir að annmarkar
hefðu verið á mati á hæfni til að
stjórna þinghöldum og semja dóma.
Vikið var að vægi þessa í heildarmati.
„Til þess er á hinn bóginn að líta að
þessi matsþáttur hafði óverulegt
vægi í heildarstigafjölda dómnefndar,
eða 2,5% meðan samtala allra mats-
þáttanna gat hæst orðið 105%. Af
framangreindu leiðir að sá annmarki
sem hér um ræðir var óverulegur og
gat samkvæmt því einn og sér ekki
gefið tilefni til þess að vikið yrði frá
dómnefndarálitinu,“ sagði þar m.a.
Til að setja þetta mat Hæstaréttar
í samhengi var umsækjandi sem
dómnefndin mat númer 14 í röðinni
með 5,525 í heildareinkunn en sá 18. í
röðinni með 5,275. Samtala matsþátta
var 105%. Munurinn 0,25 virðist því
samsvara 2,4% í heildarmatinu.
Samlagningin væri nákvæm
Í niðurstöðum dómnefndar segir
að þótt vægi einstakra liða gæti aldrei
ráðið úrslitum væri heildarmat byggt
á nákvæmri samlagningu þeirra.
„Meginmarkmiðið með störfum
dómnefndar er að finna hverjir um-
sækjenda séu hæfastir til að gegna
embætti landsréttardómara … Nið-
urstaða dómnefndar er byggð á heild-
stæðu mati á verðleikum umsækj-
enda og skiptir þar mestu máli að
umsækjendur hafi til að bera al-
menna og víðtæka lögfræðilega
menntun, þekkingu og færni,“ segir
þar m.a. Svo er vikið að niðurstöð-
unni: „Dómnefnd hefur í mati sínu á
hæfni umsækjenda að því er varðar
röðun innan einstakra þátta beitt eins
mikilli nákvæmni og kostur er, en
matsgrundvöllurinn er bæði fjölþætt-
ur og margbrotinn. Á hinn bóginn
speglar endanlegur útreikningur í
samanlögðum þáttum matsniðurstöð-
ur af mikilli nákvæmni.“
Fundargerðir ekki afhentar
 Formaður dómnefndar um embætti dómara við Landsrétt segir fundargerðir ekki afhentar að sinni
 Fram kom í bréfi formannsins til ráðherra að nefndin ræddi um dómaravalið á umræddum fundum
Morgunblaðið/Hanna
Landsréttur Fimmtán dómarar voru skipaðir í nýja dómstólinn. Aðsetur hans er til bráðabirgða í Kópavogi.
Gunnlaugur
Claessen
Umsögn dómnefndar um embætti 15
dómara við Landsrétt er 117 síður.
Þar er að finna lista yfir meðmælend-
ur með þeim 33 umsækjendum sem
mat var lagt á. Hver mátti tilnefna tvo
meðmælendur (sjá má fjölda með-
mæla frá núverandi hæstaréttardóm-
urum hér að ofan).
Dómarar í Hæstarétti viku sæti
þegar Hæstiréttur dæmdi í málum
591 og 592 vegna umsókna um
embætti dómara við Landsrétt. Málin
dæmdu Þorgeir Örlygsson hæsta-
réttardómari, Hólmfríður Grímsdótt-
ir héraðsdómari, Ingibjörg Bene-
diktsdóttir, fv. hæstaréttardómari,
Kristinn Bjarnason hæstaréttarlög-
maður og Stefán Már Stefánsson,
prófessor í lögfræði við HÍ.
Þorgeir er nú forseti Hæstaréttar
en hin fjögur sem dæmdu í málunum
eru ekki dómarar við réttinn. Ingi-
björg, Kristinn og Stefán Már skrif-
uðu öll meðmælabréf vegna umsókna
um Landsrétt.
Helgi með fimm meðmæli
Sex af átta hæstaréttardómurum
skiluðu slíkum meðmælum vegna
Landsréttar. Helgi I. Jónsson hæsta-
réttardómari gaf flest meðmælin, eða
fimm. Tveir hæstaréttardómarar,
Ólafur Börkur Þorvaldsson og Þor-
geir Örlygsson, skiluðu ekki meðmæl-
um. Þorgeir hafði því ekki mælt með
neinum umsækjanda þegar hann
dæmdi í málum þeirra tveggja sem
töldu brotið á sér í valferlinu. Er hér
vísað til dóma Hæstaréttar númer
591 og 592/2017. baldura@mbl.is
Sex af átta lögðu
til meðmælabréf
 Leitað til hæstaréttardómara í valinu
Fjöldi veittra meðmæla með umsækjendum
Dómarar við Hæstarétt Veitt meðmæli
Markús Sigurbjörnsson 4
Benedikt Bogason 1
Greta Baldursdóttir 3
Helgi Ingólfur Jónsson 5
Karl Axelsson 1
Ólafur Börkur Þorvaldsson 0
Viðar Már Matthíasson 1
Þorgeir Örlygsson 0
Dómarar í málum 591 og
592/2017 við Hæstarétt
Veitt
meðmæli
Þorgeir Örlygsson 0
Hólmfríður Grímsdóttir 0
Ingibjörg Benediktsdóttir 2
Kristinn Bjarnason 1
Stefán Már Stefánsson 1
Meðmæli með 33 umsækjendum um embætti dómara við Landsrétt
Heimild: Umsögn dómnefndar
um embætti 15 dómara við
Landsrétt frá 19.5. 2017.