Morgunblaðið - 12.02.2018, Síða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 12. FEBRÚAR 2018
Sproti með viðarfótum - ýmsir litir í boði
STOFNAÐ 1956
Bæjarlind 8–10
201 Kópavogur
s: 510 7300
www.ag.is
Sproti 405
Hönnuður Erla Sólveig Óskarsdóttir
● Ráðuneyti, seðlabankar, fjármálaeftirlit og
viðeigandi stofnanir á Norðurlöndunum og í
Eystrasaltslöndunum hafa undirritað vilja-
yfirlýsingu um samvinnu landanna og sam-
ræmingu á sviði fjármálastöðugleika. Frá
þessu var greint á vefsíðu Fjármálaeftirlitsins.
Þar segir að vegna innbyrðis tengsla í fjár-
málakerfum landanna hafi Norðurlöndin og Eystrasaltslöndin sameiginlegra hags-
muna að gæta og því mikilvægt að auka samvinnu og samræmingu á milli landanna
til að viðhalda fjármálastöðugleika.
Á síðu FME segir að alþjóðleg umgjörð um samvinnu þeirra sem standa að vilja-
yfirlýsingunni sé mikilvæg til þess að stuðla að fjármálastöðugleika á svæðinu og
efla samvinnu þeirra og samræmingu eins og lýst er í yfirlýsingunni.
Viljayfirlýsingin kemur í stað yfirlýsingar frá árinu 2010 og er ekki lagalega bind-
andi. ai@mbl.is
Undirrita viljayfirlýsingu um fjármálastöðugleika
BAKSVIÐ
Ásgeir Ingvarsson
ai@mbl.is
Eflaust kannast sumir lesendur við
Peter Anderson en þessi geðþekki
Breti bjó um langt skeið á Íslandi og
dansaði í heilan áratug með Íslenska
dansflokknum. Eftir að hann setti
dansskóna á hilluna hefur Anderson
látið að sér kveða sem sölumaður og
söluþjálfari og hefur hann haldið
vinsæl námskeið hér á landi þar sem
hann kennir samkvæmt RHYTM-
söluaðferðinni. Næst heldur hann
námskeið á vegum Endurmenntun-
ar HÍ dagana 7. og 8. mars.
Anderson segir sölumenninguna
vera að breytast og hún krefjist þess
að sölumenn laði viðskiptavini til sín
og komi á sambandi við þá frekar en
að þeir reyni að ýta vörum sínum
upp á kaupendurna og beita þá
þrýstingi. Að auki leiði gömlu að-
ferðirnar frekar til þess að sölu-
menn brenni út á meðan nýja nálg-
unin geri starf sölumannsins
ánægjulegra og gjöfulla og auðveldi
honum að takast á við það álag sem
fylgir vinnunni. „Það er með því að
skapa tengsl við annað fólk sem
sölutölurnar byrja að hækka,“ segir
hann.
Sölumaður uppi á sviði
Í kennslunni fær Anderson að láni
aðferðir sem hann lærði í dansinum.
„Oftar en ekki þarf sölumaðurinn að
vera eins og dansari á sviði. Hann er
stöðugt að „koma fram“ og verður
að hrífa viðskiptavininn með sér
með látbragði lákamans á sama hátt
og dansarinn hrífur áhorfandann.
Starf sölumannsins og starf lista-
mannsins er líka svipað að því leyti
að báðir þurfa að
hafa þykkan
skráp og geta
vænst þess að
vera hafnað ótal
sinnum áður en
þeir fá jákvætt
svar,“ segir And-
erson.
RHYTM-að-
ferðin er, að sögn
Andersons, tiltölulega einföld í
grunninn og snýst um að rækta
þann hæfileika að hlusta á fólk.
„Sölumenn þurfa að þora að vera
einlægir og leggja sig fram um að
skilja hvaða vanda viðskiptavanur-
inn glímir við. Viðskiptavinirnir
skynja þetta viðhorf á jákvæðan
hátt og þannig skapast traust og vel-
vild á milli sölumanns og kaupanda.
Og hver vill ekki eiga í viðskiptum
við einhvern sem hann treystir og
líkar vel við?“
Anderson bætir þó við að það sé
ekki útilokað að selja vel með gömlu
aðferðunum þar sem viðskiptavinur-
Margt líkt með sölu-
manni og dansara
Morgunblaðið/Styrmir Kári
Samband Mynd úr safni af uppátækjasömum sölumanni á öskudegi. Með
því að hlusta á viðskiptavininn og skapa tengingu má bæta sölutölurnar.
 Sölumenn nú til dags þurfa að kunna að hrífa fólk með sér
inn er beittur þrýstingi og sölumað-
urinn reynir að snúa á hann. „Ég
minnist kollega míns hjá stórum
breskum húsgagnasala sem fór ein-
mitt þessa leið og gékk vel að ná
sölumarkmiðum sínum. En það var
líka mikið um kvartanir vegna hans
og viðskiptavinirnir óánægðir.“
Áhrifin koma strax
En er ekki söluheimurinn þannig í
dag að sífellt er þrýst á fólk um að
selja af meiri hörku? Er ekki And-
erson að lýsa aðferðum sem geta
kannski reynst vel til lengri tíma lit-
ið en komið illa út næst þegar sölu-
bónusunum verður útdeilt? „Þvert á
móti hef ég komist að því að það að
hlusta, tengja og vera einlægur bæt-
ir söluna um leið og hefur strax þau
áhrif að gera starf sölumannsins
ánægjulegra. Með því að eiga í já-
kvæðum samskiptum við viðskipta-
vinina fyllumst við af orku sem
fylgir okkur áfram til næsta við-
skiptavinar svo við mætum honum
með glampa og eldmóð í augum.“
Peter Anderson
Dow Jones-vísitalan styrktist um
1,4% á föstudag, og S&P 500-vísi-
talan um 1,5%. Af þeim 30 fyrir-
tækjum sem mynda Dow Jones-vísi-
töluna hækkuðu öll nema fjögur og
munaði mest um hækkun hlutabréfa
íþróttavöruframleiðandans Nike
sem styrktist um 7,9%.
Þrátt fyrir hækkunina á föstudag
eru vísitölurnar fjarri því búnar að
ná sér á strik eftir lækkun undan-
farinna tveggja vikna. Við lokun
markaða í vikulok mældist S&P 500-
vísitalan 2.619,55 stig sem er 8,8%
lægra en þegar hún náði hámarki 26.
janúar síðastliðinn. Dow Jones-vísi-
talan er 9,1% lægri en hún var 26.
janúar og mældist 24.190,90 stig að
kvöldi föstudags að sögn Market-
Watch.
Í þessari viku verða birtar mikil-
vægar tölur um verðbólguþróunina í
Bandaríkjunum að undanförnu og
reikna markaðsgreinendur með að
þær muni ráða miklu um hvort mark-
aðurinn nær jafnvægi eða tekur aðra
byltu.
Bandaríkjadalurinn styrktist tölu-
vert í liðinni viku og hefur ekki
hækkað jafnmikið gagnvart körfu
helstu gjaldmiðla í hartnær 15 mán-
uði. Þá lækkaði olíuverð um 3% á
föstudag og fór verð á framvirkum
samningum með bandaríska hráolíu
undir 60 dali í fyrsta skipti síðan í
desember. ai@mbl.is
AFP
Læti Kauphöllin í New York á föstudag. Óvíst er hvert markaðurinn stefnir.
Bandarísk hlutabréf
rétta ögn úr kútnum
 Stóru vísitölurnar styrktust á föstu-
dag  Bandaríkjadalur styrktist einnig
Bandaríski netverslunarrisinn Ama-
zon hefur hleypt af stokkunum til-
raunaverkefni þar sem fyrirtækið
leikur stærra hlutverk í að afhenda
vörur heim að dyrum viðskiptavina.
Reuters hefur eftir ónafngreindum
heimildarmanni að þessi tilraun sé
þegar hafin í Los Angeles og mögu-
lega einnig í öðrum borgum vestan-
hafs.
Þegar fréttist af verkefninu lækk-
uðu hlutabréf hraðsendingar-
fyrirtækjanna FedEx og United
Parcel Service um rösklega 4% en
markaðsgreinendur telja þó að til-
raun Amazon stefni ekki framtíð
póstrisanna tveggja í voða að svo
stöddu. Benti einn sérfræðingurinn
á að til að geta keppt við dreifikerfi
FedEx og UPS á heimsvísu myndi
Amazon þurfa að ráðast í 100 millj-
arða dala fjárfestingu, sem jafn-
gildir tæplega einum sjöunda af
heildarmarkaðsvirði fyrirtækisins.
Um 10% af tekjum UPS koma til
vegna sendinga fyrir Amazon en 4%
af tekjum FedEx.
Að sögn Reuters miðar tilrauna-
verkefnið að því að fækka hindr-
unum á milli kaupenda og þeirra
fyrirtækja sem selja vörur í gegnum
netverslunarkerfi Amazon, m.a. með
því að láta sendla Amazon sækja
vörur til seljendanna og koma áleið-
is til vöruhúsa Amazon eða beint í
hendur hraðsendingarfyrirtækja á
borð við FedEx sem koma sending-
unni á áfangastað. ai@mbl.is
AFP
Sókn Starfsmaður flokkar pakka í
vöruhúsi Amazon í Kaliforníu.
Amazon gerir tilraun
með dreifingu á vörum
 Hlutabréf FedEx og UPS lækka