Morgunblaðið - 12.03.2018, Side 10

10 FRÉTTIRInnlent
MORGUNBLAÐIÐ MÁNUDAGUR 12. MARS 2018
Mest seldu ofnar
á Norðurlöndum
áreiðanlegur hitagjafi
10 ára ábyrgð
Draghálsi 14 - 16 · Sími 4 12 12 00 · www.isleifur.is
Höskuldur Daði Magnússon
hdm@mbl.is
„Þetta stendur í stjórnarsáttmál-
anum. Ég sagði bara að við værum
að fara að gera þetta. Við vorum að
fjalla um stefnumótun næstu
tveggja ára og mér fannst mikilvægt
að þetta væri þar með. Ríkisstjórnin
er alltaf að fara að setja á einhvers
konar komugjöld,“ segir Sigurður
Ingi Jóhannsson, formaður Fram-
sóknarflokksins.
Í ræðu sinni á flokksþingi Fram-
sóknarflokksins um helgina fjallaði
Sigurður Ingi um áform um komu-
gjöld hér á landi til að standa straum
af auknum kostnaði vegna ferða-
mannastraumsins við viðhald og
uppbyggingu innviða í ferðaþjón-
ustu.
Eins greindi hann frá því að stefnt
væri að því að tekjur af gistinátta-
gjaldi færðust alfarið yfir til sveitar-
félaga.
„Hvenær það mun gerast ná-
kvæmlega liggur ekki fyrir. Ég hef
átt viðtöl við fólk á sveitarstjórn-
arstiginu og þar er mikill áhugi á því
að þetta gjald nýtist í uppbyggingu
innviða,“ segir Sigurður Ingi.
Hvað komugjöld varðar segir
hann að þegar sé hafin vinna í at-
vinnuvega- og nýsköpunarráðuneyt-
inu við undirbúning. Enn sé þó
margt ógert áður en frumvarp þessa
efnis verði lagt fram. „Til að mynda
samtal við ferðaþjónustuna. Ég mun
sjálfur eiga slík samtöl á næstu vik-
um.“
Sigurður Ingi, sem er samgöngu-
og sveitarstjórnarráðherra, tæpti
einnig á ástandi vegakerfisins og
boðaði stórsókn í uppbyggingu þess.
Fjármagn úr bönkunum yrði notað
til að byggja upp vegakerfið.
„Við erum að skoða hvort mögu-
legt sé að bæta við fjármunum í
vegaframkvæmdir í ár umfram það
sem samþykkt var í fjárlögum. Þörf-
in er svo brýn. Mönnum hefur orðið
það æ ljósara á síðustu vikum hversu
stórt verkefnið er. Veturinn hefur
verið afleitur fyrir vegina og þeir
koma illa undan vetri. Þá eykur
þessi mikla umferð álagið til lengri
tíma.“
Kynnt var niðurstaða vinnu
menntastefnuhóps sem settur var á
fót á afmæli flokksins. „Hann skilaði
mjög flottri vinnu, grundvallar-
stefnu flokksins í menntamálum.“
Sigurður Ingi var endurkjörinn
formaður flokksins á laugardag.
Hlaut hann 94 prósent atkvæða í for-
mannskjörinu, eða 185 atkvæði.
Lilja Alfreðsdóttir fékk 12 atkvæði.
Lilja var endurkjörin varaformaður
flokksins með 97 prósentum at-
kvæða.
„Þorum að setja mál á dagskrá“
„Þetta var einstaklega kröftugt
landsþing og mikill metnaður í fólki
þar,“ sagði Þorgerður Katrín Gunn-
arsdóttir, formaður Viðreisnar, eftir
landsþing flokksins sem haldið var í
Reykjanesbæ um helgina.
Þorgerður Katrín var endurkjörin
formaður flokksins með 95,3 pró-
sentum atkvæða. Þorsteinn Víg-
lundsson var kjörinn varaformaður
með 98,5 prósentum atkvæða. Morg-
unblaðið óskaði eftir upplýsingum
um hversu mörg atkvæði væru að
baki þessum tölum en samkvæmt
upplýsingum frá Viðreisn seint í
gærkvöldi verður það ekki gefið upp.
„Það sem stendur upp úr er annars
vegar mannauðurinn og krafturinn í
fólkinu og hins vegar að við þorum að
setja mál á dagskrá sem einmitt
rugga bátnum,“ segir Þorgerður.
Meðal þess sem kemur fram í
stjórnmálaályktun landsþingsins er
að viðræðum um fulla aðild að Evr-
ópusambandinu verði lokið, geng-
isstöðugleiki og lægri vextir verði
tryggðir með upptöku evru og af-
nema eigi samkeppnishindranir á
innlendum mörkuðum. Þá skuli fæð-
ingarorlof lengt í 12 mánuði og fjöl-
breytt dagvistun verði í boði frá 12
mánaða aldri barna. Eins verði auk-
in heimild til nýtingar á séreignar-
sparnaði til kaupa á húsnæði.
„Það er mikilvægt að við höldum
áfram að tala um hvar við erum í al-
þjóðlegu samstarfi og komum festu á
gjaldmiðlamálin með því að taka upp
nýjan gjaldmiðil,“ segir Þorgerður
sem kveðst þakklát fyrir þann stuðn-
ing sem hún og Þorsteinn Víglunds-
son fengu í kjöri sínu.
Meira fé í vegaframkvæmdir í ár
 Sigurður Ingi boðar stórsókn í vegamálum, innheimtu komugjalda af ferðamönnum og að gisti-
náttagjald færist til sveitarfélaga  Viðreisn vill að viðræðum um fulla aðild að ESB verði lokið
Morgunblaðið/Hari
Flokksþing Sigurður Ingi var endurkjörinn formaður Framsóknarflokksins. Hann segir að öflug málefnavinna hafi farið fram á flokksþinginu.
Víkurfréttir/Hilmar Bragi
Landsþing Þorgerður Katrín var endurkjörin formaður Viðreisnar.