Morgunblaðið - 03.04.2018, Qupperneq 14

14 FRÉTTIRInnlent
MORGUNBLAÐIÐ ÞRIÐJUDAGUR 3. APRÍL 2018
GÆÐI – ÞEKKING – ÞJÓNUSTA
Eru sparifötin
hrein?
Guðrún Erlingsdóttir
ge@mbl.is
„Á skíðum skemmti ég mér,“ ómaði í
Bláfjöllum um páskana í skíðamessu
sem haldin er þar árlega að sögn
Einars Bjarnasonar, rekstrarstjóra í
Bláfjöllum. Einar segir að 8.800
manns hafi komið í Bláfjöll um
páskana, en annar í páskum er ekki
með í þeim tölum. Einar var mjög
ánægður með aðsóknina og veðrið
um páskana og það sama var að
segja um flest skíðasvæði á landinu.
„Dagurinn í dag er aðeins rólegri
því hér er rok og þoka en það stopp-
ar ekki hressa snjóbrettamenn sem
skemmta sér í púðursnjó,“ segir Ein-
ar og bætir við að svo mikil sé gleðin
hjá snjóbrettamönnum í Skálafelli að
einn þeirra hafi eyðilagt rennilásinn
á úlpunni sinni.
„Hann gat ekki hugsað sér að
hætta og fara heim að sækja nýja
úlpu og því brá ég á það ráð að lána
honum mína.“
Einar segir að um 2.400 manns
hafi skíðað í Skálafelli og heildar-
fjöldi gesta sé kominn yfir 11.000
Hann segir að starfsmenn mæti allt-
af fínir í tauinu á páskadag, í jakka-
fötum eða að minnsta kosti í skyrtu
með bindi.
„Ég held að ég hafi mætt í allar 29
skíðamessurnar sem Pálmi Matt-
híasson hefur haldið í Bláfjöllum.
Það var mjög skemmtilegt þegar
Jónas Þórir organisti hóf messuna á
því að spila tónlist úr Star Wars og
svo var lagið sem Mikki refur og Lilli
klifurmús sungu saman, Dvel ég í
draumahöll, úr Dýrunum úr Hálsa-
skógi sungið í messunni,“ segir Ein-
ar og er kátur með hversu vel hafi
tekist til um páskana.
Fullur bær af fólki
„Páskarnir hafa verið alveg geggj-
aðir og bærinn fullur af fólki sem
skilaði sér vel upp í fjall í sól og blíðu
alla páskana,“ segir Hlynur Krist-
jánsson, forstöðumaður skíðasvæðis
Ísafjarðarbæjar. Hann segir að 1.200
manns á dag hafi komið á skíðasvæð-
ið fyrstu þrjá dagana, 2.000 manns á
laugardaginn en heldur færri annan í
páskum eða um 300 manns.
„Við vorum með dagskrá alla dag-
ana. Fengum Íþróttaálfinn í heim-
sókn og vorum með alls konar páska-
mót og páskaeggjamót. Einnig
samhliða svig, furðufatadag, grill-
aðar pylsur og heitt kakó,“ segir
Hlynur og bætir við að heljarinnar
dagskrá hafi verið í Seljalandsdal.
Hann telur að tónlistarhátíðin Aldrei
fór ég suður hafi haft áhrif á aðsókn
á skíðasvæðið og tónlistarmenn af
hátíðinni hafi spilað fyrir gesti.
Á Ólafsfirði var lítið um að vera á
alpagreinasvæðinu vegna snjóleysis,
að sögn Kristjáns Haukssonar, for-
manns Skíðafélags Ólafsfjarðar.
Hann segir að venjulega sé metn-
aðarfull dagskrá á alpasvæðinu en
nú hafi þurft að láta duga einn dag
með kvöldopnun og leikjabraut fyrir
krakka. Kristján segir að skíðfélagið
hafi skafið gönguspor inn í Skeggja-
brekkudal og skíðamönnum gefist
færi á stórkostlegu útsýni yfir Héð-
insfjörð og Ólafsfjörð úr 700 metra
hæð.
„Það hafa sennilega verið um 150
manns á gönguskíðum en það er erf-
itt að giska á fjölda þeirra sem voru á
fjallaskíðum,“ segir Kristján.
Allt gott í blankalogni
„Allt gott hér, blankalogn, 5 gráðu
frost og nýfallinn snjór. Það er ekki
hægt annað en að vera glaður,“ sagði
Viggó Jónsson, forsvarsmaður skíða-
svæðis Skagfirðinga, á öðrum degi
páska. Hann segir að allt hafi gengið
vel og snurðulaust fyrir sig. „Það
mættu á milli 1.500 til 2.000 manns á
skíðasvæðið til þess að skíða og njóta
útiveru og einhverjir leikir hafa verði
í boði fyrir krakka,“ segir Viggó sem
bíður spenntur eftir nýrri skíðalyftu
sem áætlað er að verði komin upp
fyrir næsta skíðatímabil
„Þetta hefur verið stórkostleg
dymbilvika eins og hún leggur sig.
Frá skírdegi fram að öðrum í pásk-
um hafa 3.000 manns komið á svæðið
sem er meiri fjöldi en vanalega,“ seg-
ir Egill Rögnvaldsson, for-
stöðumaður Skíðasvæðisins á Siglu-
firði.
„Hér hafa verði toppaðstæður til
skíðaiðkunar alla páskana, frost,
heiðskírt og glaðasólskin. Það hefur
allt gengið vel fyrir utan fjögur til
fimm minniháttar slys, sem fylgir því
að vera á skíðum. En allt hefur þetta
sloppið stórslysalaust og það skiptir
öllu máli,“ segir Einar og bætir við
að alls kyns uppákomur hafi verið
um páskana.
„Tvo daga buðum við upp á lifandi
tónlist, einnig páskaeggjamót fyrir
10 ára og yngri og tóku 80 börn þátt í
því. Við útbjuggum 10 skíðaleiðir og
5 ævintýarleiðir. Það fylgir þessu
öllu mikið umstang fyrir þá 16 til 17
starfmenn sem vinna í kringum
páskana,“ segir Egill.
„Hér hefur allt farið vel fram.
Veðrið var mjög gott á laugardag og
páskadag en þar á undan var svolítill
hraglandi og éljagangur,“ segir Agn-
ar Sveinsson, rekstarstjóri skíða-
svæðisins í Stafdal við Seyðisfjörð.
Hann segir páskadagskrána hafa
verið með hefðbundnu sniði með
páskaeggjaleit og skemmtun fyrir
krakkana.
„Það urðu engin slys um páskana
og við erum hæstánægð með það,“
segir Agnar. Ekki liggja fyrir tölur
um fjölda gesta á skíðasvæðinu í
Stafdal um páskana
Morgunblaðið/Skapti Hallgrímsson
Metaðsókn Gestir í brekkum Hlíðarfjalls voru í kringum 10.000 um páskana. Frábært veður var á Akureyri, glampandi sól og hæfilega kalt.
Á skíðum skemmti landinn sér
 Þúsundir skíðamanna í Bláfjöllum  Frábærir páskar á Ísafirði  Snjóleysi háði Ólafsvíkingum
 Skagfirðingar glaðir í blankalogni  Stórkostleg dymbilvika á Siglufirði  Páskaeggjaleit í Stafdal