Morgunblaðið - 14.05.2018, Blaðsíða 18

18 UMRÆÐAN
MORGUNBLAÐIÐ MÁNUDAGUR 14. MAÍ 2018
lækka upphitunarkostnað
Rafstjórn tekur út og þjónustar
kæli- og loftræstikerfi
Varmadælur
Stangarhyl 1A • 110 Reykjavík • Sími 587 8890 • rafstjorn.is
Verð frá kr.
181.890 m/vsk
Nánari upplýsingar áwww.geosilica.is
Fæst í apótekum, heilsubúðum, Hagkaupum, Nettó, Fjarðarkaupum og á geoSilica.is
Kísil STEINEFNI
Hágæða 100% náttúrulegt steinefni, þróað og framleitt
á Íslandi úr jarðhitavatni frá Hellisheiðarvirkjun.
Getur meðal annars stuðlað að:
• Fyrirbyggingu við beinþynningu
• Styrkingu á hjarta- og
æðakerfi líkamans
• Heilbrigði húðar og hárs
• Sterkari nöglum
• Góðri heilsu
• Losun áls úr líkamanum
• Aukinni upptöku annarra steinefna
• Örvun kollagen myndunar
Inniheldur engin aukaefni.
Miðflokkurinn er
lausnarmiðaður miðju-
flokkur og vill nýta fjár-
magn þar sem börn,
aldraðir og öryrkjar
ganga fyrir þegar
grunnþjónusta er ann-
ars vegar. Í gegnum ár-
in höfum við tekið upp
stefnu varðandi heils-
dagsskóla og skóla án
aðgreiningar. Þetta
hefur þróast með þeim
hætti að foreldrar, sem vinna úti og
oft mikið, eiga allt undir því að sam-
félagið byggi upp innviði og þjónustu
sem virkar.
Nýr áfangi til eflingar
skólastarfs og jafnræðis
Á næsta kjörtímabili verður nýr
áfangi tekinn í þessari framþróun
verði Miðflokkurinn kjörinn til áhrifa
í Mosfellsbæ. Miðflokk-
urinn ætlar að innleiða
á kjörtímabilinu gjald-
frjálsar skólamáltíðir í
grunnskólum bæjarins
en með því má tryggja
ungum börnum aðgengi
að hollum mat. Gæðin
yrðu tryggð með fag-
legu eftirliti með upp-
runa hráefnis og fram-
leiðsluferli máltíða. Með
slíku fyrirkomulagi er
lagður grunnur að betri
heilsu og vellíðan í leik
og starfi.
Við vitum hvað þetta
kostar og lausnina
Á því skólaári sem er að líða eru
um 107 grunnskólabörn í Krikaskóla,
711 í Lágafellsskóla og 808 í Var-
márskóla. Samtals eru þetta um 1626
börn á grunnskólaaldri í skólum bæj-
arins. Nýr skóli, Helgafellsskóli, er
hannaður fyrir 600 börn og reikna má
að á næsta ári verði um eða yfir 100
börn þar við nám.
Innleiðing Miðflokksins á gjald-
frjálsum skólamáltíðum miðast fyrst
og fremst við yngri börn grunnskóla
fyrstu árin og ætlunin er að ljúka inn-
leiðingunni gagnvart efri bekkjum
grunnskóla undir lok kjörtímabilsins.
Samkvæmt fjárhagsáætlun Mosfells-
bæjar er áætlað að grunnskólabörn
bæjarins verði um 1970 skólaárið
2021 til 2022. Áætlunin er þá að
kostnaðurinn verði á bilinu 150 til 200
milljónir árlega á núverandi verðlagi
og hefur Miðflokkurinn séð tækifæri
til að ná þessu út úr þeim tekju-
ramma sem liggur í bókum bæjarins.
Næring er forsenda
hreyfingar og vellíðunar
Það liggja fyrir ítarlegar rann-
sóknir um mikilvægi góðrar nær-
ingar. Án næringar verður lítið um
orku til hreyfingar. Á málþingi, sem
Embætti landlæknis stóð fyrir í nóv-
ember á síðasta ári og bar yfirskrift-
ina „Heilsueflandi grunnskóli“, kom
fram að það er næringin sem ber
uppi hreyfinguna auk þess sem varn-
ir gegn vímuefnum, ofbeldi og slysum
voru ítrekaðar. Miðflokkurinn vill
vellíðan fyrir alla og stuðla að því að
grunnskólabörn geti stundað nám
sitt öll södd og glöð til framtíðar.
Börnin í Mosfellsbæ eiga að fá að
sitja við sama borð óháð efnahag for-
eldra.
Eftir Herdísi Krist-
ínu Sigurðardóttur » Öll börn í Mosfells-
bæ eiga að fá að sitja
við sama borð óháð
efnahag foreldra.
Herdís Kristín
Sigurðardóttir
Höfundur er sjálfstætt starfandi
verktaki og hrossaræktandi sem skip-
ar 2. sæti á lista Miðflokksins í Mos-
fellsbæ.
www.facebook.com/Midflokkurinn-
Moso
Gjaldfrjálsar skólamáltíðir
fyrir grunnskólabörn
í Mosfellsbæ
Þriðja heimsmark-
mið Sameinuðu þjóð-
anna er að „stuðla að
heilbrigðu líferni og
vellíðan fyrir alla frá
vöggu til grafar“ og í
því felst meðal annars
að efla forvarnir og
stuðla að geðheil-
brigði. Markmið Sam-
fylkingarinnar er að
vinna enn frekar að
því að gera Reykjavíkurborg að
heilsueflandi samfélagi í takt við
heimsmarkmiðin.
Með nýrri lýðheilsustefnu vilj-
um við auka vellíðan borgarbúa og
draga úr tíðni og afleiðingum
langvinnra sjúkdóma með því að
bæta bæði manngert og félagslegt
umhverfi allra íbúa. Forvarnir eru
einn mikilvægasti þátturinn í lýð-
heilsustefnunni og í raun sá þáttur
sem skilar samfélaginu mestu, það
er að styrkja og styðja við fólk en
þannig má mögulega koma í veg
fyrir heilsubrest.
Okkar markmið er að Reykjavík
verði heilsueflandi samfélag og
höfum við nú þegar hrint af stað
fjölmörgum verkefnum sem snúa
að heilsueflandi samfélagi, svo
sem í leik- og grunnskólum borg-
arinnar ásamt því hvetja til heilsu-
eflingar eldri borgara með því að
bjóða þeim ókeypis í sund og auka
aðgengi þeirra að hreyfingu og fé-
lagsheimilum.
Einkunnarorð
heimsmarkmiða Sam-
einuðu þjóðanna eru
að enginn verði und-
anskilinn (e. „leaving
no one behind“). Til
að uppfylla einkunn-
arorðin þarf að skapa
aðstæður sem stuðla
að heilbrigðum lífs-
háttum, vellíðan allra
íbúa og auka jöfnuð.
Verður það meðal
annars gert með auk-
inni hverfaþjónustu,
öflugri stoðþjónustu í leik- og
grunnskólum og stuðningi við fatl-
að fólk og eldri borgara ásamt
hvatningu eða stuðningi til auk-
innar virkni. Samfylkingin ætlar
að halda áfram þeirri vinnu sem
hafin er við að skapa borg fyrir
fólk og ætlar ekki að undanskilja
neinn.
Áfram Reykjavík fyrir okkur
öll!
Vellíðan fyrir alla
frá vöggu til grafar
Eftir Ellen
Calmon
» Með nýrri lýð-
heilsustefnu vilj-
um við auka vellíðan
borgarbúa og draga
úr tíðni og afleið-
ingum langvinnra
sjúkdóma.
Ellen Calmon
Höfundur skipar 10. sæti á lista
Samfylkingarinnar í Reykjavík.
calmonellen@gmail.com
Það er sameiginlegt
markmið samfélagsins
að halda fólki hraustu
og öflugu. Við viljum
að eldri borgarar geti
búið heima eins lengi
og vilji er fyrir. Tíma-
bil hinna gullnu ára
verður sífellt lengra
og hópurinn sem því
nær stækkar með
hverju árinu. Í dag
telur þessi hópur rúmlega 42 þús-
und einstaklinga og ef miðað er við
mannfjöldaspá til ársins 2033 mun
þessi hópur verða tæplega 69 þús-
und. Beinn efnahagslegur kostn-
aður af dvöl eldri borgara á stofn-
unum í dag er 50,6 milljarðar á ári
og mun aukast um 61% á næstu 15
árum.
Við eigum öll að leggjast á ár-
arnar til þess að fjölga hjúkr-
unarrýmum og stytta biðlista eftir
dagþjónustu en það er fleira sem
sveitarfélag eins og Kópavogur get-
ur gert til þess að bæta líðan og
heilsu eldri borgara og um leið
dregið úr efnahagslegum kostnaði
samfélagsins við dvalarrými. Það er
áleitin spurning að í stað þess að
bregðast í sífellu við einkennum og
sjúkdómum sem mætti draga úr
eða jafnvel koma alfarið í veg fyrir,
ættum við að stórauka og efla
verkefni sem viðhalda heilbrigði
langt fram eftir aldri.
Til lengri tíma eru fyrirbyggj-
andi inngrip í lýðheilsu mjög ár-
angursrík. Það að lifa betra og
heilsusamlegra lífi er eftirsókn-
arvert fyrir einstaklinginn og dreg-
ur úr þrýstingi á almenn útgjöld til
heilbrigðismála.
Sjálfstæðisflokkurinn í Kópavogi
ætlar að innleiða íþróttastyrki til
eldri borgara ásamt því að skoða
fjölþætt heilsueflandi verkefni.
Fyrirmynd af slíkum verkefnum
má finna t.d. í Hafnarfirði og
Reykjanesbæ. Árangur af slíkum
verkefnum er ekki ein-
göngu mældur í þörf-
inni á minni aðstoð
heima fyrir heldur
einnig í öflugri ein-
staklingum sem halda
sér virkum og hraust-
um mun lengur en ef
ekki væri um slík
skipulögð inngrip í
heilsufar þeirra að
ræða.
Geðheilbrigði
áskorun 21.
aldarinnar
Það er ljóst að þjóðfélagið þarf
að bregðast við auknu þunglyndi,
kvíða, ótta og jafnvel í sömu andrá
aukinni notkun vímuefna ásamt því
sífellt fleiri taka sitt eigið líf með
óbætanlegum afleiðingum fyrir þá
sem sitja eftir. Aukin lyfjanotkun
er staðreynd og það er hávært kall
um að betur þurfi að hugsa um þá
sem eiga við geðrænan vanda að
stríða. Við greinum þennan vanda
og sem sveitarfélag finnum við
hann helst innan menntakerfisins
og velferðarsviðsins.
Hvernig getum við sem sveitar-
félag brugðist við þessari válegu
aukningu í vanlíðan í samfélaginu?
Horfa þarf til forvarna, fræðslu og
meðferðarúrræða. Auka þarf sál-
fræðistuðning innan skólanna
ásamt því að það þarf að efla
snemmtæka íhlutun innan leikskól-
anna er vanda verður vart. Athygl-
isvert væri jafnvel að innleiða hug-
leiðslukennslu um núvitund innan
skólanna í upphafi dags. Það er
mikið álag á ungu fólki í dag og
stafrænn heimur verður til þess að
viðbragðstími okkar við öllu áreiti
styttist sífellt með tilheyrandi
hraða.
Það er hins vegar sífellt ljósara
að heilbrigðiskerfið nær ekki að
taka utan um alla þá sem þjást og
því hefur þörfin sífellt vaxið fyrir
frjáls félagasamtök til stuðnings
þeim sem eiga um sárt að binda.
Hér sem dæmi eru nefnd örfá s.s.
Hugarafl, Hugarfrelsi, Pieta, Geð-
hjálp, Klúbburinn Geysir og Stíga-
mót.
Slík samtök hafa átt undir högg
að sækja með húsnæði og hafa
mörg þeirra fengið utanaðkomandi
mikilvægan styrk frá fyrirtækjum
eða hinu opinbera til þess að starfa
áfram að málefnum um bætta líðan
og stuðning til almennings.
Hressingarhælið á Kópavogstúni
var vígt og byggt 1926 fyrir til-
stuðlan Hringskvenna sem vildu
láta gott af sér leiða fyrir sitt sam-
félag. Húsið er teiknað af Guðjóni
Samúelssyni og hafa staðið yfir
undanfarin ár framkvæmdir við
endurnýjun á þessu merka húsi
sem var friðað í október 2012. Við í
Sjálfstæðisflokknum sjáum fyrir
okkur að innan veggja Hressing-
arhælisins mætti opna nýja geð- og
lýðheilsumiðstöð. Þannig væri
þessu húsi mikill sómi sýndur
vegna sögu þess og upphaflegs til-
gangs. Slík geð- og lýðheilsu-
miðstöð myndi veita félagasam-
tökum skjól um leið og þau myndu
geta aðstoðað okkur, ásamt því að
stunda sinn rekstur, innan mennta-
og velferðarkerfisins við að halda
betur utan um fræðslu, forvarnir
og almennan stuðning við þá sem
til okkar leita og þurfa aukna leið-
sögn. Samstarfsverkefni þar sem
sveitarfélag útvegar öruggt hús-
næði um leið og það veitir frjálsum
félagasamtök tækifæri á því að
geta haldið áfram að efla og bæta
geðheilbrigði og lýðheilsu væri öllu
samfélaginu í hag og afar áhuga-
vert í framkvæmd.
Geð- og lýðheilsa í Kópavogi
Eftir Karenu
Elísabetu
Halldórsdóttur
Karen Elísabet
Halldórsdóttir
» Til lengri tíma eru
fyrirbyggjandi inn-
grip í lýðheilsu mjög
árangursrík. Það að lifa
betra og heilsusam-
legra lífi er eftirsókn-
arvert.
Höfundur er bæjarfulltrúi í Kópavogi.
karen.halldors@kopavogur.is
Allt um
sjávarútveg