Morgunblaðið - 14.05.2018, Blaðsíða 33

DÆGRADVÖL 33
MORGUNBLAÐIÐ MÁNUDAGUR 14. MAÍ 2018
Stjörnuspá
21. mars - 19. apríl 
Hrútur Mundu að til þess að samband sé
gott þurfa báðir aðilar að gefa eitthvað
eftir. Þú færð símtal sem á eftir að vekja
hjá þér spurningar.
20. apríl - 20. maí 
Naut Allir munu njóta þess að fá hól frá
þér í dag og heillandi persónuleiki þinn
sýnir öllum hve einlæg/ur þú ert. Komdu
elskunni þinni á óvart.
21. maí - 20. júní 
Tvíburar Þótt einhverjir misskilji orð þín
skaltu ekki láta misskilning þeirra draga
úr þér kjarkinn. Þú ættir að sleppa því að
horfa um öxl, líttu heldur fram á við.
21. júní - 22. júlí 
Krabbi Forðastu að lenda í þeirri aðstöðu
að þurfa að velja á milli tveggja kosta.
Taktu frumkvæði og ýttu málum úr höfn.
23. júlí - 22. ágúst 
Ljón Þér er óhætt að fara eftir eðl-
isávísun þinni þegar þú afgreiðir við-
kvæmt einkamál í dag. Mundu að þú ert
þinnar gæfu smiður.
23. ágúst - 22. sept. 
Meyja Þú verður að temja þér þau vinnu-
brögð að ljúka við eitt verkefni áður en þú
byrjar á öðru. Þú ert óróleg/ur vegna
gamals máls sem skaut upp kollinum.
23. sept. - 22. okt. 
Vog Landið er greinilega að rísa. Hertu
upp hugann því endalaus undanlátssemi
skilar þér bara örðugleikum. Þú reynir að
koma á sættum milli deiluaðila.
23. okt. - 21. nóv.
Sporðdreki Þú stendur á tímamótum og
þarft að gera upp hug þinn til nýrra verk-
efna. Komdu þér í samband við frum-
kvöðla og gáðu hvað gerist.
22. nóv. - 21. des.

Bogmaður Orð þín hafa mikið vægi bæði
heima og á vinnustað svo mundu hversu
mikil ábyrgð fylgir því. Vandasamt verk-
efni sem á þér hvílir mun leysast farsæl-
lega.
22. des. - 19. janúar 
Steingeit Þú kynnist manneskju og sam-
bandið þróast út í ástarsamband. Þú hef-
ur vanrækt vinina undanfarið, gerðu eitt-
hvað í því.
20. jan. - 18. febr. 
Vatnsberi Stundum skjóta gamlir draugar
upp kollinum og hafa áhrif á líf manns.
Ekki sakar að vera bjartsýn/n á framtíð-
ina. Þú færð tilboð sem þú ættir að hafna.
19. feb. - 20. mars

Fiskar Þroski þinn er augljós nú þegar
hugsanir þínar eru gjörsamlega ólíkar
hugsunum þínum fyrir ári. Láttu andstöðu
samstarfsfélaga ekki verða þér fjötur um
fót.
Keppendur í Eurovision erufulltrúar sinna þjóða og landa,
enda fylgir lögunum og flytjendum
margt sem minnir á upprunann.
Sjónvarpskabarett þessi sem Vík-
verji fylgdist með á laugardagskvöld
er því svona öðrum þræði skemmti-
leg landafræði, ferðalag um heila
heimsálfu á nokkrum klukkustund-
um. Lögin sem flutt voru eru hins
vegar í flestum tilvikum án allrar
melódíu og því ómögulegt að syngja
þau og læra laglínu á núll einni. Aðal-
atriðið í flutningi laganna er sjón-
hverfingar og sviðsframkoma.
x x x
En sú var tíðin að Ísland var eins oglítið Eurovision þar sem í bæjum
og byggðum landsins voru starfandi
hljómsveitir sem fluttu lög og texta
sem hvert mannsbarn kann. Þetta er
breytt, en söngurinn ómaði og hljóm-
sveitirnar urðu frábær kynning fyrir
viðkomandi byggðarlög. Á Akranesi
voru Dúmbó og Steini sem sungu
Angelíu, Glaumbæ og Fiðrildi og
flugur. Á Bifröst í Borgarfirði voru
samvinnuskólastrákar sem héldu úti
sveitinni Upplyftingu og lagið
Traustur vinur var spilað út í það
óendanlega í Óskalögum sjúklinga í
Ríkisútvarpinu. Vestan af Ísafirði
heyrðist síðan ómur frá BG og Ingi-
björgu og allir þekkja lagið fallega
Þína innstu þrá.
x x x
Í Skagafirði kom sveiflufjör Geir-mundar Valtýssonar og Álftagerð-
isbræður eru rokkarar af fíngerðu
sortinni. Lagið Sem lindin tær eiga
Siglfirðingar algjörlega skuldlaust
og á Akureyri voru Hljómsveit Ingi-
mars Eydal, Skriðjöklar og seinna
200 þúsund naglbítar. Greifarnir
voru Húsavíkurbandið. Annars má
segja að Selfoss hafi verið höfuðbólið
í þessari hljómsveitamenningu; þar
voru til dæmis Steini spil, Mánar og
seinna Skítamórall; strákaband sem
átti sumarsmellinn árið 1998, lagið
Farin? Í Vestmannaeyjum var
hljómsveitin Logar og frá Eyjum er
reyndar kominn fjöldi Þjóðhátíðar-
laga sem svo oft eru rauluð við gítar-
glamur á góðri stundu.
x x x
Tökum lagið, landar góðir. Fjöriðer rétt að byrja. vikverji@mbl.is
Víkverji
Leitið fyrst ríkis hans og réttlætis, þá
mun allt þetta veitast yður að auki
(Matt: 6.33)
Áheimasíðu sinni auglýsti Dóm-kirkjan messu á uppstigning-
ardag, að boðið yrði upp á kaffi í
safnaðarheimilinu eftir messu. Á
þessum degi aldraðra myndi Kjart-
an Sigurjónsson organisti predika.
Sr. Hjálmar Jónsson orti:
Kirkjuferð mun gleðja geð,
góð er stund með Kristi.
Þar er kaffi, kökur með
og Kjartan organisti.
Ólafur Stefánsson spyr á Leir
hvort meining sé á bak við orðin:
Svitadropar sjást á vör,
sýnir Móri hrekkinn,
þegar fúin fótaskör
færist upp í bekkinn.
Ármann Þorgrímsson svarar því
til að Móri sé sjálfum sér sam-
kvæmur:
Komið stuð á kónginn er
kappinn brýnir heimskan lýð
þó ýmsir kenni ótta hér
ætlar Móri sér í stríð.
Og um vísurnar sínar yrkir Ár-
mann og þykir skrítið:
Hvaða leið og hvernig fer
og hvenær mig að landi ber
hvert eitt skref og hvar sem er
hverja stund þær fylgja mér.
Sigtryggur Jónsson er nýr á
Boðnarmiði og yrkir:
Ekki leiðist mér að lifa
langa daga, stuttar nætur;
margt að gera, skrafa’ og skrifa:
Skreiðist ég því snemma’ á fætur.
Hólmfríður Bjartmarsdóttir seg-
ir á Boðnarmiði að fyrri vísuna hafi
hún fundið í skúffunni og bætt
þeirri seinni við:
Minn bíll er í algengum öreigastíl
og aldrei meira en hálfur
því finnst mér að ætti að framleiða bíl
sem fyllist af bensíni sjálfur.
Nú eru menn farnir að framleiða einn
sem er fær um að stýra sjálfur.
Því eftir einn, ei aki neinn
og aldrei fullur, né hálfur.
Þessi kuldasteytingur sem verið
hefur síðustu daga rifjar upp fyrir
mér að við Ari Jósefsson fórum oft
með þessa þulu á menntaskóla-
árunum: Karl fór út að gá til veðurs
og sagði þegar hann kom inn:
Norðankaldinn úti er
er kominn á norðan.
Guð alvaldur hjálpi mér
engan hef ég korðann!
Halldór Blöndal
halldorblondal@simnet.is
Vísnahorn
Messutilkynning,
Móri og norðankaldi
„ÉG FRÉTTI AÐ ÞÚ VÆRIR MEÐ HERBERGI
TIL LEIGU.“
Ferdinand
Hrólfur hræðilegi
Grettir
... þegar hann er með
hárið þitt og augun
hennar.
Í klípu eftir Mike Baldwin eftir Jim UngerHermann
GJÖRÐU SVO VEL,
GRETTIR
ENN HLÝR EFTIR
ÞURRKARANN
HVERT VILTU FARA TIL AÐ FÁ ÞÉR
AÐ BORÐA?
ÞESSI BRANDARI HEFUR EKKERT
SKÁNAÐ SÍÐAN ÞÚ SAGÐIR HANN SÍÐAST
FYRIR 20 KÍLÓMETRUM!