Morgunblaðið - Sunnudagur - 27.05.2018, Blaðsíða 29

27.5. 2018 MORGUNBLAÐIÐ SUNNUDAGUR 29
Í upphafi maímánaðar var opn-
að nýja Norræna safnið í Ballard,
einu úthverfa Seattle. Þangað er
auðveldlega hægt að komast á
hjóli og gera sér dagpartsferð á
staðinn. Safnið stendur við
Markaðsgötuna í Ballard og við
hliðina á slippnum á svæðinu.
Á safninu er hægt að setjast
niður á snotrum veitingastað
sem býður upp á létta rétti sem
hafa augljósa skírskotun til
Norðurlanda. En safnið sjálft er
þeirrar gerðar að fólk má helst
ekki láta það framhjá sér fara.
Þar má m.a. kynnast samtíma-
list frá Norðurlöndum og á yfir-
litssýningunni sem nú er uppi
má m.a. finna verk eftir Ólaf Elí-
asson, Sigurð Guðmundsson og
Hrafnhildi Arnardóttur (Shop-
lifter).
En safnið er fyrst og fremst
helgað sögu þess fólks sem flutt-
ist vestur um haf á öndverðri 19.
öld og í upphafi þeirrar 20. Þann-
ig er talið að um 120 þúsund
manns frá Finnlandi, Noregi,
Svíþjóð, Danmörku og Íslandi
hafi flust til Washington-ríkis á
þessum tíma og sest þar að. Af-
komendur þessa fólks eru um
800 þúsund talsins. Þegar komið
er á safnið er ekki ósennilegt að
maður heyri fólk tala saman á ís-
lensku og að þeir sem þar notast
við hið ylhýra hafi aldrei búið á
Íslandi. Meira en óhætt er að
taka það fólk tali og hver veit
nema þar leynist ættingi að
norðan eða vestan. Saga vestur-
faranna er rakin á safninu með
nýstárlegum hætti og raunar
12.000 ár aftur í tímann. Þar
með er skyggnst að rótum sam-
félagsins en einnig varpað ljósi á
hvernig vesturfararnir hafa að-
lagast hinum nýju heimkynnum
á 20. öld og upphafi þeirrar 21. Á
safninu má m.a. sjá kjörgripi
sem Þjóðminjasafn Íslands hefur
lánað til sýningarinnar.
Á Norræna safninu er hægt að kynnast norrænni samtímalist.
Morgunblaðið/Stefán Einar Stefánsson
NÝR EN ÓMISSANDI ÁNINGARSTAÐUR
Norræna safnið
hjálminn og halda niður að höfn.
Rétt í námunda við hana er Olympic-
höggmyndagarðurinn. Það er ríflega
10 ára gamall lystigarður sem rek-
inn er af listasafni borgarinnar. Þar
má finna ýmsa dýrgripi, m.a. hið
stórbrotna verk Kjölfar eftir Rich-
ard Serra og Bergmál eftir Jaume
Plensa. Eftir góða stund í kringum
þessi verk og fleiri er tilvalið að
halda áfram til norðurs og njóta þar
göngu- og hjólreiðastíganna í Myrtle
Edwards- og Elliott Bay-görðunum.
Þaðan er óviðjafnanleg fjallasýn sem
minnir um margt á heimahagana.
Geimnálin og Parísarhjólið
Þótt einhverjir kunni að kalla það
klisju er staðreyndin þó sú að enginn
ætti að sleppa því að fara eina ferð
upp í Geimnálina, turninn sérstæða
sem reistur var í borginni árið 1962 í
tilefni Heimssýningarinnar. Það er
182 metra há bygging og af toppi
hennar er útsýnið yfir Seattle og ná-
grenni hennar alveg frábært. Það
kostar um 2.600 krónur að fara upp í
turninn en sá kostnaður er gleymd-
ur um leið og upp er komið. Þá er
einnig óhætt að mæla með því að
skella sér í parísarhjólið við höfnina,
en útsýnið þaðan og yfir borgina og
hafnarstarfsemina er allt annað en
úr Geimnálinni.
Tvö söfn af ólíkum toga
Mörg áhugaverð söfn eru í Seattle
sem vert er að skoða. Hér skulu tvö
þeirra nefnd. Annars vegar er það
safn sem helgað er þeim verkefnum
sem auðugustu hjón veraldar, Bill og
Melinda Gates, hafa beint fjármagni
til á undanförnum áratugum í þeirri
viðleitni að bæta aðstæður fólks um
veröld víða. Þau hjónin búa í Seattle
og er þetta safn gagnvirkt og afar
fróðlegt. Er óhætt að mæla með því
fyrir unga sem aldna. Ekki skemmir
fyrir að safnið er aðeins spölkorn frá
Geimnálinni fyrrnefndu. Hitt safnið
sem hér skal nefnt er Flugsafnið.
Þangað er um klukkustundar hjóla-
ferð sem er þægilegur leiðangur í
góðu veðri. Þar má finna glæsilegt
samansafn af frægustu flugvélateg-
undum sögunnar, m.a. allar orrustu-
vélar síðari heimsstyrjaldarinnar en
einnig mun stærri vélar á borð við
Júmbó 747-vélina frá Boeing, fyrstu
Dreamliner 787-vélina, Concorde-
þotuna hljóðfráu, forsetavél Nixons
og sprengjuvél á borð við þá sem
flutti hinar hryllilegu sprengjur sem
grönduðu Nagasaki og Hiroshima í
ágúst 1945.
Olympic-höggmyndagarðurinn er fallegur áningarstaður og þar má m.a. sjá hið mikla verk Kjölfar eftir Richard Serra.
’Þótt einhverjir kunniað kalla það klisju erstaðreyndin þó sú að eng-inn ætti að sleppa því að
fara eina ferð upp í
Geimnálina, hinn sér-
stæða turn sem reistur
var í borginni árið 1962 í
tilefni Heimssýningar-
innar.
Margir skemmtilegir barir eru í Seattle. Meðal þeirra er Rocco’s en þar er hægt
að fá ljúffengar pizzur og renna þeim niður með bjór eða dýrindis kokkteilum.
Parísarhjólið við höfnina í Seattle er frábær áningarstaður. Þótt hjólið sé ekki
nema ríflega 50 metra hátt gefur það einstaka yfirsýn yfir hluta borgarinnar.