Morgunblaðið - Sunnudagur - 27.05.2018, Blaðsíða 10

10 MORGUNBLAÐIÐ SUNNUDAGUR 27.5. 2018
VETTVANGUR
Í dag er kosið. (Eða í gær fyrir ykkur sem takiðsunnudagsblaðið bókstaflega.) Mér finnst að viðeigum að nýta kosningaréttinn við hvert tækifæri
sem gefst. Ég hef sjálfur kosið í öllum kosningum sem
hafa verið haldnar síðan ég fékk rétt til þess. Stundum
einhverja bölvaða vitleysu, eins og gengur. En ég hef
alltaf mætt á kjörstað og skilað atkvæðinu mínu. Mér
finnst það gaman og lít á það sem lýðræðislega skyldu
mína að kjósa. Það tók talsverðan tíma að fá þennan
lýðræðislega rétt í gegn og mér finnst það hrein van-
virðing að nýta ekki þann rétt.
Við búum í landi þar sem lýðræði er svo sjálfsagt að
kannski gerum við okkur ekki alltaf grein fyrir því
hversu mikilvægt það er. Við tökum því sem gefnum
hlut. Það hlýtur að hljóma undarlega fyrir þá sem ekki
ganga að lýðræði sem vísu að hlusta á okkur væla yfir
því að hér sé alltof oft kosið. Hver hefði trúað því að
lýðræði gæti verið þreytandi? Að við fengjum of mörg
tækifæri til að segja skoðun okkar á því hver eigi að
fara með völdin í samfélaginu. Er það virkilega svo
slæmt? Svo má ekki gleyma því hvað Bogi Ágústsson
og Ólafur Þ. Harðarson að andvarpa sig inn í nóttina er
krúttlegt sjónvarpsefni.
Einhverjir segja kannski að þessar kosningar skipti
ekki máli. Fátt finnst mér fjær sanni. Sveitarstjórnar-
kosningar snúast um nánasta umhverfi okkar, skipulag,
framkvæmdir og hvernig við viljum haga bænum eða
sveitinni okkar. Hvernig samfélag viljum við? Á hvað
viljum við leggja áherslu? Hverju vilt þú breyta?
Sumir segja að enginn flokkur henti þeim. Það getur
varla átt við í Reykjavík. Ef þú getur ekki námundað
skoðanir þínar við stefnu einhverra þessara sextán
framboða þá hlýturðu að vera á einhverri mjög sér-
stakri línu. Það er kannski enginn að tala um að fram-
boðið sé eins og sniðið að sjónarmiðum þínum í öllum
málum en eitthvað af þeim hlýtur að vera líklegra en
annað. Veldu það.
Svo eru alltaf þeir sem ætla að skila auðu. Til að
mótmæla. Ég er með fréttir fyrir þá. Í fyrsta lagi veit
enginn hverju þú ert að mótmæla. Auða atkvæðið þitt
gæti jafnvel verið túlkað sem mótmæli við einhverju
sem þú ert algjörlega sammála. Í öðru lagi þá er ekki
eins og auðu atkvæðin myndi autt sæti í bæjarstjórn
sem þú gætir bent á og sagt með stolti: Ég stóð fyrir
þessu! Og í þriðja lagi. Það er öllum sama. Stjórn-
málamenn eru ekki að fara að gráta sig í svefn yfir
fjölda auðra atkvæðaseðla. Ég get alveg lofað ykkur
því.
Ef þú kýst ekki þá missirðu líka réttinn til að rífa
kjaft. Ef þú hefur ekki kosið þá ertu í raun að segja að
þú ætlir ekki að taka þátt í að ákveða hverjir fara með
stjórn í bænum þínum og þar með er voða erfitt að fara
að rífast í þeim sem tóku við.
En það er líka sennilega rétt að vara fólk við því að
trúa kosningaloforðum. Þau eru eins og veðurspáin –
undir hælinn lagt hvort þau gangi eftir. En það er
vissulega gaman á þessum tímum umhverfisverndar að
sjá að það er hægt að endurnýta gömul kosningaloforð.
Hver man svosem hvað var sagt fyrir fjórum árum? En
það er sennilega hægt að hafa það fyrir reglu fyrir fólk
að kjósa ekki flokk sem lofar einhverju sem það er al-
gjörlega ósammála. Það væri eftir öðru að þau loforð
kæmu strax til framkvæmda.
Annars ætti ég kannski ekkert að vera að segja fólki
sem nennir þessu ekki að kjósa. Það er líka það frá-
bæra við lýðræðið að við ráðum því sjálf hvað við ger-
um.
Þreytandi lýðræði
Á meðan ég man
Logi Bergmann
logi@mbl.is
’Það hlýtur að hljóma undarlega fyrir þá semekki ganga að lýðræði sem vísu að hlusta á okk-ur væla yfir því að hér sé alltof oft kosið. Hver hefðitrúað því að lýðræði gæti verið þreytandi?
Endurupptaka dagsett
Til stendur að endurupptaka Guð-
mundar- og Geirfinnsmálsins fari
fram fyrir Hæstarétti 13. september
næstkomandi. Bæði ákæruvaldið og
verjendur munu fara fram á sýknu í
málinu.
NASA skoðar Ísland
Rannsóknarteymi NASA kannar
nú aðstæður á Íslandi fyrir rann-
sóknir sem ætlað er að skila þekk-
ingu til könnunarleiðangra til ann-
arra plánetna í framtíðinni. Þegar
er byrjað að skoða aðstæður hér
og standa vonir til að framkvæma
rannsóknir á næstu misserum.
Hærri atvinnuleysisbætur
Atvinnuleysisbætur hækkuðu 1. maí sl.
um tæp 19%. Skv. tilkynningu frá vel-
ferðarráðuneytinu hafa óskertar
grunnatvinnuleysisbætur hækkað úr
227.417 krónum á mánuði í 270.000
krónur.
Tólfan ekki trommulaus
Ástæðulaust er að óttast að Tólfan, stuðn-
ingslið karlalandsliðsins í fótbolta, fái
ekki að taka með sér trommur til Rúss-
lands. Víðir Reynisson, öryggisfulltrúi
KSÍ, segir að sérstakar stuðnings-
mannasveitir, eins og Tólfan, fái yfirleitt
að fara með trommur inn á leikvangana.
Margir eru komnir með
nóg af vætu og kulda.
Einar Sveinbjörns-
son veðurfræð-
ingur segir vel
geta farið að
rætast úr veðri.
Morgunblaðið/Hanna
VIKAN SEM LEIÐ
Sumarið á leiðinni?
UMMÆLI VIKUNNAR
„Þetta er varla bílverð.“
Tryggvi Páll Friðriksson hjá
Gallerí Fold, sem hefur til sölu
fágæta mynd eftir Kjarval sem
metin er á 6-7 milljónir króna.
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Nú fástS s vinnuföt í
SÍGILDIR SUNNUDAGAR
Fyrsta flokks
kammertónlist
Sígildir sunnudagar eru klassísk
tónleikaröð þar sem boðið er upp
á fjölbreytt úrval kammertónleika.
Sunnudaga
kl. 17:00 í Hörpu
Fasteignir