Morgunblaðið - Sunnudagur - 27.05.2018, Blaðsíða 8

VETTVANGUR
8 MORGUNBLAÐIÐ SUNNUDAGUR 27.5. 2018
Sagnfræðingurinn Stefán Pálsson
skrifaði á Facebook:
„Nýja rútumiðstöðin sem opnaði
í bakgarðinum hjá okkur um helgina
hefur ákveðið að Skógarhlíðin sé
nýja einkabílastæðið hennar. Þrjár
rútur í öfugri akstursstefnu lulla fyrir
utan svefnherbergi fólksins í ná-
grannablokkinni á meðan þær bíða
eftir að komast inn á planið. Þessi
starfsemi hefur ekki fengið nein
leyfi. Í opinberum gögnum er þarna
rekin bakpokagisting.“
Konráð Jónsson tók þátt í
fimmaurabrandarakeppni á K100 í
vikunni og vann eftir spennandi
keppni við þrefaldan meistara, Ragn-
ar Eyþórsson.
„Ég hef aldrei
verið Íslandsmeist-
ari í neinu áður. Ég á
þó örugglega Ís-
landsmet, ég var lík-
lega fyrsti ein-
staklingurinn á Íslandi til að blogga í
sturtu (árið 2002, með síma í plast-
poka, hann sendi SMS í annan síma
sem var tengdur við tölvu),“ segir
hann og skrifar að hann hafi verið
glaður að lesa fyrirsögnina í blaðinu
þar sem stóð „Konráð Íslandsmeist-
ari“.
Hann vildi þó gera athugasemd
við framsetningu tveggja fimmaura
svo grínið færi ekki fyrir ofan garð
og neðan.
„Vælubíllinn er dottinn úr tísku.
Nú hringir maður víst bara í varð-
skipið Æi.
Og:
Þessi er fyrir þá sem hafa séð Let-
hal Weapon. Hvað sagði Danny
Glover þegar hann var við það að
vaxa upp úr Excel? „I’m getting too
old for this sheet!““
Stjórnmálafræðingurinn Bryndís
Ísfold Hlöðversdóttir skrifaði um
frétt þess efnis að Donald Trump
megi ekki blokka
fólk á Twitter.
„Þetta er áhuga-
vert, þó úrskurð-
urinn sé aðeins
ráðgefandi þá er
þetta enn eitt dæm-
ið um þá „ögleysu“ sem samfélags-
miðlarnir búa við, ekki síst í Banda-
ríkjunum. Það að alríkisdómstóll sé
farinn að úrskurða svona hlýtur að
þýða að næst verði sett regluverk
um notkun opinberra embætta á
samfélagsmiðlum (þó örugglega ekki
undir núverandi stjórn Trumps). En
fyrir Alþingi liggur einmitt áhuga-
verð fyrirspurn frá Helga Hrafni pí-
rata um notkun íslenskra stjórn-
valda á notkun samfélagsmiðla og
skoðanaskiptum almennings á þeim
síðum, sem verður áhugavert að sjá
svarið við,“ skrifaði hún á Facebook.
Tómas Guðbjartsson læknir
hreifst af kvikmynd Benedikts Erl-
ingssonar Kona fer í stríð.
„Ævintýralegir dómar um frá-
bæra mynd.
Viðtökur við myndinni Kona fer í
stríð eru ekki síðri hér heima en í
Cannes. Fimm stjörnur í Mogga
dagsins. Myndin hittir beint í mark í
þeirri vakningu sem hefur orðið hér
á landi í náttúruvernd og andstöðu
við frekari stóriðju. Hvílík tímasetn-
ing á bíómynd. Skora á alla að mæta
í bíó en þarna má sjá helstu leikara
landsins en líka uppistandara eins og
Ara Eldjárn, Dóra DNA og Sögu
Garðars og þá í hlutverkum lög-
reglu. Tónlist Davíðs Þórs Jónsonar
og ADHD er síðan punkturinn yfir
i-ið.“
AF NETINU
Þrátt fyrir tvær heimsstyrj-aldir, plágur og hung-ursneyð, ófáar mannskæðar
borgarastyrjaldir, innrásir og yf-
irgang stórvelda, kúgun og ofsókn-
ir á hendur minnihlutahópum; þrátt
fyrir allt þetta er tuttugasta öldin
mesta framfaraskeið mannkyns-
sögunnar. Þá urðu stórkostlegar
framfarir í læknavísindum og í
hvers kyns tækni, sem gerir lífið
auðveldara í betri híbýlum, sam-
göngum og samskiptum almennt.
Sumir segja að með tilkomu tölvu-
tækninnar hafi opnast á alveg nýj-
an heim.
Og þá er komið að því að hefja
samkvæmisleikinn sem gengur út á
að finna þær uppgötvanir sem
mestu skiptu fyrir framfarir á öld-
inni sem leið og fram á þennan dag.
Auðvitað veltur svarið á því hver
spyr og hvers vegna. Ef þú gengur
með erfiðan sjúkdóm þá er lyfið
sem læknar hann eflaust mikilvæg-
ast í þínum huga;
ef þú býrð á
köldu svæði er
það tæknin til
húshitunar sem
mestu skiptir og
loftkælingin að
sama skapi á
hitasvækjusvæð-
um.
Svo er það
vatnsklósettið,
skurðgrafan og
samgöngurnar.
Hvort skyldi
flugvél eða stígvél hafa verið mik-
ilvægari? Ég er ekki viss, eða hvers
vegna skyldu fyrri tíðar Íslend-
ingar sjaldan hafa gengið á fjöll
nema þeir ættu brýnt erindi, til
dæmis að smala sauðfé? Skóbún-
aður hefur þar eflaust skipt ein-
hverju máli. Kannski voru góðir
skór mikilvægasta samgöngubótin
þegar allt kemur til alls.
Gerum við okkur fulla grein fyrir
því hvílík blessun það var að upp-
götva lesblindu? Fyrr á tíð voru
börn hreinlega dæmd úr leik sem
tornæm ef þau áttu erfitt með lest-
ur. En þá fannst lesblindan og allir
fengu nýja sýn á hinn lesblinda og
hann á sjálfan sig. Þetta var ekki
ómerkileg uppgötvun. Við gætum
haldið áfram. Barn með ofnæmi eða
mataróþol getur verið kvikt og
jafnvel ódælt. Þegar næring-
arfræðin leiddi okkur fyrir sjónir
að á þessu væru lífeðlisfræðilegar
skýringar, breyttist allt í viðhorfum
umhverfisins.
Eins er það með transgender,
fólk sem fæðist á mörkum
kynjanna. Það er ekki fyrr en núna
– og teygjum við okkur þá aðeins
inn í tuttugustu og fyrstu öldina –
að þetta verður lýðum ljóst og mun
verða frelsandi fyrir ófáa ein-
staklinga og þess valdandi að ham-
ingjustuðull samfélagsins rís.
Er þá komið að mínu svari í sam-
kvæmisleiknum um merkilegustu
framfarirnar. Það tengist þessari
helgi, kosningahelginni. Áherslu-
atriði í stjórnmálum skipta nefni-
lega máli þegar
hamingjustuð-
ullinn er annars
vegar.
Ég er sann-
færður um að
þegar það verð-
ur orðið almennt
viðurkennt að
jöfnuður er
hamingjuríkur,
þá verða sann-
gjörn skipti mál
málanna.
Því fer þó
fjarri að allir hafi komið auga á
þessi sannindi. Thatcher, Hayek og
Friedman sáu þetta til dæmis aldr-
ei. Þau töldu að ef hinir ríku fengju
að baka sín stóru brauð, hrytu svo
margir molar af borðum þeirra til
smælingjanna að þeim væri vel
borgið. Þetta hefur verið kallað
brauðmolakenningin, trickle-down
economics, og hefur hvergi gengið
upp.
Á hinn bóginn hafa svo verið boð-
aðar gagnstæðar kenningar þar
sem við höfum verið minnt á það
með táknrænum hætti að ef brauð-
inu og fiskunum er útdeilt á rétt-
látan hátt, þá er nóg fyrir alla.
Þetta finnst mér hafa verið ágæt-
ust allra uppgötvana. Hún er að
vísu eldri en frá öldinni sem leið.
En hún á hins vegar við á öllum
tímum og sérstaklega við hæfi að
gefa henni gaum þegar gengið er
að kjörborði í kosningum.
Samkvæmisleikur
um kosningahelgi
’Er þá komið að mínusvari í samkvæmis-leiknum um merkilegustuframfarirnar. Það tengist
þessari helgi, kosninga-
helginni. Áhersluatriði í
stjórnmálum skipta
nefnilega máli þegar
hamingjustuðullinn er
annars vegar.
Úr ólíkum
áttum
Ögmundur Jónasson
ogmundur @ogmundur.is
Morgunblaðið/Hari
Ný kynslóð
málningarefna
SÍLOXAN
Viltu betri endingu?
u Almatta síloxan útimálningin hleypir rakanum út en ekki inn
u Framleiðendur múrklæðninga ráðleggja eindregið síloxan
u Fæst einnig teygjanleg á netsprungna fleti
u Einstök ending á steyptum veggjum
Opið: 8-18 virka daga 10-14 á laugardögum Síðumúla 22 | Sími 517 0404 | serefni.is
Veldu betri málningu