Morgunblaðið - 11.06.2018, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 11. JÚNÍ 2018
me
ðf
yri
rva
ra
um
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
8. nóvember í 11 nætur
595 1000 . heimsferdir.is
AUSTURKARÍBAHAF
Sigling um
Frá kr.
279.995
á mann
Teitur Gissurarson
teitur@mbl.is
Þrátt fyrir ungan aldur hefur Laufey
Lín Jónsdóttir, 19 ára tónlistar-
snillingur, komið víða við á sviði tón-
listarinnar. Hún hefur í mörg ár lært
á bæði píanó og selló ásamt því að
leggja stund á söngnám. Í haust mun
hún hefja nám við hinn virta Berklee-
tónlistarháskóla í Boston í Banda-
ríkjunum, en Laufey Lín hlaut á dög-
unum fullan skólastyrk fyrir náminu.
Tónlistarmaður í fimmtán ár
„Ég hætti á píanó til að einbeita
mér meira að söngnum,“ segir Lauf-
ey Lín í samtali við Morgunblaðið en
hún lærði á píanó frá fjögurra ára
aldri í tíu ár. Hún byrjaði að læra á
selló átta ára en í vor lauk hún burt-
fararprófi í sellóleik frá Mennta-
skólanum í tónlist (MÍT). Síðustu tvö
árin hefur Laufey Lín einnig lært
söng í MÍT en hún vann bæði söng-
keppni Samfés 2014 og Vælið, söng-
keppni Verzlunarskólans, 2016. Þá
komst hún í úrslit Ísland got talent
fjórtán ára og í undanúrslit The
Voice Ísland sextán ára. Samhliða
tónlistarnáminu hefur Laufey Lín
verið við nám í Verzlunarskóla Ís-
lands, hvaðan hún útskrifaðist með
stúdentspróf fyrir skemmstu.
Ætlar á toppinn
Eins og áður segir hefur Laufey
Lín nám við Berklee-háskólann í
haust, en hún var ein af sjö sem valin
voru úr um 5.000 manna hópi til að
hljóta forsetastyrk skólans. Styrkur-
inn nemur kostnaði fyrir skólagjöld-
um auk framfærslu í allt að fimm ár
en úr hópi þeirra sjö sem fengu
styrkinn er Laufey Lín önnur
tveggja sem ekki eru frá Bandaríkj-
unum.
„Ég er mjög spennt að læra meira
að semja,“ segir Laufey Lín, en við
skólann mun hún ásamt því að taka
einkatíma á hljóðfæri og í söng læra
tónlistarsmíð. „Ég er að hugsa um að
fara á Music business-braut,“ segir
Laufey Lín, en hún segir það hljóma
spennandi að geta blandað saman
því sem hún lærði í viðskiptafögum í
Verzlunarskólanum við tónlistina og
bætir við: „Þó þarf ég líka að læra
bóknámsfög eins og ensku og sögu.“
Spurð hvert hún stefni í tónlistinni
segist Laufey Lín hafa áhuga á að
halda áfram að spreyta sig í popp-
tónlist. „Mig langar að reyna meira
fyrir mér í söng.“
Á forsetastyrk til Berklee
 Laufey Lín hefur nám í virtum tónlistarháskóla í Banda-
ríkjunum  Leikur á tvö hljóðfæri og leggur stund á söng
Morgunblaðið/Valli
Hæfileikarík Laufey Lín hefur lært tónlist frá fjögurra ára aldri.
Helgi Bjarnason
helgi@mbl.is
„Mikilvægt er að eiga góð samskipti
við heimafólk og aðra hagsmuna-
aðila. Það hefur verið heilmikið sam-
starf hingað til en við erum að auka
það og gera formlegra. Sérstakur
starfsmaður hefur fengið það hlut-
verk að halda utan um þetta verkefni
sem verið hefur á höndum fleiri
manna,“ segir Þórarinn Bjarnason,
verkefnastjóri hjá Landsneti, þegar
hann er spurður að því hvaða lær-
dóm fyrirtækið getur dregið af fram-
kvæmdinni á Norðausturlandi.
Þar er nú formlega lokið stærsta
verkefni í sögu Landsnets, lagningu
tveggja háspennulína út frá Þeista-
reykjavirkjun og þriggja yfir-
byggðra tengivirkja. Áfram spurður
um lærdóminn segir Þórarinn að
alltaf megi læra eitthvað nýtt um það
hvernig best sé að ganga um landið í
slíkum framkvæmdum og þaðan
komi punktar inn í gögnin fyrir
næstu framkvæmdir.
Heimamenn völdu röramöstur
Nokkur umræða hefur verið um
þá gerð mastranna sem valin var.
Það eru svokölluð röramöstur sem
eru efnismeiri og þyngri en hin hefð-
bundnu grindamöstur sem gerð eru
úr flatjárni. Þórarinn segir að þessar
tvær gerðir hafi verið kynntar á
fundum með fulltrúum sveitar-
stjórna og fleiri hagsmunaaðilum.
Það hafi verið einróma álit manna að
röramöstrin væru betri kostur.
Undirstöður fyrir báðar gerðirnar
eru svipaðar. Efnið í röramöstrin er
heldur dýrara og erfiðara að þjón-
usta þau vegna þess að ekki er eins
auðvelt fyrir starfsmenn að komast
upp í þau. Landsnet ákvað eigi að
síður að fara að ráðum heimamanna
og byggja háspennulínuna úr röra-
möstrum.
„Við höfum fengið mjög jákvæð
viðbrögð, eftir að línan var komin
upp. Landeigendur hafa sagt að það
hafi komið þeim á óvart að línan væri
ekki meira mannvirki en raun varð á.
Þeir virðast hafa átt von á einhverju
stærra. Þá minnir línan suma á
gömlu byggðalínuna sem gerir fram-
kvæmdina ásættanlegri,“ segir Þór-
arinn.
Vönduðu sig við slóðagerð
Öðruvísi var staðið að slóðagerð í
þessari framkvæmd en mörgum öðr-
um. Þórarinn segir að lega slóða hafi
ekki verið fastsett í útboðsgögnum,
aðeins áætluð lega. „Þegar kom að
því að leggja slóðana fór eftirlits-
maður okkar með þeim landeigend-
um sem þess óskuðu, manni frá Um-
hverfisstofnun og fulltrúa
verktakans og þeir ákváðu leiðina.
Haft var að leiðarljósi að slóðarnir
færu vel í landinu. Aldrei eru beinar
línur og slóði átti ekki að grípa augað
þegar litið væri yfir,“ segir Þórarinn.
Þá var ákvæði í útboðsgögnum um
að ekki mætti nota nema ákveðna
stærð af tækjum. Hann segir að það
hafi verið gert vegna þess að stærð
slóða hafi verið farin að ráðast af
stærð tækjanna sem ruddu þá.
„Við erum mjög ánægð með
hvernig til tókst. Við höfðum plön við
möstrin eins lítil og við komumst af
með, aðeins þannig að kraninn sem
reisti þau gæti athafnað sig,“ segir
Þórarinn. Þá nefnir hann að þegar
gerð voru plön til að strengja víra á
línurnar hafi gróðri verið flett af
svæðinu og lagður dúkur undir plan-
ið. Þegar því verki hafi verið lokið
hafi efnið verið fjarlægt og gróður-
inn settur á sinn stað.
Gróður sem þurfti að fjarlægja
vegna slóðagerðar við tengivirki hafi
verið notaður til að klæða kanta við
mannvirkin.
Ákveðið var í upphafi að græða
upp svæði sem svarar til tvö- eða
þrefalds þess svæðis sem fór undir
tengivirki, slóða og möstur. Land-
græðslan tók að sér það verk. Plant-
að var yfir 30 þúsund trjáplöntum á
síðasta ári og rúmlega 20 tonnum af
áburði dreift. Uppgræðslan heldur
áfram næstu ár.
Kærur breyttu ekki verkinu
Framkvæmdirnar á Norðaustur-
landi voru undir smásjá heimafólks
og náttúruverndarsamtaka. Þórar-
inn segir alltaf gott að fylgst sé með
slíkum framkvæmdum. Hann segir
þó að kærur vegna framkvæmda-
leyfa hafi tafið verkið mikið og gert
það dýrara. „Kærurnar komu mjög
seint fram og snérust mikið um
formsatriði og orðalag fram-
kvæmdaleyfa. Niðurstaða úrskurð-
arnefndar umhverfis- og auðlinda-
mála var sú að þær hefðu ekki bein
áhrif á tilhögun framkvæmda. Við
gerum eins vel og við getum en fögn-
um því að fylgst sé með því að við
stöndum við það sem við segjum,“
segir Þórarinn.
Alltaf má læra eitthvað nýtt
 Verkefnastjóri hjá Landsneti er ánægður hvernig til tókst við lagningu tveggja háspennulína frá
Þeistareykjavirkjun  Línan ekki eins áberandi og menn óttuðust  Röramöstrin urðu fyrir valinu
Morgunblaðið/Helgi Bjarnason
Leirhnjúkshraun Reynt var að vanda til verka þar sem línur voru lagðar um viðkvæm svæði. Verkefnastjóri hjá
Landsneti er ánægður með hvernig til tókst, segir að menn hafi reynt að vanda sig sérstaklega.
Skoðunarferð Þórarinn Bjarnason, Guðmundur Ingi Ásmundsson og Árni
Jón Elíasson, yfirmenn hjá Landsneti, fylgjast með framkvæmdum.
Nokkur hópur fólks kom saman við
Reykjavíkurhöfn í gær í þeim til-
gangi að mótmæla hvalveiðum Ís-
lendinga. Þegar ljósmyndari
Morgunblaðsins mætti á boðuðum
tíma mótmælanna voru mótmæl-
endur fimm talsins, en með þeim í
för var einn hundur. Samkvæmt
upplýsingum frá aðstandendum
mótmælanna fjölgaði hins vegar í
hópi hvalveiðiandstæðinga eftir að
ljósmyndari blaðsins fór og eru
nokkrir tugir sagðir hafa tekið þátt.
Fern samtök, þ.e. Samtök græn-
metisæta á Íslandi, Vegan samtökin,
Hard to Port og Jarðarvinir, stóðu
að mótmælunum. „Það er engin
mannúðleg leið til að drepa hval og
þeir sem halda öðru fram eru að
ljúga. Þetta er hægur og kvalafullur
dauðdagi algjörlega til einskis,“
segir í tilkynningu.
Nokkur hópur fólks mótmælti hvalveiðum