Morgunblaðið - Sunnudagur - 01.07.2018, Blaðsíða 21

Það er notalegt um að litast hjá Olgu Kristjánsdótturklæðskera og yfirmanni saumastofunnar hjá Systr-um & mökum. Hún býr í fallegu einbýli ásamt
manni sínum og hafa þau komið sér vel fyrir, enda hafa
þau búið þarna í áratug. Olga segist vilja hafa notalegt í
kringum sig án þess að það verði of rómantískt og kallar
stílinn sinn „grófrómantík“.
Olga blandar gjarnan saman gömlum hlutum og nýjum
og alls staðar má sjá leirmuni og hlýlega hluti; púða, teppi
og bækur. Í borðstofunni stendur gína í afar glæsilegum
kjól.
„Ég lærði í Danmörku og þetta er kjóll sem ég gerði fyr-
ir sýningu þar. Mér finnst gaman að hafa hann uppi og
hann minnir mig á námsárin þar,“ segir hún.
Hlutir með tilfinningalegt gildi
„Af öllum stöðum í húsinu líður mér best í stofunni, mér
finnst voða gott að sitja þar þegar ég er ein, með kaffibolla
að skoða blöð. Annars er ég ekki mikið kyrr; ég er alltaf á
fleygiferð,“ segir Olga.
Borðstofuborðið vekur mikla eftirtekt, enda búið til úr
gömlu píanói, og ofan í því má finna ýmsa gamla og merka
hluti.
„Mér finnst borðstofuborðið mitt æðislegt. Þetta er
gamalt píanó frá 1980 sem ég keypti úti í Danmörku þegar
ég bjó þar og svo ákváðum við að gera það að borðstofu-
borði fyrir mörgum árum. Við létum búa til glerplötu hjá
Samverki sem var gerð í tveimur hlutum, af því þetta er
svo þungt. Okkur fannst þetta bráðsnjöll hugmynd og
borðið vekur mikla athygli,“ segir Olga.
„Gestir fara gjarnan að skoða ofan í borðið því þetta er
minningaborð. Þar ofan í eru gamlir hlutir sem tengjast
mér tilfinningalega. Til dæmis eru þarna allir hringar sem
maðurinn minn hefur gefið mér, sem ég er hætt að nota.
Svo eru þarna gamlir hlutir frá ömmu minni, skírnargjafir
og aðrir hlutir sem hafa tilfinningalegt gildi,“ segir Olga.
Varð að eignast skápinn
Gamall fallegur borðstofuskápur stendur við hlið gínunnar
í borðstofunni og er saga á bak við hann.
„Hann er líka keyptur í Danmörku en ég sá hann inn um
gluggann og ég varð að eignast hann. Ég kunni þarna ekk-
ert í dönsku en tókst að prútta hann niður um helming
með því skilyrði að ég sækti hann strax. Við fengum lánaða
kerru en á meðan við vorum að sækja skápinn kveikti
hundurinn minn næstum í húsinu með því að slá eldavél-
inni til, og þegar við komum til baka var íbúðin öll í sóti,“
segir Olga og hlær.
Dagurinn sem skápurinn var sóttur var því ansi eftir-
minnilegur. „Þannig að þessi skápur fer aldrei.“
Svefnherbergið er málað í dökkgráum tónum. Falleg
ábreiða, púðar og teikningar setja svip á herbergið.
Kjóllinn góði var hannaður á námsárunum í Danmörku og
segir hún hann minna sig á gamla og góða tíma.
Margir leirmunir prýða heimilið eftir listakonurnar
Maríu Ólafsdóttur og Sólveigu Hólmarsdóttur.
Minningar geymdar
í gömlu píanói
Í fallegu húsi í Mosfellsdalnum hafa hlutirnir tilfinningalegt gildi.
Olga Kristjánsdóttir klæðskeri vill hafa gamla hluti í bland við nýja
og lét búa til borðstofuborð úr gömlu píanói sem vekur mikla athygli.
Ásdís Ásgeirsdóttir asdis@mbl.is
’Þar ofan íeru gamlirhlutir sem tengj-ast mér tilfinn-
ingalega. Til
dæmis eru þarna
allir hringar sem
maðurinn minn
hefur gefið mér
sem ég er hætt
að nota. Svo eru
þarna gamlir
hlutir frá ömmu
minni, skírnar-
gjafir og aðrir
hlutir sem hafa
tilfinningalegt
gildi.
1.7. 2018 MORGUNBLAÐIÐ SUNNUDAGUR 21
Í eldhúsinu hanga látlaus en falleg ljós sem passa vel yfir eyjunni. Olga segir
þau einfaldlega vera „perur og snúrur“ sem hún keypti í Glóey.
Verð og vöruupplýsingar eru birtar með fyrirvara um prentvillur.
Yfirstrikað verð sýnir fullt verð vöru.
Verð gildir til 8. júlí 2018, eða á meðan birgðir endast.
afsláttur
60%Allt að