Morgunblaðið - Sunnudagur - 01.07.2018, Blaðsíða 31

ur hefur ekki sömu skömm og áður á manni sem maður
hefur hlegið dátt að með þrjú hundruð öðrum. Að
minnsta kosti ekki rétt á meðan og kannski í smá stund
á eftir.“
Vonda blandan
En það er vissulega til og hendir að skemmtikraftar
blandi sinni eigin persónu og pólitískum tilfinningum
og jafnvel hatri í svo stórum skömmtum inn í gaman-
semina að hún hætti að vera skemmtileg. Það gerir
engum neitt til nema uppistandaranum og gestunum
sem borguðu sig inn.
Það er í góðu lagi þótt greina megi að maðurinn með
míkrafóninn sé ekki einlægur aðdáandi fórnarlambsins.
Gamansemin er kryddið í tilverunni. Og eitt kryddið er
„broddurinn“. Hann er reyndar eitt mikilvægasta
kryddið. Skörpust er gamansemin þegar broddurinn er
þar í hæfilegu magni. En eins og annað krydd þá má
það ekki taka yfir. Gesturinn í sal má gjarnan finna að-
eins fyrir því. En ekki um of. Mjög fáir panta sér krydd
með hæfilegu matarbragði. Stundum er best að krydd-
ið geri matinn frábæran án þess að menn geti fullyrt
hvaða krydd það er sem breytti mestu.
Fyndnin súrnar
Og af því að nefnt var, að endir allra drauma hæfi-
leikafólks eða aðdáenda þess, eigi að vera að hafa fæðst
í henni Ameríku, svo að maður geti margfaldað öll laun
sín með þúsund eftir að hafa slegið í gegn, þá er fróð-
legt að sjá hve illa hatrið á Trump hefur leikið margt
frægðarmenni í fyndni. Fjöldi hinna frægustu í þeim
hópi hafa týnt kímnigáfunni og þegar þeir finna hana
aftur eftir langa leit þá sést að þeir drekktu henni
óvart í eigin hatri á Donald.
Það er hægt að segja eitt og annað um Trump. En
enginn ætti að geta haft önnur eins uppgrip úr honum
og uppistandarar. En fjöldi þeirra kemst ekkert með
hann eftir að kímnigáfa þeirra varð heimaskítsmát í
pólitísku hatri. Í þessu hafa fréttamennirnir líka lent
hver af öðrum. Líka þeir sem litu á sig sem stórkan-
ónur. Nú kveinka þeir sér undan óendanlegum ásök-
unum hans um „fake news“. Slíkar ásakanir hefðu fyrir
löngu dottið um sjálfar sig ef fréttirnar þeirra með
feitu fyrirsögnunum og ósýnilegu heimildarmönn-
unum hefðu ekki reynst reykfréttir (en án alls elds)
svona óþægilega oft.
Skaut sig í fótinn eftir skotárás
Í fyrradag skaut ólánsmaður 5 blaðamenn til bana í
ríkinu Maryland og særði enn fleiri. Ritstjóri Reuters
sendi pósta á netið um að Trump bæri ábyrð á dauða
og sárum þessa fólks: „Þetta er það sem gerist þegar
Donald Trump (á tísti) kallar blaðamenn óvini fólksins.
Hendur þínar eru löðraðar blóði, herra forseti.
Geymdu þér hugsanir þínar og bænir fyrir þína gal-
tómu sál.“
Ritstjórinn hefur síðan sent frá sér fjóra pósta til að
biðjast afsökunar á orðum sem hann hefði að eigin
sögn alls ekki átt að hafa sent frá sér. Vanstjórn hans
hefði komið til vegna tilfinningaróts og vegna samúðar
með hræðilegum örlögum blaðamannanna.
En afsökunin missti að hluta til marks vegna þess að
vitað er að ritstjórinn er að verja starfa sinn hjá Reu-
ters. Honum var nær ólíft sem slíkur þegar upplýst var
að morðinginn hefði verið að hefna fyrir fréttir blaða-
mannanna um sig á árinu 2012 og fyrir neitun þeirra
síðar til að „leiðrétta þær“. Ritstjóri Reuters greip
tækifærið til að fá hatri sínu útrás. Hann þekkti ekki
þessa skýringu. Hún var mjög ólíkleg. Oftast er það
geðtruflað fólk (sem þessi maður getur vissulega verið)
sem fremur slíka glæpi. Venjulega hefði því haturstil-
gáta ritstjóra Reuters ekki orðið slíkt sjálfsmark og
hún varð.
Fullyrðingin var að sjálfsögðu alltaf fráleit, en hún er
því miður lýsandi um í hvílíkri tilfinningalegri rúst
jafnvel „virðulegustu“ fjölmiðlar eru enn eftir að Hvíta
húsið gekk þeim óvænt úr greipum, eftir að þeir höfðu
barist, meira að segja án sýndarhlutleysis, fyrir
Hillary Clinton gegn manni sem þeir töldu óhugsandi
að nokkur maður kysi, eins og yfirmaður hjá FBI hafði
sagt í leynipósti.
Hvíta húsinu hafði þegar verið þinglýst á nafn
Hillary í þeirra höfði.
En það er ekki þar sem þinglýsingarskrifstofa sýslu-
manns hefur aðsetur.
Ekki enn.
Morgunblaðið/Kristinn Magnússon
’Ritstjórinn hefur síðan sent frá sér fjórapósta til að biðjast afsökunar á orðumsem hann hefði að eigin sögn alls ekki átt aðhafa sent frá sér. Vanstjórn hans hefði komið
til vegna tilfinningaróts og vegna samúðar
með hræðilegum örlögum blaðamannanna.
1.7. 2018 MORGUNBLAÐIÐ SUNNUDAGUR 31