Morgunblaðið - Sunnudagur - 29.07.2018, Blaðsíða 22

Morgunblaðið/Ásdís
Gamlar uppskriftir
mega ekki gleymast
Gísli Matthías Auðunsson hefur
unnið um víða veröld en kýs að
eyða sumrunum heima í Vestmanna-
eyjum og kokka á Slippnum.
Eyjapeyinn Gísli Matthías Auðunsson hefur viðað að sér þekkingu víða um heim
en er nú yfirkokkur á Slippnum í Vestmannaeyjum. Þar er boðið upp á mat sem er í
senn stað- og árstíðarbundinn og blandast þar gamlar íslenskar aðferðir nýjum.
Ásdís Ásgeirsdóttir asdis@mbl.is
Innréttingar eru hannaðar af Ind-
íönu Auðunsdóttur, systur Gísla.
Fjölskyldan vildi halda í sögu hússins
við hönnunina og eru til að mynda
borðin úr lestarfjölum úr bátum.
Í húsinu var áður Vélsmiðjan
Magni. Nú er þar veitinga-
staðurinn Slippurinn sem
þekktur er fyrir frábæran
mat úr fersku hráefni.
Slippurinn er nálægt höfninni í Vestmannaeyjum íhúsi sem áður hýsti Vélsmiðjuna Magna en vél-smiðjan þjónaði skipunum í gamla Slippnum.
Slippurinn er sannkallað fjölskyldufyrirtæki og er stað-
urinn opinn um fjóra mánuði á ári, yfir sumartímann.
Gísli Matthías stendur þar vaktina í eldhúsinu en systir
hans Indíana hannaði staðinn og vildu þau halda í sögu
hússins í öllum innréttingum. Til að mynda eru borðin
gerð úr gömlum lestarfjölum úr bátum. Móðir hans,
Katrín Gísladóttir, er yfirþjónn staðarins og ræktar
blóm og jurtir fyrir staðinn og faðir hans, Auðunn Arnar
Stefnisson, er sjómaður og verkar fiskinn og lagar allt
sem laga þarf.
Alltaf sett markið hátt
Maturinn þar er ekki af verri endanum en Gísli segir þau
ekki leita langt yfir skammt, enda Vestmannaeyjar mikil
matarkista.
„Við erum stolt af því að bjóða upp á mat úr nær-
umhverfi, bæði árstíðabundinn og staðbundinn mat, eins
og hægt er. Við handtínum aragrúa af jurtum á eyjunni
til þess að nota í matargerð og kokteila. Svo notum við
auðvitað mikið af ferskum fiski,“ segir Gísli og segist
stoltur af því að Slippurinn hafi verið valinn besti veit-
ingastaður Íslands af tímaritinu Grapevine.
„Við höfum alltaf sett markið hátt. Ég nota veturinn til
að ferðast og vinna erlendis. En svo rek ég líka veit-
ingastað í Reykjavík en ég opnaði Mat og drykk á sínum
tíma og hjálpaði við opnun Matbars en er nú með stað
sem heitir Skál og er í Hlemmi mathöll.“
Eyjapeyinn fór á flakk
Gísli er Eyjapeyi þótt hann hafi alist upp í Breiðholtinu
að hluta til í æsku. Leiðin lá svo aftur til Eyja eftir að
hann hafði lært til kokks. Hann hefur komið víða við á
ferlinum og unnið í New York þar sem hann flakkaði á
milli veitingastaða í sjálfboðavinnu en einnig hefur hann
unnið annars staðar um heiminn.
„Einn vetur vann ég í frönsku ölpunum sem einka-
kokkur og annan vetur flakkaði ég á milli landa með pop-
up-veitingastað. Þá fór ég til London, New York, Sviss,
Grænlands og Hong Kong.“
Gott hráefni okkar aðalsmerki
„Á Slippnum fylgjum við stefnu norræna eldhússins og
höldum fast í gamlar hefðir og reynum að láta ekki gamlar
uppskriftir gleymast. En við lyftum þeim upp í nútímann.
Þannig að þetta eru gamlar aðferðir í bland við nýja
tækni, það er okkar sérsvið. Okkar aðalsmerki er gott
hráefni. Við erum alltaf með fjórar, fimm fisktegundir
daglega og notum mikið ferskar kryddjurtir,“ segir Gísli.
„Við vorum mjög stolt þegar Carlo Petrini, stofnandi
Slow Food-samtakanna, skrifaði fallega grein um okkur
þar sem hann segir Slippinn vera frábært dæmi um
hvernig eigi að reka veitingastað en sú grein birtist í
stærsta tímariti Ítala, La Repubblica.“
Hvannar-
brennivíns-
kokteill
3 cl brennivín
knippi af ferskri hvönn
6 cl Kombuca (gott að nota hvannarkombucha, annars venjulegt)
smá tónik
nýmalaður pipar
Merjið hvönn með þjappara og setjið í glas og fyllið svo glasið
með klökum. Hellið næst í glasið brennivíni, kombucha og tónik.
Piprið. Skreytið með enn meiri hvönn!
MATUR Í bakstri getur skipt miklu máli að fylgja leiðbeiningum. Ef smjör eðaegg eiga að vera við stofuhita er best að láta þau standa á borði í
a.m.k. klukkutíma. Það gerir gæfumuninn fyrir útkomuna.
Smjör og egg við stofuhita
22 MORGUNBLAÐIÐ SUNNUDAGUR 29.7. 2018