Morgunblaðið - 13.08.2018, Qupperneq 11
Morgunblaðið/Sigurður Bogi
Ölfusárbrú Steypuvinna 1992.
Framkvæmdir við brúna yfir Ölfusá
við Selfoss hófust í nótt sem leið.
Brúnni var lokað á miðnætti en opn-
uð aftur í morgunsárið. Verður svo
lokað að nýju seint í kvöld og verður
svo í allt að eina viku. Umferð verður
þá beint um Óseyrarbrú. Stendur nú
til að endurnýja og steypa brúargólf-
ið en djúp hjólför eru komin í það.
Þetta er í annað sinn á reyndar all-
löngum tíma sem loka þarf Ölfus-
árbrú um hríð vegna viðgerða. Það
var síðast gert vorið 1992 þegar brú-
argólfið var tekið upp og nýjum for-
steyptum einingum raðað á burðar-
bita brúarinnar. Framkvæmdir
þessar hófust síðari hlutann í apr-
ílmánuði og lauk undir lok maímán-
aðar. Á þessum tíma bar nokkuð á
gagnrýnisröddum vegna lokunar
brúarinnar í heilan mánuð, rétt eins
og nú vegna vikulokunar. Ber þó að
taka fram að árið 1992 var mun
minni umferð yfir brúna og á vegum
landsins en nú er raunin, 26 árum
síðar. sbs@mbl.is
Brúnni var lokað í mánuð
Endurbætur og skipt um gólf Ölfusárbrúar vorið 1992
FRÉTTIR 11Innlent
MORGUNBLAÐIÐ MÁNUDAGUR 13. ÁGÚST 2018
Gullfiskur
Kæliþurrkaður harðfiskur
semhámarkar ferskleika,
gæði og endingu.
Inniheldur 84%prótein.
84%prótein - 100% ánægja
Framleiðandi: Tradex ehf, Eyrartröð 11, 220Hafnarfjörður, tradex@tradex.is
Harðfiskur // Bitafiskur // Skífur
Fullkominn
ferðafélagi
Tónastöðin • Skipholti 50d • Reykjavík • sími 552 1185 • www.tonastodin.is
Japanskt
meistaraverk
Landsins mesta
úrval af píanóum
í öllum verð�lokkum.
Hjá okkur færðu
faglega þjónustu,
byggða á þekkingu
og áratuga reynslu.
Axel Helgi Ívarsson
axel@mbl.is
„Staðan er mjög misjöfn, þ.e.a.s.
rekstur hjúkrunarheimila hefur
gengið misvel á síðustu árum og ára-
tugum og til að vera alveg hreinskil-
inn þá er málið afar flókið,“ segir
Pétur Magnússon, formaður Sam-
taka fyrirtækja í velferðarþjónustu,
í samtali við Morgunblaðið um stöðu
í rekstri hjúkrunarheimila í sveitar-
félögum landsins.
Fyrir helgi lýsti bæjarráð Akur-
eyrar yfir miklum vonbrigðum með
svör velferðarráðuneytisins við kröf-
um bæjarins vegna reksturs Öldr-
unarheimila Akureyrar. Ráðuneytið
synjaði Akureyrarbæ um endur-
greiðslu vegna taps af rekstri öldr-
unarheimila. Bærinn hefur á síðustu
árum greitt hundruð milljóna króna
með rekstri hjúkrunarheimila í bæn-
um þar sem daggjaldatekjur frá rík-
inu hafa ekki dugað fyrir útgjöldum,
samkvæmt úttekt KPMG frá októ-
ber á síðasta ári. Þá hefur Garðabær
stefnt ríkinu vegna kostnaðar, sem
nemur hundruðum milljóna króna,
við rekstur hjúkrunarheimilisins
Ísafoldar og fylgist Akureyrarbær
sem og aðrir aðilar grannt með
framvindu þess máls.
Garðabær stefndi ríkinu
„Það verður mjög forvitnilegt að
fylgjast með hvernig þetta mál hjá
Garðabæ mun fara, bærinn fór í
dómsmál útaf sama atriði og Akur-
eyrarbær, og það vita allir sem vilja
vita að greiðslur til hjúkrunarheim-
ila hafa verið allt of lágar miðað við
þær þjónustukröfur sem voru gerð-
ar, þannig að mín skoðun er sú að
hjúkrunarheimili eigi töluvert mikið
inni hjá ríkinu frá fyrri tíð,“ segir
Pétur en nefnir að svar velferðar-
ráðuneytisins við kröfu Akureyrar-
bæjar hafi ekki komið honum á
óvart.
Halli nam meira en milljarði
Árið 2015 nam halli heimila á veg-
um sveitarfélaga um 1,1 milljarði
króna. Pétur segist aðspurður ekki
vita hve hárri upphæð sá halli nemur
í dag en þykir þó líklegra að hallinn
hafi minnkað heldur en hækkað.
„Það sem hjúkrunarheimili hafa
gert síðan rammasamningurinn kom
árið 2016 er aðlaga sína þjónustu að
samningnum, þ.e.a.s. þeirri kröfu-
lýsingu sem ráðuneytið hefur sett
fram. Auðvitað er það misjafnt
hversu vel hefur gengið að aðlagast
þjónustukröfunum.“ segir Pétur og
bætir við að
hjúkrunarheimili
á vegum sveitar-
félaganna geti
auðvitað veitt
meiri þjónustu en
ríkið biður um en
það sé þá á
ábyrgð viðkom-
andi sveitarfélaga
og kostnað
þeirra.
Rammasamningur um þjónustu
og daggjöld á hjúkrunarheimilum
landsins var gerður árið 2016 og
segir Pétur að samningurinn, þrátt
fyrir að vera ekki fullkominn, hafi
bætt umhverfið til muna. „Með
samningnum 2016 kom svokölluð
kröfulýsing frá ríkinu um hvaða
þjónustu á að veita. Fyrir samning-
inn var mjög fjölbreytt milli hjúkr-
unarheimila hvaða þjónustu var ver-
ið að veita. Kröfulýsingin setur
alveg upp hvaða þjónustu á að veita
og það er eitthvað sem við börðumst
lengi fyrir vegna þess að þegar slík
lýsing er komin þá er hægt að kostn-
aðarmeta þjónustuþættina. Þar með
er hægt að setja verðmiða á þjón-
ustuna og þannig geta allir hlutað-
eigandi aðilar komið að borðinu og
farið að ræða sanngjarnt og gagn-
sætt verð,“ segir Pétur.
Gerð var formleg kostnaðargrein-
ing í byrjun árs 2016 þar sem kom í
ljós að hækka þyrfti fjárframlög rík-
isins um 30-40% til þess að hjúkr-
unarheimilin gætu staðist þær þjón-
ustukröfur sem ríkið setti þeim.
Pétur segir að samtökin hafi í kjöl-
farið stillt því upp fyrir ríkið að ann-
aðhvort þyrfti að hækka fjárframlög
eða slá af þjónustukröfum. Á end-
anum var farinn millivegur þar sem
ríkið sló að hluta til af þjónustukröf-
um til heimilanna.
Staðan er almennt góð
Spurður hvernig staðan sé al-
mennt á rekstri hjúkrunarheimila í
dag segir Pétur að staðan sé al-
mennt góð en ljóst er að lítil heimili
eigi erfiðara með rekstur heldur en
stærri heimili. Pétur segir í því sam-
hengi að mikilvægt sé að átta sig á
hve ríkur þáttur stærðarhagkvæmni
sé í rekstri hjúkrunarheimila. „Það
er að segja, stærri heimili hafa meiri
möguleika á að hagræða, samræma
og samþætta þjónustuna. Þannig að
það þarf ekki endilega að vera sam-
ræmi milli þess að hafa verið með
mikinn taprekstur og að hafa veitt
mikla og góða þjónustu,“ segir Pétur
Magnússon að lokum.
Morgunblaðið/Ómar
Dómsmál Garðabær stefndi fyrir nokkru ríkinu vegna kostnaðar við rekst-
ur hjúkrunarheimilisins Ísafoldar og krefst greiðslu á skaðabótum.
Rekstrarstaða
hjúkrunar-
heimila misjöfn
Rammasamningur bætti umhverfið
en margt má bæta, segir formaður SFV
Pétur Magnússon