Morgunblaðið - 16.08.2018, Qupperneq 10

10 FRÉTTIRInnlent
MORGUNBLAÐIÐ FIMMTUDAGUR 16. ÁGÚST 2018
www.volkswagen.is
Við látum framtíðina rætast.
5 ára ábyrgð fylgir fólksbílum HEKLU að uppfylltum ákvæðum ábyrgðarskilmála. Þá er að finna á www.hekla.is/abyrgd
Nýr T-Roc. Fjórhjóladrifinn
og fæddur til að skara fram úr.
Nýr T-Roc geislar af öryggi og akstursgleði, fæst bæði fjórhjóla- og framhjóladrifinn,
beinskiptur og sjálfskiptur. Hann er búinn nýjustu tækni og búnaði sem breytir
akstrinum í eitthvað ómótstæðilegt. Komdu og reynsluaktu Volkswagen T-Roc sem
gerir allt vitlaust hvar sem hann kemur.
Komdu og prófaðu nýjustu stjörnuna frá Volkswagen.
Volkswagen T-Roc Style 2.0 TDI
Fjórhjóladrifinn, sjálfskiptur.
Verð4.490.000 kr.
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
Höskuldur Daði Magnússon
hdm@mbl.is
„Ég held að þetta verði góð viðbót
við svæðið. Mér heyrist það á þeim
sem ég hef hitt á förnum vegi og
þeim sem búa í grenndinni að það sé
bæði áhugi og tilhlökkun. Við verð-
um að reyna að standa undir þeim
væntingum,“ segir Árni Hafstað,
eigandi brugghússins Gæðings.
Gæðingur hefur komið sér upp
brugghúsi við Nýbýlaveg 8 í Kópa-
vogi og þar verður einnig opnaður
bar á næstu dögum. Mikið líf hefur
verið að færast í svæðið í kringum
Nýbýlaveg og eflaust munu margir
fagna því að þarna verði opnaður
bar. Fjöldi veitingastaða er á svæð-
inu auk verslana.
Fram til þessa hefur framleiðsla
Gæðings farið fram í Skagafirði en
hér eftir fer hún að mestu fram í
Kópavogi. Einhverjir bjórar verða
þó áfram bruggaðir norðan heiða.
„Ég var einn að gaufa í þessu fyrir
norðan en er alltaf með annan fótinn
fyrir sunnan. Ég sá að ef ég ætlaði
að gera þetta af einhverjum mynd-
arskap væri betra að flytja bruggið
suður. Þar er meiri möguleiki á að fá
fagfólk til starfa og haldast á því. Ég
hef verið með erlenda bruggara og
þeir eru svona eins og körfubolta-
menn, það er rosa gaman að taka
eitt keppnistímabil í sveitinni en svo
ekki meir,“ segir Árni.
Nýi staðurinn kallast Micro bar og
brugg og þar verða að mestu seldir
bjórar Gæðings auk léttvína. Árni
vonast til að opna staðinn í næstu
viku. Fyrir á hann Micro bar í mið-
borg Reykjavíkur en sá bar hefur
notið talsverðra vinsælda.
Morgunblaðið/Eggert
Micro bar Nýi staðurinn er á Nýbýlavegi 8 í Kópavogi og opnar í næstu viku.
Gæðingur tekur
stökkið í Kópavog
 Opnar brugghús og bar við Nýbýlaveg á
næstu dögum  Mikið líf að færast í svæðið
Sigtryggur Sigtryggsson
sisi@mbl.is
Trésmiðjan Borg ehf. á Sauðárkróki
mun smíða nýtt borð í borgar-
stjórnarsal Ráðhússins. Gengið var
frá samningum í fyrradag.
Sem kunnugt er þarf að bæta við
borði í salinn vegna fjölgunar
borgarfulltrúa úr 15 í 23. Innrétt-
ingar í borgarstjórnarsalnum hafa
fram til þessa verið óbreyttar allt
frá því að Ráðhús Reykjavíkur var
tekið í notkun árið 1992.
Smíði og uppsetning borðsins var
boðin út og bárust tvö tilboð. HBH
byggir ehf. í Reykjavík bauð 45,5
milljónir, 165% yfir kostnaðaráætl-
un, sem var 27,5 milljónir. Trésmiðj-
an Borg ehf. bauð 17,7 milljónir en
um var að ræða frávikstilboð.
Skrifstofa eigna og atvinnuþróun-
ar Reykjavíkurborgar samþykkti að
hafna báðum tilboðunum.
„Við höfnuðum báðum tilboðun-
um sem bárust, annað var allt of
hátt og hitt gerði ekki ráð fyrir öllu
því sem beðið var um,“ segir Ólafur
I. Halldórsson, byggingafræðingur
hjá skrifstofa eigna og atvinnuþró-
unar.
Á mánudaginn var samið við Tré-
smiðjuna Borg um trésmiðjuhlutann
og samsetningu. Samningurinn er
upp á 15,7 miljónir. Reykjavíkur-
borg mun svo kaupa af öðrum stál-
hlutann og rafmagnshlutann.
Ekki liggur fyrir hver kostnaður
mun verða af þessum hluta verksins
en Ólafur áætlar að hann verði á
bilinu 4-6 miljónir króna. Áætluð
skil á verkinu eru í desember næst-
komandi eða fyrr. Þangað til verður
notast við laus borð í borgarstjórn-
arsalnum eins og gert var þegar
borgarstjórn kom fyrst saman eftir
kosningarnar í vor.
Trésmiðjan Borg ehf. er til húsa
að Borgarmýri 1 á Sauðárkróki.
Trésmiðjan hefur á síðustu áratug-
um sérhæft sig í smíði innréttinga
fyrir heimili og fyrirtæki, að því er
fram kemur á heimasíðu fyrirtæk-
isins. Starfsmenn eru nú 17 talsins.
Borgin semur við Borg
um að smíða borðið
 Sauðkrækingar smíða nýtt borð í borgarstjórnarsalinn
Morgunblaðið/Kristinn Magnússon
Ný borgarstjórn Borgarfulltrúar sátu við laus borð á fyrsta fundi eftir kosn-
ingar. Nýja borðið verður væntanlega komið í salinn í desember eða fyrr.
Borgarstjórn
» Borgarstjórn er skipuð 23
borgarfulltrúum og jafn-
mörgum til vara. Kjörtímabil
borgarstjórnar er fjögur ár.
» Reglulegir fundir borgar-
stjórnar eru haldnir fyrsta og
þriðja þriðjudag hvers mán-
aðar í Ráðhúsi Reykjavíkur og
hefjast klukkan 14.