Morgunblaðið - 16.08.2018, Qupperneq 12

12 FRÉTTIRInnlent
MORGUNBLAÐIÐ FIMMTUDAGUR 16. ÁGÚST 2018
Erna Ýr Öldudóttir
ernayr@mbl.is
„Skráningarnar eru orðnar á tólfta
þúsund,“ sagði Anna Lilja Sigurð-
ardóttir, upplýsinga- og sam-
skiptastjóri Íþróttabandalags
Reykjavíkur, í samtali við Morg-
unblaðið um Reykjavíkurmaraþon
Íslandsbanka 2018 sem haldið verð-
ur í 35. skiptið á laugardaginn nk.
Búist er við að á bilinu 14-15 þús-
und manns taki þátt í Reykjavíkur-
maraþoni Íslandsbanka 2018, sem
er svipaður fjöldi og verið hefur
undanfarin ár, að sögn Önnu Lilju.
Hlaupið verður 42,2 kílómetra
maraþon, 21,1 kílómetra hálf-
maraþon, 10 kílómetra hlaup,
þriggja kílómetra skemmtiskokk og
600 metra skemmtiskokk kl. 13.30
eða kl. 14.30.
Skráningarhátíð Reykjavík-
urmaraþons fer fram í dag frá kl.
15-20 og á morgun frá kl. 14-19 í
Laugardalshöll. Forskráningu á
netinu lauk í gær en hægt verður að
skrá sig í allar vegalengdir hlaups-
ins á hátíðinni og nánast alveg fram
að hlaupi, að sögn Önnu Lilju. Þar
fá allir þátttakendur afhent hlaupa-
gögn og hægt verður að fræðast um
hlaupaleiðina og hlaup almennt,
seldar vörur og haldnir fyrirlestrar
í tilefni af 35 ára afmæli hlaupsins.
„Tíu kílómetrarnir eru vinsæl-
astir, það eru yfirleitt um sex þús-
und manns skráðir í þá, næst kem-
ur hálfmaraþonið eða um þrjú
þúsund manns,“ segir Anna Lilja,
spurð um hvað sé vinsælast, en í
fullt maraþon hafi undanfarin ár
skráð sig í kringum 1.500 manns, en
metskráning hingað til sé 1.550.
„Það eru núna eitthvað um það
búnir að skrá sig í fullt maraþon, en
svo eru alltaf einhverjir sem finna
að kannski séu þeir ekki alveg í
rétta forminu og færa sig niður í
hálfmaraþon eða tíu kílómetra
hlaup, þannig að lokatalan um hvort
metið verði slegið í ár á enn eftir að
koma í ljós,“ segir Anna Lilja.
Fleiri karlar skrái sig í fullt mara-
þon en konur, en í heild séu fleiri
konur skráðar í hlaupin.
Fjöldi erlendra gesta í ár
Um 3.500 af skráningum eru er-
lendir gestir. „Það eru helst Danir
og Bandaríkjamenn. Einn mjög
áhugaverður maður skráði sig,
Kanadamaðurinn Chris Koch, og
hann verður með fyrirlestur á
skráningarhátíðinni. Hann er fatl-
aður, fæddist handa- og fótalaus, og
ætlar að fara heilt maraþon á hjóla-
bretti. Kanadísku sykursýk-
isamtökin koma alltaf og taka þátt,
Marathon Tours koma með um
hundrað manns og fleiri ferðaskrif-
stofur, svo koma líka margir ein-
staklingar,“ segir Anna Lilja. Hún
segir yngstu þátttakendur fædda
árið 2017, sem verða þá væntanlega
í kerru með foreldrum. Elsti þátt-
takandinn, af þeim sem hafa enn
skráð sig, fæddist árið 1926 og er
skráður í þriggja kílómetra
skemmtiskokk og einstaklingur
fæddur 1932 er skráður í hálf-
maraþon. Um 4.500 manns hafa
skráð sig sem áheitahlaupara fyrir
góð málefni og þegar hafa safnast
16% yfir áheitunum miðað við sama
tíma í fyrra, að sögn Önnu Lilju.
Reykjavíkurmaraþon haldið
í 35. sinn á laugardaginn
 Búist er við 14-15 þúsund skráningum  Elstu þátttakendur 92 og 85 ára
Morgunblaðið/Árni Sæberg
Lagt af stað Hlaupið í sólskini í Lækjargötu í fyrra en útlit er fyrir prýð-
isveður með sólskini fyrir hlaupara og stuðningsfólk á laugardaginn.
Á Menningarnótt
kemur út bókin
Reykjavík um
1900 sem hefur að
geyma lýsingu
skáldsins og nátt-
úrfræðingsins
Benedikts Grön-
dal (1826-1907) á
borginni sem hann
bjó í lengstan
hluta ævinnar.
Frásögnin birtist í fyrsta sinn í tíma-
ritinu Eimreiðinni í upphafi árs 1900,
en Benedikt fannst borgin ekki njóta
sannmælis og vildi verja hana óhróðri,
„sem því miður oft og tíðum hefur sést
í blöðum vorum um þennan stað“ eins
og hann segir í inngangi verksins.
Bókaforlagið Sögur gefur bókina út
og skreytir texta Benedikts fjölda
mynda frá sama tíma og textinn var
skrifaður á sínum tíma. Alls munu
tæplega 100 myndir vera í bókinni
ásamt kortum sem Benedikt teiknaði
sjálfur, t.a.m. kort af Reykjavík. Á
meðal myndanna eru fjölmargar sem
sjaldan eða ekki hafa áður sést að
sögn Illuga Jökulssonar, sem hafði
umsjón með útgáfunni fyrir Sögur.
„Þetta er í fyrsta sinn sem frásögnin
er gefin út ein og sér og svo veglega
skreytt myndum,“ segir Illugi og bæt-
ir við að frásögnin sé í senn stókost-
lega fróðleg og hreinn skemmtilestur
á köflum.
Útgáfu bókarinnar verður fagnað í
Gröndalshúsi í Grjótaþorpi á Menn-
ingarnótt. »67
Reykjavík
um alda-
mótin 1900
Benedikt
Gröndal
 Lýsing Benedikts
Gröndal gefin út
Besta Hekluverðið
4.690.000 kr.
HérHEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
VW Passat GTE Tengiltvinnbíll / Sjálfskiptur / Vistvænn
Nýr Volkswagen á Besta Hekluverðinu
Nú er góður tími til að fá sér nýjan Volkswagen hjá Heklu því við vitum aldrei
hvað svona frábært verð býðst lengi. Tryggðu þér Volkswagen á besta
Hekluverðinu og aktu inn í sumarið.
Besta Hekluverðið 6.990.000 kr.
VW Tiguan Allspace Comfortline+ 2.0 TDI / Dísil / Sjálfskiptur / Fjórhjóladrifinn / Sjö sæta / Dráttarbeisli
Fullt verð: 7.635.000 kr.
645.000 kr.
Afsláttur
er aðeins sýndur hluti af bílum í boði. Fullt verð er verð hvers bíls með aukabúnaði. Aukabúnaður á myndum gæti verið annar en í auglýstum verðdæmum.
5 ára ábyrgð fylgir fólksbílum HEKLU að uppfylltum ákvæðum ábyrgðarskilmála. Þá er að finna á www.hekla.is/abyrgd
Besta Hekluverðið
4.490.000 kr.
VW T-Roc 2.0 TDI / Dísil / Sjálfskiptur / Fjórhjóladrifinn