Morgunblaðið - 16.08.2018, Qupperneq 66

66 MENNING
MORGUNBLAÐIÐ FIMMTUDAGUR 16. ÁGÚST 2018
www.reyk jav ikra incoats .com
ALVÖRU REGNKÁPUR
Fátt hefur eins mikil áhrif ádaglega líðan okkar ogsvefninn, en mikilvægistöðugrar svefnrútínu er
viðfangsefni sýningarinnar
Draumareglan sem nú stendur yfir í
fremri sýningarsal Kling & Bang í
Marshall-húsinu. Listamaðurinn
Fritz Hendrik hlaut á síðasta ári
styrk úr minningarsjóði Ástu
Eiríksdóttur og Svavars Guðnason-
ar, en hann útskrifaðist frá Listahá-
skóla Íslands árið 2016. Á sýning-
unni eru bæði nýleg málverk og
verk unnin með blandaðri tækni auk
texta Fræðimannsins, sem er skáld-
uð persóna listamannsins. Fræði-
maðurinn er sérfræðingur í að
skoða heiminn í gegnum það sem
hann kallar „Gráu slæðuna“, sem
sýnir lífið á gráan og ljóðrænan hátt
eins og segir í sýningartexta. Sýn-
ingarrýmið hefur verið málað í grá-
dröppuðum lit og gardínur settar
fyrir glugga til að dempa birtu. Mál-
verkin á sýningunni eru máluð með
sömu daufu litapallettunni í anda
gráu slæðunnar.
Reglulegur og góður svefn er lyk-
ill að líkamlegu og andlegu heil-
brigði mannsins. Við verjum um það
bil þriðjungi ævi okkar sofandi og of
lítill svefn eða truflun á svefnrútínu
hefur fljótt áhrif á ýmsa þætti lík-
amsstarfseminnar, svo sem úthald
og einbeitingu. Á hverri nóttu för-
um við í gegnum mismunandi stig
svefns, frá léttum svefni yfir í djúp-
svefn, sem hefur áhrif á hvíld okkar
og draumfarir. Í samtímanum er
enginn hörgull á „sérfræðingum“ á
hinum ýmsu sviðum sem greina og
benda á leiðir til úrbóta ef á þarf að
halda, hvort sem það er á sviði
sjálfshjálpar, mataræðis, hreyfingar
eða svefns. Hægt er að hlaða niður
appi í símann eða ganga með sér-
stakt snjallúr til að fylgjast t.d. með
hreyfingu okkar, hjartslætti og
svefntíma og ekki síst gæðum
svefns. Að morgni liggur svo nið-
urstaðan fyrir í formi línurits þar
sem við getum metið hvort svefninn
hafi verið fullnægjandi eða ekki.
Þessar áþreifanlegu og mælan-
legu niðurstöður koma fram í formi
línurits í neðsta hluta nokkurra mál-
verka sem bera titla eins og „Góður
svefn“ og „Mjög góður svefn“, þar
sem Fritz myndgerir línuritin í
verkunum, skapar ímyndaðan heim
sem er ekki til í raunveruleikanum
... eða hvað? Meðan áhorfandinn
gaumgæfir niðurstöðurnar verður
hann um leið meðvitaður um ein-
hvers konar tímalega framvindu í
málverkunum en samtímis einnig
um tímaleysi þeirra, eins þver-
sagnakennt og það hljómar. Með
reglulegu millibili er áhorfandinn
hins vegar truflaður með lágværu
suði sem flestir þekkja og minnir á
hringingu úr útvarpsvekjaraklukku.
Suðið kemur úr verkinu „Áminning“
sem hangir í lofti sýningarsalarins
og er járnbjalla með stórum kólfi í
miðjunni, sem er auðvitað í hróp-
andi andstæðu við þá ímynd sem
hljóðið framkallar.
Sviðsetningin hefur verið megin-
viðfangsefni listamannsins og í
verkinu „Sviðsett rúm“ er svefnrút-
ínan sem rannsóknarefni bók-
staflega sett á svið, autt rúm á sviði,
tómir áhorfendapallar og leikhúsljós
ýta undir íróníuna sem felst í því að
„rannsaka“ eigin svefn og skoða
niðurstöðuna sem birtist í símanum
eða með einhverjum öðrum hætti.
Texti Fræðimannsins rammar inn
sýninguna á skemmtilegan hátt og
þar segir meðal annars: „Skáldskap
þarf ekki endilega að rökstyðja og
því getur hann verið afar furðu-
legur. Þetta á þó einnig við raun-
veruleikann, en við tökum ekki eftir
því þar sem við erum hluti af vit-
leysunni. Líf okkar byggist á henni.
Við það að vera meðvitaður um fá-
ranleika hversdagsleikans verða
mörk þess að vaka og sofa óskýr-
ari.“ Fritz veltir upp spurningunni
hvað sé góður svefn og um leið hvað
sé góður draumur og eins og titill
sýningarinnar ber með sér, hvort
hægt sé að setja einhverjar
draumareglur og mælikvarða á
þann furðulega skáldskap sem
draumar eru.
Í svefni
og vöku
Morgunblaðið/Eggert
Draumareglan „Mikilvægi stöðugrar svefnrútínu er viðfangsefni sýningarinnar,“ skrifar rýnir. „Á sýningunni eru
bæði nýleg málverk og verk unnin með blandaðri tækni auk texta Fræðimannsins, sem er skálduð persóna.“
Kling & Bang
Fritz Hendrik: Draumareglan
bbbmn
Fritz Hendrik IV
Sýningin stendur til 19. ágúst. Opið
þriðjudaga til föstudaga milli kl. 13 og
17 og á laugardögum milli kl. 14 og 17.
ALDÍS
ARNARDÓTTIR
MYNDLIST
Sviðsetning „Í verkinu „Sviðsett rúm“ er svefnrútínan
sem rannsóknarefni bókstaflega sett á svið,“ og ýtt undir
„íróníuna sem felst í því að „rannsaka“ eigin svefn.“
Draumur „Fritz veltir upp spurningunni
hvað sé góður svefn og um leið hvað sé góður
draumur“ – og spyr um draumareglur.
Kvartettinn Dea sonans
leikur á sumartónleikum
KÍTÓN í Hannesarholti í
kvöld kl. 20. „Dea sonans
var stofnaður snemma árs
2018 af fjórum tónlist-
arkonum. Hann er tilkom-
inn í kjölfar tónleikaraðar-
innar Freyjujazz sem hefur
það að markmiði að auka
sýnileika og tækifæri
kvenna á djassgrundvelli.
Tónleikaröðin vann til
verðlauna á Íslensku tónlist-
arverðlaununum sem Tónlistar-
viðburður ársins í flokki djass og
blús árið 2017,“ segir í tilkynningu.
Kvartettinn skipa Sunna Gunn-
laugsdóttir á píanó og söngkon-
urnar Alexandra Kjeld, sem jafn-
framt leikur á kontrabassa, Rósa
Guðrún Sveinsdóttir, sem einnig
leikur á saxófón og þverflautu, og
Sigrún Kristbjörg Jónsdóttir, sem
líka leikur á básúni, fiðlu og slag-
verk.
„Kvartettinn spilar aðallega
frumsamda tónlist meðlima. Tón-
listin er af fjölbreyttum toga, allt
frá latintónlist til rólegs kammer-
djass. Hún er í senn lýrísk og að-
gengileg og bæði sungin og instru-
mental.“
Allt frá latíntónlist til kammerdjass
Fjölhæfar Kvartettinn Dea sonans.
Ragna Róbertsdóttir og Hallgerður
Hallgrímsdóttir, sem eiga verk á
sýningunni Einskismannsland – Rík-
ir þar fegurðin ein?, leiða gesti um
sýninguna í Hafnarhúsi í kvöld kl.
20. „Á sýningunni er sjónum beint að
verkum listamanna sem endurspegla
tengsl Íslendinga við víðerni lands-
ins og breytilegt verðmætamat
gagnvart náttúrunni. Sýningin rek-
ur sögu hugmynda Íslendinga um
víðerni landsins með augum mynd-
listarmanna,“ segir í tilkynningu.
Leiðsögn um Einskismannsland
Morgunblaðið/Einar Falur
Skapandi Myndlistarkonan Ragna
Róbertsdóttir við eitt verka sinna.