Jökull - 01.01.2004, Blaðsíða 134

Magnús T. Guðmundsson
Kötlu. Félagið hefur stutt við rannsóknir á Vatna-
jökli af myndarskap og framlag sjálfboðaliða félags-
ins hefur gert ýmsar athuganir mögulegar sem ann-
ars yrði ekki ráðist í nema með mikilli fyrirhöfn. Það
mikla framlag þarf að vera sýnilegt enda er félaginu
nú ósjaldan getið í þakkarorðum í greinum í alþjóð-
legum vísindatímaritum þar sem fjallað er um þessa
atburði. Einnig verðum við vör við að félagið nýt-
ur mikillar velvildar og virðingar fyrir störf sín. Á
sama tíma og mikil umsvif hafa verið í rannsóknum
sem tekið hefur mestan tíma vísindamannanna í hópn-
um hafa áhugamannahópurinn, auk þess að taka þátt í
rannsóknunum, unnið öflugt starf við skálabyggingar,
bílaviðgerðir og önnur störf sem gagnast félaginu. Á
þessum öfluga hópi lifir Jöklarannsóknafélagið.
Á síðustu mánuðum hefur orðið ljóst að mikil-
vægt væri að marka félaginu skýrari stefnu, framtíð-
arsýn til næstu ára. Hvað vill félagið gera til að þjóna
markmiðum sínum? Hvernig vill það haga samskipt-
um sínum við samstarfsaðila á rannsóknastofnunum?
Hvernig er staða félagsins til framtíðar best tryggð?
Stjórnin hefur því ákveðið að leggja í vinnu á næstu
mánuðum til að marka þessa stefnu.
Þeir Garðar Briem og Guðmundur Þórðarson hafa
ákveðið að gefa ekki kost á sér til áframhaldandi setu
í stjórn félagsins. Garðar hefur undanfarin 6 ár ver-
ið gjaldkeri og haldið styrkum höndum um fjármál
félagsins. Það er eftirsjá af Garðari úr því embætti.
Garðar ætlar þó að halda áfram starfi í bílanefnd þar
sem hann hefur lengi verið öflugur liðsmaður. Guð-
mundur hefur verið einn af máttarstólpum félagsins
síðustu árin m.a. beitt sér af krafti í mörgum góðum
málum eins og áður kom fram um rafvæðingu skál-
anna. Ég vil því hér í lokin þakka þeim Garðari og
Guðmundi fyrir mikið og gott starf í stjórn félagsins.
Magnús Tumi Guðmundsson
134 JÖKULL No. 54, 2004