Jökull - 01.01.2004, Blaðsíða 119

Guðmundur kvikmyndar eldgosið í Gjástykki í október 1980. – G. Sigvaldason filming the Krafla eruption in
October 1980. Ljósm./Photo: Bryndís Brandsdóttir.
Viðvörunin var lesin í kvöldfréttum útvarpsins og eld-
gosið í Gjálp hófst þremur tímum síðar.
Í viðtali við Elínu Pálmadóttur í Mbl. 10. janú-
ar 1993 lýsir Guðmundur af eðlislægum stórhug og
metnaði þeirri framtíð sem hann vill búa Eldfjalla-
stöðinni á þessa leið: „Framtíðarsýn mín er sú að
svo fremi sem stofnunin fái að starfa áfram í svip-
uðu formi sem nú er þá verður aldrei skortur á verk-
efnum. Tengslin við Háskóla Íslands hafa alltaf verið
traust, en ég er mjög hlynntur því að stofnunin tengist
Háskóla Íslands með formlegum hætti og held raunar
að það sé tímaspursmál hvenær það verður. Stofn-
unin stendur framarlega á sínu sviði í heiminum og
hefur allar forsendur til að stækka og færa út kvíarn-
ar. Forsætisráðherrar Norðurlanda hafa tekið ákveð-
ið frumkvæði í endurmati og endurskipulagningu nor-
ræns samstarfs og þeir leggja til að samvinna land-
anna á sviði menningar og vísinda verði stóraukin.
Við það bind ég miklar vonir.“ Jarðvísindastofnun Há-
skólans tók til starfa 1. júlí s.l. við samruna NE og
jarðvísindahluta Raunvísindastofnunar. Norræna eld-
fjallastöðin starfar þar áfram sem norrænt eldfjallaset-
ur með stuðningi Norrænu ráðherranefndarinnar, ís-
lenskra stjórnvalda og Háskóla Íslands. Jarðvísinda-
stofnun er ætlað að vera metnaðarfull alþjóðleg rann-
sóknarstofnun á sviði jarðvísinda, sem endurspeglar
hina einstöku jarðfræði Íslands og þá þekkingu í jarð-
vísindum sem byggst hefur upp á Íslandi. Megi sá eld-
móður og faglegi metnaður sem einkenndi Guðmund
alla tíð verða leiðarljós hinnar nýju stofnunar.
Ásamt þeim Sigurði Þórarinssyni og Þorleifi Ein-
arssyni byggði Guðmundur upp kennslu í jarðvísind-
um við Háskóla Íslands og var einn af aðalkennurum
jarð- og landfræðiskorar fyrstu árin. Þeir þremenning-
arnir leiðbeindu einnig fjölda norrænna jarðfræðinga
á námsferðum þeirra til Íslands. Guðmundur var kjör-
inn félagi í Vísindafélagi Íslendinga 1962. Hann hlaut
heiðursverðlaun verðlaunasjóðs Ásu Guðmundsdótt-
JÖKULL No. 54, 2004 119