Breiðfirðingur - 01.04.1942, Qupperneq 12

2
BREIÐFIRÐINGUR
Ragnar Jóhannesson:
Minni Breiðafjarðar
Ef finnst þér götur borgarinnar þyngja þína lund
og þröngt vera um sál og hugsun alla.
— Þá mundu að þín bíða hin bláu, lygnu sund
á breiðum firði vestan hvítra fjalla.
Þar æðarfuglinn kyrlátur á vogi vaggar sér
í vestanblæ um heiðan ágústdaginn,
og frjóar hlíðar dalsins breiða faðminn móti þér,
þú finnur þar í skjóli gamla bæinn.
Þú finnur litlar tóftir í túnfætinum þar
og týndar hjarðir kúskelja og horna,
því hér er það, sem æsku þinnar óðal forðum var
í anganhvömmum bjartra sumarmorgna.
Ef vinum þínum fækkar og förlast gæfuleit,
og fjarlægt enn til þinna vonarhalla,
þá mundu, að þín bíður hin bjarta, víða sveit
hjá breiðum firði vestan hvítra fjalla.