Breiðfirðingur - 01.04.1942, Síða 33

breiðfirðingur
23
Jón frá Ljárskógum:
Tveir Dalamenn
Við kvöddum forðum heimahaga
með hjartað ungt og bros á vör
og lögðum upp í langa för.
Og létt var sporið, fátt til ama.
Við hugðumst leita fjár og frama
og finna þetta á vísum stað
----- en það er annars önnur saga,
og ekki meir um það.
Hér mætumst við: í miðjum straumnum
af manna, hjóla og bíla ferð
og setuliði og sundurgerð.
— En samt er vor. Það finnst í blænum.
Og fólki er að fækka í bænum.
-----Þeir fara að heyja í Dölum senn —
Við ráfum hér í götuglaumnum,
tveir gamlir Dalamenn.
í húsagarði, á grænum bletti,
er gráskeggjaður karl að slá.
Við nemum staðar, störum á:
Hann slær af kappi. Þarna bítur!
Sjá, stálið gegnum grasið þýtur
og grænir múgar falla á teig
— og ilmurinn af ungum gróðri
er á við guðaveig.
Og söngurinn í sumarblænum
er seiðandi og tær og hlýr,
því vorið sjálft í söngvum býr.