Breiðfirðingur - 01.04.1983, Blaðsíða 136

134
BREIÐFIRÐINGUR
Sr. Jakob Guðmundsson:
TVÖ LJÓÐABRÉF
Einhver besd og skemmdlegasd hagyrðingur á næst-
liðinni öld var sr. Jakob Guðmundsson prestur á
Kvennabrekku og síðar á Sauðafelli. Sr. Jakob kom að
Kvennabrekku árið 1869 en flutti þjóðhátíðarárið 1874
að Sauðafelli og dvaldist þar til dauðadags, 1890. Hann
mun hafa stundað barnakennslu áður en hann varð
prestur og eitthvað mun hann hafa sinnt fræðslu barna
og unglinga í Dölunum. Hann var ritstjóri blaðsins
„Bóndi“ 1852. Hann var þingmaður Dalamanna 1883-
89. Sr. Jakob var rómaður ræðumaður, mælskur og
málsnjall eins og glöggt kemur fram í skáldskap hans.
Það mun hafa verið haustið 1877 að sr. Jakob reið
suður að Hvammi í Norðurárdal. Þar var fornvinur
hans þjónandi prestur, sr. Þorvaldur Stefánsson. Fylgd-
armáður sr. Jakobs í ferð þessari var bóndi í nágrenni
hans, Jón Skeggjason frá Erpsstöðum. Á leiðinni suður
yfír Bröttubrekku lentu þeir prestur í vonskuveðri og
komu hraktir að Hvammi um kvöld. Næsta dag átti sr.
Þorvaldur að gifta hjón á Hraunsnefi í Norðurárdal.
Fór sr. Jakob þangað með presti og fylgdarmanni sín-
um.
Sr. Þorvaldur í Hvammi mun hafa beðið sr. Jakob að
senda nú ferðasöguna í bundnu máli og gerði sr. Jakob
það á eftirfarandi hátt:
Sæll vertu góði séra minn,
sest ég nú upp á skjáinn þinn.
Fyrir síðast þakka ég þér,
þú tókst svo ofur vel við mér
seinast þegar ég kom að Hvammi
íhvamminum þarna í dalnum frammi
hundvotur eftir hregg og slúð,
háttsemi þín var við mig prúð.