Fréttablaðið - 08.12.2018, Qupperneq 24

Fótbolti Knattspyrnumaðurinn
Arnór  Smárason náði  ferli sínum
á gott flug á nýjan leik þegar hann
gekk til liðs við norska liðið Lille­
ström frá sænska liðinu Hammarby
um mánaðamótin júlí og ágúst. Á
þeim tíma var Lilleström að ganga í
gegnum þjálfaraskipti, en við liðinu
tók Jörgen Lennartsson sem þekkti
til Arnórs eftir að hafa leikið gegn
honum í Svíþjóð.
„Ég hafði verið að glíma við
meiðsli hjá Hammarby og var dott­
inn út úr liðinu og það hentaði mér
bara vel að gera stuttan samning við
Lilleström til þess að fá meiri spil­
tíma. Jörgen mundi eftir mér eftir að
við mættumst fjölmörgum sinnum
í Svíþjóð og hann lagði áherslu á að
fá mig til liðsins. Það var þægileg til­
finning að vera kominn aftur í lið þar
sem ég var í lykilhlutverki eftir erfiða
tíma hjá Hammarby,“ segir Arnór í
samtali við Fréttablaðið.
Hann var settur í nýja stöðu.
„Þarna var ég settur í hlutverk
falskrar níu fyrir aftan framherja og
var í nokkuð frjálsu hlutverki. Mér
gekk vel persónulega og liðinu tókst
að bjarga sér frá falli þannig að þetta
gat bara ekki farið betur. Ég skoraði
sjö mörk í 13 deildarleikjum og lagði
upp nokkur mörk fyrir samherja
mína og ég var bara mjög sáttur við
eigin frammistöðu,“ segir hann enn
fremur um tíma sinn hjá Lilleström.
„Eftir tímabilið hef ég fundið fyrir
þó nokkrum áhuga frá liðum á kröft­
um mínum. Það er góð tilfinning að
vera kominn aftur á flug og að geta
valið úr tilboðum. Ég verð samnings­
laus í desember og býst við að taka
ákvörðun öðrum hvorum megin við
næstu áramót um hvar ég mun spila
í framhaldinu. Lilleström er búið að
bjóða mér nýjan samning og svo er
ég kominn með tilboð frá tveimur
öðrum norskum liðum. Það eru svo
einhverjar fyrirspurnir frá liðum
annars staðar í Skandinavíu og einn­
ig annars staðar en í Evrópu,“ segir
hann um framtíðina hjá sér. 
„Nú er bara að vega og meta
það sem mér býðst og taka góða
ákvörðun fyrir mig. Ég þarf líka að
passa upp á það að finna lið þar sem
mér er ætlað stórt hlutverk. Mig
langar mjög mikið að koma mér inn
í landsliðshópinn á komandi ári og
til þess að svo geti farið verð ég að
spila reglulega og standa mig vel
áfram. Ég býst við því að verða val­
inn í landsliðsverkefnið sem verður í
janúar og er staðráðinn í að sýna mig
og sanna þar,“ segir Skagamaðurinn
enn fremur. – hó
Langar að koma mér aftur í landsliðið 
MMA Í nótt snýr Gunnar Nelson
aftur í búrið eftir 510 daga fjarveru
þar sem hann mætir hinum brasil­
íska Alex Oliveira. Bardaginn hefst
um hálf fjögur í nótt að íslenskum
tíma og fer fram í Scotiabank­höll­
inni í miðborg Toronto. Höllin hýsir
einnig lið Toronto í NBA og NHL og
búast má við tæplega tuttugu þús­
und manns.
Andstæðingur Gunnars í búrinu
kallar sig Kúrekann og er í 13. sæti á
styrkleikalista UFC fyrir bardagann,
einu sæti fyrir ofan Gunnar. Oliveira
hefur unnið sex af síðustu sjö bar­
dögum sínum  á síðustu tveimur
árum  og alls unnið nítján af 25
bardögum á ferlinum. Sá brasilíski
er með öflug högg og hafa þrettán
sigrar af nítján unnist á rothöggi.
Alls hefur hann tapað fimm bar­
dögum, þar af þremur á hengingu
(e. submission) en einum bardaga
lauk með jafntefli.
Þrátt fyrir að sautján mánuðir
séu liðnir frá síðasta bardaga virtist
Gunnar hinn rólegasti þegar Frétta­
blaðið fékk að slá á þráðinn til hans
í Toronto.
„Mér líður ofboðslega vel, undir­
búningurinn hefur gengið frábær­
lega og ég get ekki beðið eftir því að
komast inn í hringinn. Ég finn það
að ég er hundrað prósent tilbúinn
í þetta. Ég reyni að horfa ekkert á
hvað það er langt síðan ég barðist,
ég einblíni frekar á það sem þarf að
gera í hringnum,“ sagði Gunnar.
Hann átti að berjast við Neil
Magny í vor en þurfti að draga sig
út vegna meiðsla. 
„Það var afar svekkjandi að þurfa
að hætta við bardagann í Liverpool
vegna meiðsla en það er partur af
þessu og eitthvað sem ég þurfti að
takast á við.“
Gunnar breytti undirbúningnum
fyrir þennan bardaga og lagði meiri
áherslu á styrktaræfingar.
„Við lögðum meiri áherslu á
styrktar­ og úthaldsæfingar og
ég fékk sérstakan þjálfara, Unnar
Helgason, sem stýrði þeirri æfinga­
áætlun. Ég æfði bara á Íslandi í
aðdraganda bardagans og undir
hans handleiðslu tvisvar til þrisvar
í viku og það hefur breytt heil­
miklu,“ sagði Gunnar sem virkar í
toppstandi og finnur mikinn mun
í endurhæfingu.
„Æfingaálagið jókst með þessum
nýju æfingum og fituprósentan fór
eflaust eitthvað aðeins niður en ég
finn mestan mun í endurhæfing­
unni. Ég gat æft meira og betur og
það skilar sér vonandi í kvöld gegn
Alex.“
Hann segist hafa skoðað Alex vel
í aðdraganda bardagans
„Við höfum skoðað hann vel og
erum með eitthvað í pokahorninu
til að nota gegn honum. Ég hef fylgst
með honum frá því að hann kom í
UFC og þekki það vel hvernig hann
vill berjast,“ sagði Gunnar um Alex
sem barðist síðast í september.
Aðspurður sagðist hann ekki
telja að það væri þeim brasilíska í
hag hve stutt er síðan hann barðist
síðast.
„Ég held ekki, nei. Ég hef áður
tekið svona langan tíma á milli bar­
daga og það truflaði mig ekki.“
Þegar það var borið undir hann
hversu stór bardagi þetta væri fyrir
ferilinn sagðist Gunnar alltaf horfa
á næsta bardaga sem þann stærsta.
„Ég lít alltaf bara á það þannig að
næsti bardagi sé sá stærsti, sérstak­
lega þegar það líður svona langur
tími á milli, þá skiptir það heilmiklu
máli. Sigur myndi opna ýmsar dyr
og það er á áætlun, ég hugsa ekkert
út í möguleikann að tapa.“
Í síðasta bardaga Gunnars komst
Argentínumaðurinn Santiago Ponz­
inibbio upp með að pota í augu
Gunnars. Hann segist vera meðvit­
aðri um hættuna á því fyrir bardaga
kvöldsins.
„Þetta hefur vakið ákveðna með­
vitund hjá manni um að taka eftir
þessu og láta menn ekki komast upp
með slík brögð.“
kristinnpall@frettabladid.is
Einblíni bara á hvað ég ætla að
gera inn í hringnum í kvöld
Gunnar Nelson snýr aftur inn í UFC-hringinn í nótt þegar hann mætir hinum brasilíska Alex Olivera í Tor-
onto. Gunnar hefur ekkert barist í sautján mánuði en virðist vera í toppstandi og tilbúinn að takast á við
brasilíska kúrekann. Hann kveðst vera meðvitaðri um það ef andstæðingar hans fara að reyna augnpot.
Síðasti sigur Gunnars í UFC kom gegn hinum bandaríska Alan Jouban í mars árið 2017. NordiCPhotoS/Getty
Fótbolti Grétar Rafn Steinsson, sem
sinnt hefur starfi yfirmanns knatt­
spyrnumála hjá enska knattspyrnu­
félaginu Fleetwood Town síðan árið
2015, var í gær ráðinn yfirnjósnari
fyrir Evrópu hjá enska úrvalsdeildar­
félaginu Everton.
Grétar Rafn endurnýjar þar kynni
sín við Hollendinginn Marcel Brands
sem starfar sem yfirmaður knatt­
spyrnumála hjá Everton, en Brands
var yfirmaður knattspyrnumála hjá
hollenska félaginu AZ Alkmaar þegar
Grétar var leikmaður þar á árunum
2006­2008.
Hjá Everton hittir Grétar Rafn
fyrir fyrrverandi samherja sinn
hjá íslenska landsliðinu, Gylfa Þór
Sigurðsson. Grétar Rafn hefur getið
sér gott orð fyrir vinnu sína við að
finna unga og efnilega leikmenn fyrir
Fleetwood Town og þróa þá í átt að
því að leika með aðalliði félagsins.
Hann á að einblína á Evrópu í starfi
sínu sem njósnari og hafa augun
opin þar fyrir bæði ungum og efni­
legum leikmönnum sem og eldri
aðalliðsleikmönnum sem henta vel
fyrir leikmannahóp Everton. – hó
Grétar Rafn
ráðinn til starfa
hjá Everton
Fótbolti Skagamennirnir Ísak
Bergmann Jóhannesson og Oliver
Stefánsson hafa  gengið til liðs við
sænska liðið  Norrköping frá ÍA.
Ísak Bergmann er 15 ára gamall, en
hann spilaði einn leik fyrir meistara­
flokk ÍA í Inkasso­deildinni í sumar.
Hann  hefur leikið  sjö leiki með
U­17 ára landsliði Íslands og skorað
í þeim leikjum sjö mörk og sjö leiki
með U­16 ára landsliðinu þar sem
hann skoraði tvö mörk.
Oliver sem er 16 ára gamall hefur
sömuleiðis  spilað einn leik með
meistaraflokki  ÍA, en það gerði
hann  í Inkasso­deildinni í sumar.
Hann á að baki einn leik með U­18
ára landsliði Íslands, sjö leiki með
U­17 ára landsliðinu þar sem hann
skoraði eitt mark og þrjá leiki með
U­16 ára landsliðinu.
Ísak Bergmann og Oliver eru að
fylgja í fótspor Arnórs Sigurðssonar
sem gekk ungur til liðs við Norrköp­
ing og fór svo til CSKA Moskvu fyrr á
þessu ári. Guðmundur Þórarinsson
og Alfons Sampsted eru svo á mála
hjá sænska liðinu. Þá léku Skaga­
menn irn ir Garðar Gunn laugs son
Þórður og og Stefán Þórðar synir með
Norr köp ing. Einnig hafa Arnór Ingvi
Traustason, Jón Guðni Fjóluson,
Gunnar Heiðar Þorvaldsson, Birk ir
Krist ins son, Guðmund ur Viðar Mete
og Gunn ar Þór Gunn ars son leikið
með sænska liðinu. – hó
Tveir ungir
Skagamenn til
Norrköping 
Arnór reyndist Lilleström afar dýrmætur á lokasprettinum. MyNd/LiLLeStröM
Þetta er fjórði bardagi
Gunnars gegn brasilískum
andstæðingi. Hann hefur
unnið tvo þeirra og tapað
einum til þessa.
Grétar rafn
Steinsson
oliver Stefánsson og Ísak Bergmann.
8 . d e s e M b e r 2 0 1 8 l A U G A r d A G U r24 s p o r t ∙ F r É t t A b l A ð i ð
sport
0
8
-1
2
-2
0
1
8

0
4
:1
4
F
B
1
2
0
s
_
P
0
9
7
K
.p
1
.p
d
f
F
B
1
2
0
s
_
P
0
9
6
K
.p
1
.p
d
f
F
B
1
2
0
s
_
P
0
2
4
K
.p
1
.p
d
f
F
B
1
2
0
s
_
P
0
2
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
1
A
F
-A
B
F
0
2
1
A
F
-A
A
B
4
2
1
A
F
-A
9
7
8
2
1
A
F
-A
8
3
C
2
7
5
X
4
0
0
.0
0
1
8
B

F
B
1
2
0
s
_
7
_
1
2
_
2
0
1
8
C
M
Y
K