Ljósmæðrablaðið - 01.12.2017, Side 37

37LJÓSMÆÐRABLAÐIÐ - DESEMBER 2017
Síðan hvetjum við alla sem hafa áhuga á því að halda fyrir-
lestra til þess að hafa samband við Sigfríði Ingu Karls-
dóttur inga@unak.is og senda henni útdrátt (150-200 orð,
calibri, 11 punkta með 1,15 línubili) fyrir 20. janúar 2018.
Ef um rannsóknarkynningu er að ræða er gott að skipta
útdrættinum í bakgrunn, aðferð, niðurstöður og umræður.
Einnig er tilvalið að sækja um veggspjaldakynningu og þó
veggspjöldin hafi verið kynnt annars staðar er ekkert að
því að kynna það aftur á ráðstefnunni (allt í lagi þó það sé
á ensku). Efst á útdrætti þarf að koma fram heiti erindis og
nöfn höfunda.
Ráðstefnugjaldi verður stillt í hóf, margar norðlenskar
ljósmæður hafa boðist til þess að bjóða ljósmæðrum
gistingu (nánar auglýst síðar) og félagið mun óska eftir
tilboðum frá flugfélaginu. Það er náttúrulega tilvalið að
hollsystur skelli sér saman á bíl norður, eða vinnufélagar.
Orlofsíbúðir eru margar á Akureyri sem hægt er að leigja.
Við stefnum á að byrja dagskrá kl. 10 um morguninn og
hætta ekki seinna en kl 17:00. Síðan verður hátíðar-
kvöldverður um kvöldið og auðvitað væri gaman ef sem
flestir ráðstefnagestir sæju sér fært að taka þátt.
Vonumst til að sjá ykkur sem flestar þann 5. maí
2018 á Akureyri.
Fyrir hönd undirbúningsnefndar
Sigfríður Inga Karlsdóttir, ljósmóðir
LJÓSMÆÐRADAGURINN Á ALÞJÓÐADEGI LJÓSMÆÐRA
RÁÐSTEFNA Á AKUREYRI 5. MAÍ 2018
Í tilefni af því að Norðurlandsdeild Ljósmæðrafélags Íslands verður fimmtíu ára
árið 2018 verður ráðstefna Ljósmæðrafélagsins haldin á Akureyri á næsta ári.
Við viljum hvetja ljósmæður til þess að taka daginn frá og stefna að því að fjölmenna norður.
Dagskráin er í mótun og verið er að vinna í því að fá einn til tvo erlenda fyrirlesara á ráðstefnuna.
Lausnir TM Software eru notaðar daglega af þúsundum heilbrigðisstarfs-
manna á öllum helstu heilbrigðisstofnunum landsins s.s. sjúkrahúsum,
stofum sérfræðilækna, heilsugæslum, hjúkrunarheimilum auk apóteka.
Við erum leiðandi í hugbúnaði fyrir heilbrigðiskerfið
www.tmsoftware.is | Borgartúni 37, 105 Reykjavík | 545 3000