Mosfellingur - 12.01.2017, Blaðsíða 8

Margir tilnefndir til
Mosfellings ársins
Mosfellingum gafst kostur á að
tilnefna þá sem þeim þóttu verðugir
að hljóta nafnbótina Mosfellingur
ársins. Margir voru tilnefndir
í gegnum heimasíðu blaðsins
Mosfellingur.is. Mörg skemmtileg
ummæli fylgdu með, eins og sjá má
hér að neðan.
Ísfold Kristjánsdóttir
- Fyrir ötula baráttu sína við krabba-
mein, manngæsku og góðvild í garð
allra sem á hennar vegi verða.
Agnes Wild og Sigrún Harðardóttir
- Þessar stelpur hafa gert svo mikið
fyrir listina í bænum okkar. Og ekki
má gleyma þessu flotta videói og
lagi fyrir Í túninu heima.
Sveinn Sveinsson - Sveinn hefur
um árabil verið umsjónarmaður
útisvæðis á Reykjalundi.
Viktor Elí Sturluson - Frábær
íþróttamaður, ávallt með jákvætt
viðhorf og bros á vör.
Hlynur Chadwick - Hann er
óeigingjarn í íþróttastarfi bæjarins.
Séra Arndís Linn - Hún er vel liðin
af öllum og þjónar hagsmunum
bæjarbúa af miklum sóma.
Ívar Benediktsson - Góður drengur
og réttsýnn. Er líka í Gufufélaginu.
Bjarki Már Sverrisson – Fyrir öll
þau ár sem hann hefur starfað hér
og í leiðinni þjálfað alla Mosfellinga.
Magnús Már Einarsson - Einn
færasti íþróttafréttamaður landsins
síðustu ár og frammistaða hans á
Evrópumótinu var rosaleg.
Ragnheiður Ríkharðsdóttir
- Framúrskarandi stjórnmálamaður,
rökföst og málefnaleg og auk þess
frábær íslenskukennari.
Þórir Gunnarsson, Listapúkinn
- Fyrir að vera jákvæður og hvetj-
andi listamaður.
Svava Ýr Baldvinsdóttir – Hefur
stuðlað að íþróttaiðkun Mosfellinga
um árabil, jafnt ungra sem aldinna.
Einar Scheving - Mjög einfalt,
maðurinn hefur stutt Aftureldingu í
handbolta í gegnum súrt og sætt.
Hilmar Gunnarsson - Fyrir að
halda úti flottasta bæjarblaði lands-
ins og virkni hans í samfélaginu.
Guðbjörg Fanndal Torfadóttir
- Hefur af ósérhlífni og elju eflt
barna og unglingastarf knattspyrnu-
deildar Aftureldingar síðustu ár.
Iðunn Dögg Gylfadóttir
- Ung kona sem missti eiginmann
sinn í vor. Hefur haldið sterk áfram
og m.a. staðið fyrir og borið ábyrgð
á undirskriftasöfnun vegna lokunar
sólarhringsvaktar heilsugæslunnar.
Halla Karen Kristjánsdóttir
- Jákvæðari og lífsglaðari konu
er varla hægt að finna, hún er
snillingur í að hvetja fólk áfram
í að ná markmiðum sínum.
Nonni í Mosskógum - Fyrir að
halda úti skemmtilegum útimarkaði
yfir sumartímann sem hefur vakið
athygli um allt land.
- Fréttir úr Mosfellsbæ8
Útskriftarhátíð FMOS fór fram miðvikudaginn 21. desember 2016 og voru útskrifaðir sam-
tals 23 nemendur með stúdentspróf. Af félags- og hugvísindabraut útskrifuðust 7 nemend-
ur, af náttúruvísindabraut útskrifuðust 4 nemendur og 12 af opinni stúdentsbraut.
Hæstu einkunn á stúdentsprófi fékk Birta Lind Atladóttir en hún fékk viðurkenningu við
athöfnina fyrir framúrskarandi árangur í dönsku, ensku, efnafræði, íslensku, líffræði- og
umhverfisfræði, spænsku og stærðfræði. Viðurkenningu fyrir góðan árangur í eðlisfræði fékk
Helga Eyþórsdóttir og hún fékk einnig viðurkenningu fyrir góðan árangur í spænsku. Viður-
kenningu fyrir góðan árangur í félags- og hugvísindagreinum fékk Sunneva Hjaltalín.
Útskriftarnemendur frá FMOS. Efri röð frá vinstri: Viktor Emile C Gauvrit, Óskar Smári Haraldsson, Tómas Árni Kristinsson, Gunnar Páll Ægisson, Stefán
Þórarinsson, Óskar Samúel Ingvarsson, Stefán Hinriksson, Nikulás Árni Olgeirsson. Miðjuröð frá vinstri: Kjalar Óðinsson, Birta Lind Atladóttir, Jóhanna
Helga Jensdóttir, Kristrún Heiða Jónsdóttir,Bryndís Rut Óskarsdóttir, Natalía Blær Jóhannsdóttir, Sigurður Jóel Sigurðsson Wiium. Neðsta röð frá vinstri:
Guðrún Guðjónsdóttir, Helga Eyþórsdóttir, Guðrún Aagata Jakobsdóttir, Margrét Edda Magnúsdóttir, Sunneva Hjaltalín, Dagný Huld Birgisdóttir, Sara Lissý
Chontosh, Guðbjörg Aðalbergsdóttir skólameistari. Á myndina vantar Herdísi Ingu Óskarsdóttur.
Útskriftarhátíð Framhaldsskólans í Mosfellsbæ fyrir jól
FMOS útSkriFaði
23 neMendur
dúx skólans
Birta lind
Þorrablót Aftureldingar fer fram laugardag-
inn 21. janúar. Að vanda fer blótið fram í
íþróttahúsinu að Varmá og opnar húsið
kl. 19. Miðasala og borðaúthlutun verður
föstudaginn 13. janúar á Hvíta Riddaranum
og hefst kl. 18.
„Þetta er í tíunda sinn sem blótið er
haldið í þessari mynd og það er svo til
sama fólkið hefur verið í þorrablótsnefnd
öll þessi ár,“ segir Rúnar Bragi forseti þorra-
blótsnefndar.
„Undanfarin ár hefur verið uppselt og
færri komist að en viljað. Mikil stemning
hefur myndast við borðaúthlutunina en
þetta verður í fyrsta skipti sem miðasala
hefst á sama tíma. Einungis verður hægt
að taka frá sæti gegn keyptum miða.
Líkt og í fyrra verðum við bæði með lang-
borð og hringborð. Hringborðin eru seld
sem svokölluð VIP-borð en þau eru aðeins
seld í heilu lagi og þeim fylgja fljótandi
veigar og einhver forréttindi.“
Borðaskreytingar í hádeginu
Dagskráin er veigamikil og fjölbreytt en
að þessu sinni mun Logi Bergmann sjá um
veislustjórnina, Raggi Bjarna mun troða
upp og hljómsveitin Made in sveitin mun
leika fyrir dansleik með Hreim, Stefaníu
Svavars og Eyþór Inga í fararbroddi.
„Það mun verða mikið um dýrðir, Tríóið
Kókos mun taka vel á móti gestunum og
Geiri í Kjötbúðinni sér um veitingarnar en
að vanda munu allir finna eitthvað við sitt
hæfi. Auk hefðbundins þorramatar mun
Geiri bjóða upp á lambalæri og með því.
Borðaskreytingar eru stór hluti af blóts-
haldinu hjá mörgum hópum og vitum við
til þess að undirbúningur er víða hafinn.
Við erum alltaf með óháða dómnefnd, en
vinningsborðið fær bæði farand- og eignar-
bikar. Skreytingarnar fara fram á blótsdegi
kl. 12-13:30,“ segir Rúnar Bragi.
Allar upplýsingar um blótið má finna á
Facebook síðunni Þorrablót Aftureldingar.
Þorrablót Aftureldingar haldið í íþróttahúsinu 21. janúar
Stærsta innahúss-
samkoma ársins
Glaðir Gestir við
komuna að varmá
metnaður í
skreytinGum