Mosfellingur - 12.01.2017, Blaðsíða 22

- Stærsti auglýsinga- og fréttamiðill í Mosfellsbæ22
Mörg ef ekki flest sálfræðileg
vandamál má með einum eða
öðrum hætti tengja við laka eða
neikvæða sjálfsmynd. Vissulega
má rökræða hvort sé orsök og
hvort sé afleiðing en burtséð frá
því er ljóst að jákvæð sjálfsmynd
er mikilvæg fyrir hamingjuríkt
og farsælt líf.
Oft er talað um að börn, og þá sér-
staklega unglingar, séu í leit að sjálfum
sér. Þótt sumum kunni að finnast orða-
lagið skrýtið er þetta ekki svo fjarri lagi
því þegar við þroskumst eflist tilfinning
okkar fyrir því hver við erum og sjálfs-
myndin mótast. Persónueinkenni koma
stöðugt betur í ljós og við lærum á styrk-
leika okkar og veikleika.
Sjálfsmynd er í raun allar þær hug-
myndir sem einstaklingur hefur um
sjálfan sig og hvað honum finnst um
sjálfan sig. Öll reynsla hefur áhrif á og
mótar skoðanir barna um þau sjálf. Það
hvernig aðrir bregðast við þeim, þeirra
eigin viðbrögð í ólíkum aðstæðum og
þær ímyndir sem haldið er að þeim í
samfélaginu öllu hefur áhrif á þá mynd
sem þau hafa af sjálfum sér.
Meðvitaður og ómeðvitaður
samanburður á því hver þau
eru og hver þau vildu vera eða
við aðra sem þau vildu gjarnan
líkjast litar sjálfsmynd þeirra.
Til að myndin verði litrík og
falleg og börnunum líði vel í
eigin skinni er mikilvægt að
þau séu hvött til dáða, þeim sé hrósað
þegar við á og þau finni vel hvað okkur
þykir vænt um þau. Hrós, bros, faðmlag
og vinalegt viðmót skiptir miklu máli
þegar kemur að því að styrkja jákvæða
sjálfsmynd barna á mótunarárunum.
Öllum er okkur nauðsynlegt að lifa
í sátt við eigin persónu – og umhverfi
okkar. Gott sjálfstraust og trú á eigin
getu eru ein öflugasta forvörnin gegn
áhættuhegðun og besta tryggingin fyrir
vellíðan og velgengni í lífinu. Stuðlum
því markvisst að jákvæðri sjálfsmynd
barna okkar og eflum sjálfstraust þeirra
á allan þann hátt sem okkur er unnt.
 HuldaSólrúnGuðmundsdóttir,
 sálfræðingurogforeldri
Í sátt við sjálfan sig
SkólaSkrifStofa moSfellSbæjar
Skóla
hornið
LITLI
SKIPTIBÓKAMARKAÐURINN
2017
„ÞÍN BÓK, MÍN BÓK – BÆKURNAR OKKAR“
Litli skiptibókamarkaðurinn fer fram í Bókasafni Mosfellsbæjar
laugardaginn 21. janúar frá kl. 14 – 16.
Börnum á aldrinum 6 – 12 ára er boðið að koma með gömlu
bækurnar sínar sem þau eru hætt að lesa og velja sér aðrar í
staðinn.
Börnin fá afhentan miða með tölustaf sem gefur upp þann fjölda bóka sem þau koma með,
sýna svo miðann þegar þau eru búin að velja sér bækur, og geta þá tekið jafn margar með
sér heim.
Mikilvægt er að bækurnar séu vel með farnar og hreinar.
Markmiðið er að lengja líftíma bókanna, ýta undir áhuga barnanna á bókum og þar með
lestraráhuga.
Gott er að mæta tímanlega svo hægt sé að raða upp bókunum.
Bókasafnið Mosfellsbæ
©Disney
Bókasafn Mosfellsbæjar
SAFNANÓTT
Bókasafn Mosfellsbæjar tekur þátt í
SAFNANÓTT föstudaginn 3. febrúar
– nánar auglýst þegar nær dregur.
Bókasafn Mosfellsbæjar
Fræðslufundur
Fræðslufundir verða
reglulega í Bókasafninu
fram á vor.
Á fyrsta fræðslufundinn
kemur Þrúður Hjelm
skólastjóri og segir okk-
ur frá Krikaskóla.
Fræðslufundurinn er í
Bókasafninu fimmtu-
daginn 18. janúar kl. 16:30-17:30.
Heiti fyrirlestrarins er:
Krikaskóli - nýjar hugmyndir í fram-
kvæmd.
Fræðslufundurinn er ætlaður öllum
áhugasömum um skólamál.
Listasalur Mosfellsbæjar
Back up
Síðasta sýningarhelgi Andreu Arnarsdótt-
ur í Listasal Mosfellsbæjar. Sýningunni
Back up lýkur laugardaginn 14. janúar.
Endilega nýtið tækifærið og skoðið þessa
áhugaverðu sýningu Andreu.
Listasalur Mosfellsbæjar
Vetrardans
Sýningin Vetrardans þar sem Georg
Douglas sýnir málverk, verður opnuð
laugardaginn 21. janúar kl. 15. Myndirnar
á þessari sýningu
eru aðallega inn-
blásnar af írskum
dansi – og festa á
striga minningar
frá æskuárum
listamannsins
um kraftmikl-
ar hreyfingar,
glitrandi ljós,
skrautlega kjóla
og dúndrandi
írska tónlist.
Sýningin stendur til 11. febrúar og er opin
á afgreiðslutíma Bókasafns Mosfellsbæjar.
Skáldsagan Sjálfstætt fólk eftir Halldór
Laxness er talið vera hans helsta verk og er
jafnvel merkasta íslenska skáldsagan sem
gefin hefur verið út.
Aðalpersóna sögunnar, Bjartur í Sum-
arhúsum, hefur jafnan verið umdeild og
hefur ekki beint fallið í kramið hjá nem-
endum í FMOS frekar en mörgum öðrum
sem lesið hafa söguna. Flestir hafa fundið
honum allt til foráttu og það kannski ekki
að ástæðulausu.
„Við í íslenskunni í FMOS ákváðum að
fara þá leið að setja upp sýndarréttarhöld
yfir Bjarti til þess að fá nemendur, a.m.k.
þá sem eru í verjendahópnum, til þess að
draga fram hans hlið á málunum.“
Skipað í hlutverk á verkefnadögum
Sýndarréttarhöldin eru haldin á svoköll-
uðum verkefnadögum sem eru í lok hverr-
ar annar. Þá fær hver áfangi tvisvar þrjá og
hálfan tíma til þess að vinna verkefni sem
miðar að því að ná fram þeim hæfnivið-
miðum sem áfanginn gengur út frá. Í þess-
um áfanga, sem er fjórði kjarnaáfanginn í
íslenskunni í FMOS, nýta nemendur fyrri
verkefnadaginn til að undirbúa sig sig fyrir
sjálf sýndarréttarhöldin.
Þá er skipað í hlutverk, hverjir verða
dómarar (ef hópurinn er stór er aðeins einn
dómari en þrír í kviðdómi), hverjir skipa
sækjendahópinn og hverjir verjandahóp-
inn. Þá eru einnig vitni, allt frá fjórum upp í
sex. Þar mæðir auðvitað mest á Bjarti sjálf-
um en önnur mikilvæg vitni eru Ásta Sól-
lilja, Hallbera, hreppstjórinn og/eða hrepp-
stjórafrúin og oft einhver utanaðkomandi,
t.d. kona úr kvenfélagi sveitarinnar til þess
að segja sitt álit á því sem er að gerast að
Sumarhúsum.
Nemendum hleypur kapp í kinn
Sýndarréttarhöldin yfir Bjarti hafa ver-
ið haldin allt frá árinu 2012. Sú hefð hefur
skapast að nemendur komi spariklæddir í
réttahöldin, og auðvitað einnig kennarinn.
Oft hleypur nemendum kapp í kinn meðan
hæst stendur en allir eru þó sáttir í lokin og
finnst þessi kennsluaðferð skemmtileg en
um leið bæði krefjandi og lærdómsrík.
Umsagnir nemenda hafa að langmestu
leyti verið jákvæð, margir eru stressaðir fyr-
ir réttarhöldin því þeir eru ekki alveg vissir
á því hvað þeir eru að fara út í en gleyma
sér fljótlega í hita leiksins og ganga léttir
og glaðir úr tímanum að réttarhöldunum
loknum.
Dæmi um umsagnir nemenda: „Það
er gott af fá sýn annarra á söguna. Maður
skilur hana betur. Er miklu betra en próf.“
„Verkefnið var mjög skemmtilegt og öðru-
vísi. Það var frekar krefjandi og hvatti okkur
til að vinna vel saman.“ „Vakti umræður.
Skemmtileg lærdómsaðferð, sýndi dýpri
hlið á bókinni.“
Réttað yfir Bjarti
í Sumarhúsum í FMOS
Sýndarréttarhöld í Framhaldsskólanum í Mosfellsbæ