Morgunblaðið - 04.09.2018, Qupperneq 6

6 FRÉTTIRInnlent
MORGUNBLAÐIÐ ÞRIÐJUDAGUR 4. SEPTEMBER 2018
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Baldur Arnarson
baldura@mbl.is
Áformað er að opna nýtt 162 her-
bergja hótel í Hallarmúla 2 snemma
á næsta áratug. Fjárfestarnir sem
byggja hótelið hafa samið við
Keahótelin um leigu á byggingunni
undir hótelrekstur.
Félagið HM2 ehf. fer með upp-
byggingu á lóðinni. Þar er nú versl-
unin Tölvutek á tveimur hæðum.
Húsið var byggt 1971. Nýbyggingin
verður 5 hæðir og með bílakjallara.
Þrír hluthafar eiga jafnan hlut í
HM2 ehf. Þeir heita Stefán Már
Stefánsson, Ellert Aðalsteinsson og
Elmar Freyr Jensen.
Hugsanlega opnað árið 2021
Ellert segir aðspurður að fram-
kvæmdir við nýja hótelið muni senni-
lega hefjast á næsta ári. Það verði
hugsanlega tilbúið árið 2021.
„Það er verið að svara athuga-
semdum frá hagsmunaaðilum í kjöl-
far grenndarkynningar. Málið er hjá
borginni. Það var búið að vinna að
þessu breytta deiliskipulagi með
borginni í heilt ár og skipulagið var
búið að samþykkja það. Síðan fór
þetta í auglýsingu og þá komu at-
hugasemdir eins og gengur og ger-
ist,“ segir Ellert um stöðu málsins.
Hann segir að 162 herbergi verði á
hótelinu. Nýbyggingin verði um
6.500 fermetrar og með um 50 bíla-
stæðum í kjallara. Það kosti millj-
arða að byggja svona hús.
„Við fjármögnum þetta sjálfir með
eigin fé og svo er bankinn með í
þessu líka. Við vorum búnir að fjár-
magna þetta verkefni áður en þessi
umræða varð svona neikvæð,“ segir
Ellert og vísar til neikvæðrar um-
ræðu um stöðu ferðaþjónustunnar.
Þá m.a. í kjölfar umræðu um stöðu
flugfélaganna. Hann segir horfur í
greininni vera bjartar til lengri tíma.
Mun jafna sig á næstunni
„Þetta er viss leiðrétting. Greinin
gat ekki vaxið svona hratt endalaust.
Ég skil áhyggjur bankanna og þeirra
sem eru að fjármagna verkefni í
ferðaþjónustu. Markaðurinn mun
hins vegar jafna sig á næstu mán-
uðum og á næsta ári. Bankarnir
munu endurmeta stöðuna og svo
heldur lífið áfram,“ segir Ellert.
Hann hefur byggt upp og þróað
atvinnuhúsnæði víða í Reykjavík.
Má þar nefna breytingar á Borgar-
túni 29. Byggðar voru tvær hæðir of-
an á húsið sem voru höfuðstöðvar
Virðingar um hríð. Þá kom hann að
breytingum á Borgartúni 33 sem nú
hýsir eitt útibúa Landsbankans,
ásamt því að þróa Borgartún 24. Þar
stendur til að reisa 65 íbúðir og at-
vinnuhúsnæði á jarðhæð. Reiturinn
er á horni Borgartúns og Nóatúns.
Keahótelin opna hótel í Hallarmúla
Teikning/Yrki arkitektar
Hallarmúli 2 Hótelið verður sunnan við Hilton Reykjavík Nordica.
 Fjárfestar byggja 162 herbergja hótel  Framkvæmdin mun kosta milljarða  Samið hefur verið
við Keahótelin um leigu á hótelinu  Einn fjárfesta gagnrýnir neikvæða umræðu um ferðaþjónustuna
Yrði 12. hótelið
» Keahótelin eru nú með 11
hótel víðsvegar um landið.
» Með nýju hóteli í Hallarmúla
2 væru Keahótelin orðin 12.
» Hótelið Reykjavík Lights
Hotel á Suðurlandsbraut 12 er
eitt Keahótelanna.
» Þar hafa verið kynntar hug-
myndir um stækkun hótelsins
til suðurs, inn að baklóð.
» Þar eru 105 herbergi og
myndu nokkrir tugir bætast við
með viðbyggingu.
Ágúst Ingi Jónsson
aij@mbl.is
Alþjóðlegar samningaviðræður um
nýjan alþjóðlegan hafréttarsamn-
ing um verndun og sjálfbæra nýt-
ingu líffræðilegrar fjölbreytni í
hafinu utan lögsögu ríkja hefst í
New York í dag. Þetta málefni
hefur verið til umræðu á vett-
vangi Sameinuðu þjóðanna í hálf-
an annan áratug, en samningurinn
yrði framkvæmdasamningur undir
hafréttarsamningi SÞ, eins og út-
hafsveiðisamningurinn. Ákveðnar
hafa verið fjórar samningalotur
um þetta efni á næstu tveim ár-
um.
Samráðshópur á vegum
stjórnvalda hefur undirbúið þátt-
töku Íslendinga í þessum við-
ræðum. Matthías Geir Pálsson,
lögfræðingur á alþjóða- og örygg-
isskrifstofu utanríkisráðuneyt-
isins, leiðir íslensku sendinefnd-
ina. Auk hans sækja fundina
fulltrúar frá atvinnuvega- og ný-
sköpunarráðuneytinu, umhverfis-
og auðlindaráðneytinu og Sam-
tökum fyrirtækja í sjávarútvegi.
Fyrirhugað er að fyrsta lotan
standi til 17. september.
Langur aðdragandi
Matthías rifjar upp að árið
2015 ákvað Allsherjarþing Sam-
einuðu þjóðanna að stefnt skyldi
að gerð slíks samnings og þá var
sett á stofn undirbúningsnefnd
sem lauk störfum í júlí í fyrra. Á
fundum hennar var reynt að af-
marka hvaða grunnþættir ættu að
fara inn í þennan samning, en
drög að samningstexta liggja ekki
fyrir. Á aðfangadag í fyrra sam-
þykkti Allsherjarþingið síðan
ályktun um að kalla saman alþjóð-
lega ríkjaráðstefnu til að hefja
samningaviðræður um samning
um verndun og sjálfbæra nýtingu
líffræðilegs fjölbreytileika hafsins
utan lögsögu ríkja (BBNJ).
Reiknað er með að í fyrstu
lotunni verði farið yfir sviðið og
línur lagðar. Forseti ráðstefn-
unnar, Rena Lee, sendiherra frá
Singapúr, hefur að sögn Matthías-
ar unnið gott starf við undirbún-
ing og lagt fram leiðbeinandi skjal
varðandi skipulag umræðna.
Matthías segir að í upphafi
hafi Íslendingar efast um nauðsyn
þessa samnings þar sem í gildi séu
ýmsar alþjóðlegar reglur á úthaf-
inu. „Hins vegar eftir að ákveðið
var að stefna að samningi hafa ís-
lensk stjórnvöld tekið fullan þátt í
undirbúningi,“ segir hann.
Gríðarstórt hafsvæði
„Við höfum horft á þetta
verkefni raunhæft, en ekki viljað
búa til kerfi sem ekki virkar. Við
höfum ekki áhuga á risastórri
stofnun og hnattrænu kerfi, held-
ur viljum við byggja á svæðis-
bundinni nálgun. Við teljum mik-
ilvægt að svona samningur verði
að veruleika og viljum samning
sem allir geta verið aðilar að.
Skilgreining á líffræðilegri
fjölbreytni í úthöfunum er mjög
víðtæk og í raun gæti allt líf í út-
höfunum fallið þar undir. Til við-
bótar er svæðið sem samningurinn
mun gilda á gríðarstórt, það er út-
höfin sem ná yfir helminginn af
jörðinni og hafa að geyma um 90%
af vatnsmassa hafanna,“ segir
Matthías. Samkvæmt ályktun alls-
herjarþingsins á þessi samningur
hins vegar ekki að grafa undan
öðrum samningum, hafréttarsamn-
ingi eða úthafsveiðisamningi, sem
nú þegar eru í gildi.
Samningalota um nýjan
hafréttarsamning
Unnið að nýjum samningi Matthías Geir Pálsson flytur ræðu um haf-
réttarmál á vettvangi Sameinuðu þjóðanna í New York í desember 2017.
 Ísland vill byggja á svæðisbundinni nálgun  Yrði
framkvæmdasamningur undir hafréttarsamningi SÞ
Framundan er umfangsmikill leið-
angur með áherslu á magn og út-
breiðslu loðnu. Á grundvelli niður-
staðna þessa leiðangurs verður gefin
út ráðgjöf um loðnuveiðar í vetur.
Jafnframt verður margvíslegum
öðrum rannsóknum sinnt, meðal
annars á vistkerfinu, og verður reynt
að leggja mat á fjölda hvala og sjó-
fugla á loðnuslóð.
Auk íslensku rannsóknaskipanna
Árna Friðrikssonar og Bjarna Sæ-
mundssonar taka Grænlendingar
þátt í verkefninu og hafa þeir tekið
norskt, vel tækjum búið uppsjávar-
skip á leigu. Fyrsta skipið fer út á
fimmtudag, en síðan fara þau hvert
af öðru og er áætlað að leiðangurinn
taki þrjár vikur. Um borð í öllum
skipunum verða sérstakir hvalataln-
ingarmenn.
Að sögn Þorsteins Sigurðsson,
sviðsstjóra uppsjávarsviðs Hafrann-
sóknastofnunar, verður loðnu leitað
við Austur-Grænland, úti fyrir Norð-
urlandi og norður í höf, en í fyrra
fannst loðna á þessum árstíma langt
fyrir norðan Jan Mayen. Frá árinu
2010 hefur loðna verið norðar við
Austur-Grænland heldur en áður
hefur verið talið og áhersla verið
lögð á að reyna að komast norður
fyrir það sem talin voru endamörk
útbreiðslunnar. aij@mbl.is
Morgunblaðið/Börkur Kjartansson
Loðnuvertíð Hoffellið frá Fáskrúðsfirði á miðunum síðasta vetur.
Leita loðnu og
meta fjölda hvala