Morgunblaðið - 04.09.2018, Qupperneq 17

Segir stefnu stjórnar
May leiða til ósigurs
Boris Johnson, fyrrverandi utan-
ríkisráðherra Bretlands, gagnrýndi
stefnu stjórnar Theresu May for-
sætisráðherra í viðræðunum um
brexit í grein í breska dagblaðinu
The Telegraph í gær.
Johnson sagði af sér sem utan-
ríkisráðherra í júlí eftir að ráðherrar
í ríkisstjórn Íhaldsflokksins náðu
málamiðlunarsamkomulagi um
stefnu stjórnarinnar í viðræðunum
um útgöngu Bretlands úr Evrópu-
sambandinu. Samkvæmt samkomu-
lagi stjórnarinnar eiga reglur ESB
um frjálst flæði varnings og land-
búnaðarafurða að gilda í Bretlandi
eftir útgönguna. Um 60 af 316 þing-
mönnum Íhaldsflokksins eru andvíg-
ir því að Bretland verði áfram í innri
markaði og tollabandalagi ESB og
bundið af reglum þess. Þeir óttast að
samkomulagið verði til þess að
samningamenn ESB krefjist fleiri
tilslakana af hálfu Breta í viðræðun-
um.
Tuttugu þingmannanna áréttuðu
andstöðu sína í sameiginlegri yfirlýs-
ingu í gær og sögðu að ef samkomu-
lagið næði fram að ganga í viðræðun-
um við ESB kæmi það í veg fyrir að
Bretland gæti gert fríverslunar-
samninga við önnur lönd. Þar að auki
myndi það aðskilja Norður-Írland
frá öðrum hlutum Bretlands og
Bretar yrðu áfram bundnir af niður-
stöðum dómstóls Evrópusambands-
ins.
Boris Johnson segir í greininni að
breska stjórnin fari í „orrustuna með
hvítan fána blaktandi á forystu-
skriðdrekanum“. „Niðurstaðan er
óhjákvæmilega sigur Evrópusam-
bandsins,“ segir hann og bætir við að
stærsta „hneykslið“ sé ekki að
stjórnin hafi lotið í lægra haldi held-
ur að hún hafi ekki einu sinni reynt
að hafa betur í viðræðunum.
Engar nýjar tillögur
Talsmaður Theresu May sagði að í
grein Johnsons kæmu ekki fram
neinar nýjar tillögur og kvaðst telja
að hægt yrði að ná stefnu stjórnar-
innar fram í viðræðum við ESB og
tryggja henni meirihlutastuðning á
breska þinginu. Minnihlutastjórnin
sem May myndaði eftir kosningar í
fyrra er háð stuðningi stærsta flokks
norðurírskra sambandssinna á
breska þinginu.
Bandamenn May í Íhaldsflokkn-
um gagnrýndu Johnson fyrir að veit-
ast að stjórninni án þess að leggja
fram raunhæfar tillögur um hvernig
leysa ætti deiluna um brexit innan
Íhaldsflokksins. bogi@mbl.is
 Johnson gagnrýnir markmið May í viðræðunum við ESB
Boris
Johnson
Theresu
May
FRÉTTIR 17Erlent
MORGUNBLAÐIÐ ÞRIÐJUDAGUR 4. SEPTEMBER 2018
TANGARHÖFÐA 13
VÉLAVERKSTÆÐIÐ
kistufell.com
Það er um 80% ódýrara að
skipta um tímareim miðað við
þann kostnað og óþægindi
sem verða ef hún slitnar
Hver er staðan á tíma-
reiminni í bílnum þínum?
Hringdu og pantaðu
tíma í síma
577 1313
PON Pétur O. Nikulásson ehf.
Melabraut 21, 220 Hafnarfjörður | Sími: 580 0110 | pon.is
skotbómulyftara
AG línan frá Manitou býður meðal
annars upp á nýtt ökumannshús
með góðu aðgengi og útsýni.
HANNAÐUR TIL AÐ
VINNA VERKIN
NÝ KYNSLÓÐ
• DSB stjórntakkar
• JSM stýripinni í fjaðrandi armi
• Stýrð stjórnun og hraði á
öllum glussahreyfingum
• Virk dempun á bómu
Stjórnvöld í Brasilíu sögðu í gær að ómetanlegt tjón
hefði orðið þegar bygging þjóðminjasafns landsins í Rio
de Janeiro brann í fyrrinótt. „Tjónið er óbætanlegt,“
sagði menningarmálaráðherrann Sergio Sa Leitao. „Lít-
ið eða ekkert er eftir af höllinni og sýningargripunum.“
Aðstoðarþjóðminjavörður Brasilíu sagði stjórnvöld
bera ábyrgð á brunanum vegna þess að þau hefðu skert
ríkisframlögin til safnsins á síðustu árum.
Ekki er vitað um orsök eldsins, sem breiddist mjög
hratt út því að mikið var af eldfimum efnum í bygging-
unni, að sögn slökkviliðsins í borginni. Ekki er vitað til
þess að eldurinn hafi valdið manntjóni.
Í byggingunni voru m.a. grískir, rómverskir og
egypskir fornmunir, auk muna frá fjögurra alda tímabili
í sögu Brasilíu, frá komu Portúgala þangað á sextándu
öld og þar til lýst var yfir stofnun fyrsta brasilíska lýð-
veldisins árið 1889. Í safninu var einnig stærsti loftsteinn
sem fundist hefur í Brasilíu, 5,3 tonn að þyngd.
AFP
Óbætanlegt tjón í þjóðminjasafni
Stokkhólmi. AFP. | Svíþjóð er í
fimmta sæti á lista yfir Evrópulönd
þar sem meðalævilengd íbúanna er
mest og landið er á meðal ríkja þar
sem hlutfall þeirra sem lifa af
krabbamein er hæst. Traust Svía á
heilbrigðiskerfinu, einum af horn-
steinum sænska velferðarríkisins,
hefur hins vegar minnkað sökum
þess að biðlistar hafa lengst vegna
skorts á læknum og hjúkrunarfræð-
ingum.
„Svíar hafa litla trú á því að
stjórnmálamennirnir leysi þetta,“
segir Lisa Pelling, aðalsérfræðingur
hugveitunnar Arena Idé í rann-
sóknum á velferðarkerfinu. „Hætta
er á að traust þeirra á velferðar-
kerfinu dvíni.“
Mikilvægasta kosningamálið
Samkvæmt skoðanakönnunum
telja Svíar aðganginn að heilbrigðis-
þjónustu vera mikilvægasta mál-
efnið í þingkosningunum í Svíþjóð á
sunnudaginn kemur. Kannanirnar
benda einnig til þess að stærsti
flokkurinn, Sósíaldemókratar, fái þá
minnsta kjörfylgi sitt í rúma öld og
að þjóðernissinnarnir Svíþjóðar-
demókratar auki fylgi sitt verulega.
Fylgisaukningin er einkum rakin til
stefnu flokksins í innflytjendamálum
og gagnrýni hans á straum hælisleit-
enda, sem hann segir að sligi vel-
ferðarkerfið.
Samkvæmt sænskum lögum eiga
sjúklingar ekki að þurfa að bíða
lengur en í 90 daga eftir skurð-
aðgerð eða þjónustu sérfræðilækna
en um þriðjungur sjúklinganna þarf
að bíða lengur.
Biðin eftir aðgerð eða þjónustu er
mismikil í þeim rúmlega tuttugu
sýslum sem bera ábyrgð á fjár-
mögnun sjúkrahúsanna. Til að
mynda var biðin eftir aðgerð vegna
krabbameins í blöðruhálskirtli að
meðaltali 120 dagar í landinu öllu, en
271 dagur í Västerbotten í norðan-
verðu landinu.
Ráðnir tímabundið
Samkvæmt lögunum eiga Svíar að
geta fengið þjónustu heimilislæknis
innan viku. Margir Svíar kvarta yfir
því að þeir séu ekki lengi með sama
heimilislækninn vegna þess að
margir læknar og hjúkrunarfræð-
ingar heilsugæslustöðva séu ráðnir
til starfa tímabundið á vegum starfs-
mannaleiga. Skortur er á hjúkr-
unarfræðingum í um 80% heil-
brigðisstofnana í Svíþjóð.
Heidi Stenmyren, formaður sam-
taka sænskra lækna, segir að al-
gengt sé að fólk fái nýjan lækni þeg-
ar það leiti til heilsugæslustöðva og
af þeim sökum taki það lengri tíma
að meta ástand sjúklinga og fylgja
eftir fyrri meðferðum.
Einu fæðingardeildinni í Sollefteå,
20.000 manna bæ í norðanverðu
landinu, var lokað í sparnaðarskyni í
fyrra. Næsta fæðingardeild er í 200
kílómetra fjarlægð og ljósmæður
bjóða verðandi foreldrum upp á
fræðslu um hvernig standa eigi að
fæðingum í bílum því að nokkur
börn hafa fæðst á leiðinni á næsta
sjúkrahús.
Svíþjóð er í þriðja sæti á lista yfir
þau aðildarríki Evrópusambandsins
sem verja mestu fé í heilbrigðismál,
eða um 11% af vergri landsfram-
leiðslu, samkvæmt upplýsingum frá
Efnahags- og framfarastofnuninni,
OECD.
Óánægja í
Svíþjóð vegna
lengri biðlista
 Heilbrigðismálin í brennidepli
AFP
Viðvörun Skilti sem sett var upp til
að mótmæla lokun fæðingardeildar
í bænum Sollefteå í Norður-Svíþjóð.
Álagið eykst vegna
öldrunar þjóðarinnar
» Búist er við að álagið á heil-
brigðiskerfinu aukist á næstu
árum vegna fjölgunar aldraðra.
Gert er ráð fyrir að Svíum yfir
75 ára aldri fjölgi um 70.000 á
næstu fimm árum.
» Sósíaldemókratar hafa lofað
að verja þremur milljörðum
sænskra króna til að fjölga
starfsmönnum heilbrigðis-
stofnana. Hægriflokkurinn
Moderaterna vill hins vegar
setja ný lög sem umbuni
sýslum fyrir að stytta biðlista.
Hræ af tæplega
90 fílum hafa
fundist í ná-
grenni þekkts
þjóðgarðs í
Bótsvana, að því
er BBC hefur eft-
ir samtökunum
Fílar án landa-
mæra, sem eru
að rannsaka svæðið. Samtökin segja
að umfang fíladrápanna sé það
mesta sem sést hafi í Afríku. Stutt
er síðan veiðivörðum í Bótsvana var
gert að hætta að bera vopn.
Hvergi í heiminum er meira af fíl-
um en í Bótsvana og algengt er að
veiðiþjófar laumist yfir landamær-
in. Að sögn vísindamanna sem rann-
sökuðu hræin er stutt síðan fílarnir
voru drepnir og tennur þeirra tekn-
ar.
BÓTSVANA
Nær 90 fílar drepnir
nálægt þjóðgarði