Morgunblaðið - 21.09.2018, Side 2

2 FRÉTTIRInnlent
MORGUNBLAÐIÐ FÖSTUDAGUR 21. SEPTEMBER 2018
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
fyrir öll tölvurými og skrifstofur
Rafstjórn tekur út
og þjónustar kæli- og
loftræstikerfi
Kæling
Stangarhyl 1A • 110 Reykjavík • Sími 587 8890 • rafstjorn.is
Verð frá kr.
181.890 m/vsk
Guðni Einarsson
gudni@mbl.is
Norðurorka hf. á Akureyri vinnur
nú að því í samvinnu við Vaðlaheið-
argöng hf. að beisla kalda vatnið
sem sprettur fram úr misgengi inni í
jarðgöngunum í gegnum Vaðlaheiði.
„Við ætlum að nota þetta sem
neysluvatn fyrir Akureyringa,“
sagði Stefán H. Steindórsson, svið-
stjóri veitu- og tæknisviðs Norður-
orku. „Það er miðað við að taka
þarna 70 lítra á sekúndu. Þeir verða
notaðir fyrir almenning á svæðinu.“
Efnagreint í Svíþjóð
Þetta vatnsmagn fer nærri því að
fullnægja allt að helmingi notkunar
bæjarbúa á köldu vatni á vissum
tímum. Tekin voru heilsýni af vatn-
inu sem voru efnagreind í Svíþjóð.
Það reyndist vera eins og annað
vatn á Eyjafjarðarsvæðinu.
Norðurorka hefur útbúið safn-
kerfi í misgenginu þar sem vatnið
sprettur fram. Búið er að steypa
safnþró og verður vatnið leitt úr
henni 5,4 km leið út úr göngunum og
áfram aðra 4-5 km til Akureyrar.
Stefnt er að því að tengja uppsprett-
una í göngunum við vatnsveituna á
Akureyri árið 2020.
Aukin umferð hefur áhrif
„Það er ekki vatnsskortur á Ak-
ureyri. Mest af neysluvatni Akur-
eyringa er tekið úr Hlíðarfjalli.
Vatnsbólið á Vöglum í Hörgárdal
hefur verið notað til að fylla upp á ef
vantar. Við förum aðallega í þessar
framkvæmdir til að minnka þörf
okkar fyrir vatnsbólið á Vöglum.
Það liggur undir álagi vegna um-
ferðarinnar um Hörgárdal. Umferð-
in er að aukast og mengunarhættan
fer þess vegna vaxandi,“ sagði Stef-
án.
Varavatnsból verður tiltækt
Vatnið úr Vaðlaheiðargöngum
gerir að verkum að hægt verður að
taka Vaglabólið úr daglegri notkun.
Það verður hins vegar áfram tengt
og hægt að grípa til þess sem vara-
vatnsbóls ef þörf krefur.
Nýta neysluvatn úr göngunum
 Norðurorka og Vaðlaheiðargöng beisla kalda vatnið  Sér Akureyringum fyrir
70 sekúndulítrum  Leysir af hólmi vatnsból á Vöglum í Hörgárdal eftir tvö ár
Ljósmynd/Stefán Steindórsson
Vaðlaheiðargöng Búið er að setja upp safnkerfi og steypa safnþró fyrir
vatnið úr misgenginu. Vatnið verður leitt út úr göngunum og til Akureyrar.
Íbúar höfuðborgarsvæðisins gátu
séð í gærmorgun að snjóað hafði
í Esjunni, og var þetta fyrsta
vetrarfölið í fjallinu í haust. „Í
sjálfu sér er þetta sá tími sem
reikna má með að þetta gerist,“
segir Einar Sveinbjörnsson veð-
urfræðingur, og bætir við að
auðvitað sé munur á milli ára.
Nefnir Einar að hér áður fyrr
hafi fyrsti vetrarsnjórinn oftar
en ekki komið fyrr en nú. Hann
bætir við að ekki sé spáð neinni
úrkomu um helgina, þó að gera
megi ráð fyrir að það verði kalt.
Fölið sem nú er í Esjunni verður
því líklega horfið eftir helgi.
Einar bætir við að skaflinn í
Gunnlaugsskarði hafi ekki horfið
í sumar frekar en undanfarin ár.
„Ég held að það megi gefa það
út að úr þessu muni hann halda.“
Skaflinn bráðnaði á hverju
hausti upp úr aldamótum frá
2001 til 2010, en frá árinu 2011
hefur það bara gerst árið 2012
að hann lifi ekki sumarið af.
sgs@mbl.is
Fyrsti vetrarsnjórinn í Esjunni
 Skaflinn í
Gunnlaugsskarði
stóðst sumarið
Morgunblaðið/Eggert
Esjan Fyrsti vetrarsnjórinn í Esjunni blasti við íbúum höfuðborgarsvæðisins í gær. Ekki er von á úrkomu og verður fölið því líklega horfið á næstu dögum.
Veronika Steinunn Magnúsdóttir
veronika@mbl.is
Síðastliðinn miðvikudag var ákveðið
að heimila lausagöngu katta í þéttbýli
í Norðurþingi, en hún hefur frá árinu
2008 verið óheimil í sveitarfélaginu.
Breytingin var samþykkt á sveit-
arstjórnarfundi með sex atkvæðum
gegn þremur.
Helena Eydís Ingólfsdóttir er með-
al þeirra sem greiddu atkvæði gegn
breytingunni, en hún segir vel hafa
tekist að banna lausagöngu katta og
lítil ástæða til að breyta lögunum.
„Það eru mjög skiptar skoðanir um
þetta í samfélaginu hjá okkur, hvort
þetta eigi að vera heimilt eða ekki.
Mín skoðun er sú að fyrirkomulagið
eins og það var hafi gengið mjög vel.“
Spurð hvers vegna ekki ætti að
heimila lausagöngu katta segir Hel-
ena: „Ýmis rök ganga í báðar áttir.
Til dæmis bara hreinlætismál sem
snúa að sandkössum fyrir börn og
fuglalíf líka. Við erum ekki ein um
þetta og ég held að mörg sveitarfélög
hafi horft til okkar,“ segir Helena.
Þess má geta að lausaganga katta í
þéttbýli er t.a.m. ekki leyfð í Árborg
og hefur málið verið til umræðu í
fleiri sveitarfélögum en Norðurþingi,
að sögn Helenu.
Guðbjartur Ellert Jónsson, fulltrúi
í sveitarstjórn Norðurþings, greiddi
einnig atkvæði gegn breytingunni.
Segir hann að lítið ákall eftir breyt-
ingum á þessum lögum hafi verið í
samfélaginu. „Það voru sett lög gegn
lausagöngu katta hér fyrir nokkrum
árum og ég skynjaði það svo í sam-
félaginu að fólk væri mjög ánægt með
það. Ég sá engin tilefni til að fara að
breyta því. Ekki það að ég hafi neitt á
móti gæludýrum en óneitanlega hef-
ur þetta haft áhrif og það hefur verið
rætt um það að kettir fara í sand-
kassa og aðra hluti.“
Kettir nú leyfðir í bænum
Morgunblaðið/Ómar
Mjá Umdeilt er hvort leyfa eigi
lausagöngu katta í Norðurþingi.
 Tíu ára banni í
Norðurþingi aflétt
Ólafur Ragnar
Grímsson, fyrr-
verandi forseti
Íslands, greindi
frá því í viðtali
sínu við Loga
Bergmann Eiðs-
son, sem sýnt var
í Sjónvarpi Sím-
ans í gær, að
hann hefði afhent
Þjóðskjalasafni
Íslands um 250 kassa af skjölum.
Þar á meðal eru dagbækur og minn-
isbækur sem Ólafur Ragnar hélt í
forsetatíð sinni, og sagði hann að
þær myndu meðal annars varpa ljósi
á það hvers vegna hann synjaði Ice-
save-frumvarpinu staðfestingar á
sínum tíma.
Í viðtalinu kom einnig fram að
Þjóðskjalasafnið myndi setja ein-
hver tímamörk þar til skjölin yrðu
birt. Sagði Ólafur að hann hefði
haldið dagbækur frá því á mennta-
skólaárum sínum og að í þeim væri
að finna frásagnir af öllum helstu
samtölum sem hann hefði átt í for-
setatíð sinni. sgs@mbl.is
250 kassar
af skjölum
Ólafur Ragnar
Grímsson