Morgunblaðið - Sunnudagur - 21.10.2018, Blaðsíða 2

Hvers vegna uppistand?
„Mér hefur alltaf þótt gaman að grínast og fann nokkuð snemma að uppistands-
formið væri fín leið fyrir mig til að miðla gríni. Ég byrjaði að koma fram á við-
burðum í MR, meðan ég var þar við nám, og út frá því fór ég að fá beiðnir um
að skemmta í afmælum og slíku. Ég hélt áfram að þróa formið og í haust áttaði
ég mig á því að ég hafði enga ástæðu til að bíða með að þreyta frumraun mína á
sviði. Nú er bara að henda sér út í djúpu laugina.“
Hverjar eru áherslurnar í gríninu?
„Ég er nýorðinn tvítugur og skoða heiminn vitaskuld með þeim augum.
Hvernig var að vera í menntaskóla og hvernig er að byrja í háskóla,
en ég hóf nám í stjórnmálafræði í haust. Margir tengja við þetta,
ungir sem aldnir. Ég skoða líka þjóðfélagið sem við búum í út frá
minni persónu og í því sambandi eru viðfangsefnin nokkuð al-
menn.“
Hefurðu áhuga á pólitík?
„Já, það hef ég og þjóðfélagsumræðu almennt og samskiptum
fólks. Ég nálgast grínið þó ekki út frá mínum pólitísku skoð-
unum heldur út frá orðræðunni almennt. Við erum öll mennsk
og hægt er að finna eitthvað fyndið í öllum stjórnmála-
mönnum.“
Hverjar eru grínfyrirmyndir þínar?
„Ég er fæddur á svipuðum tíma og Jón Gnarr var að gera
„Ég var einu sinni nörd“ og ég hef fylgst mikið með honum
gegnum tíðina. Síðan er Mið-Ísland-hópurinn auðvitað orð-
inn klassískur. Ég ferðaðist nýlega um Bretland og sá
nokkrar uppistandssýningar og fattaði þá enn betur hvað
við búum vel hér heima; eigum uppistandara í mjög
háum gæðaflokki.“
Þú ert titlaður „alþýðumaður“ í síma-
skránni. Er einhver saga á bak við
það?
„Í raun ekki. Þetta er bara eitthvað sem mér
þótti fyndið þegar ég var yngri og hef haldið
mig við það. Ætli ég sé ekki bara óbreyttur
alþýðumaður?Annars er ég ánægðastur
með að þú hafir veitt þessu athygli; fólk
gerir það almennt ekki.“
Hefurðu áhuga á að leggja
uppistandið fyrir þig í
framtíðinni?
„Já, ég hef tvímælalaust áhuga á
því. Best er þó líklega að bíða
eftir viðtökum og sjá hvernig
þetta þróast.“
Morgunblaðið/Eggert
JAKOB BIRGISSON
SITUR FYRIR SVÖRUM
Út í djúpu laugina
Í FÓKUS
2 MORGUNBLAÐIÐ SUNNUDAGUR 21.10. 2018
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Helgi Snær Sigurðsson helgisnaer@mbl.is Inga Rún Sigurðardóttir ingarun@mbl.is
Júlía Margrét Alexandersdóttir julia@mbl.is Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is
T il eru persónur sem taka yfir heilu herbergin, salina og jafnvel húsinmeð nærveru sinni. Þær þurfa ekki endilega að segja neitt, gera neitt,bara anda. Svo sterk er nærvera þeirra. Ég fór að hugsa um þetta
þegar Kári Kristján Kristjánsson, handboltamaður í ÍBV, brokkaði inn á
gólfið á Varmá í Mosfellsbæ í vikunni. Mínir menn í Aftureldingu höfðu tögl
og hagldir í leiknum framan af en þá sá þjálfari Eyjamanna ástæðu til að
skipta Kára inn á. Og vogaraflið snerist á punktinum á sveif með gestunum.
Ekki er nóg með að Kári sé maður í tröllslíki, nánast tveir menn í einum,
áran yfir honum er alveg fáránlega sterk. Sogar fyrirhafnarlaust til sín alla
athygli viðstaddra. Síðan byrjaði hann raunar að raða inn mörkum en það var
bara bónus fyrir Eyjamenn.
„Jæja, þarna kemur kyntröllið,“ gall í áhorfanda fyrir aftan mig; karl-
manni sem leit ekki eitt augnablik út fyrir að vera í „hinu liðinu“. Ég veit ekki
hvort það er beinlínis kynorka en all-
tént fylgir einhver orka Kára. Óræð
orka. Það er klárt mál. Ekki var ann-
að að sjá en að hann tæki yfir leikinn
– með augunum. Togaði í streng og
annan.
Seinna í leiknum féll Kári í gólfið,
með að minnsta kosti þrjá varnar-
menn Aftureldingar á bakinu; sú
bylta hlýtur að hafa komið fram á
skjálftamælum Veðurstofu Íslands.
„Er það Katla?“ hefur vaktmaðurinn
galað, náhvítur í framan. „Er það
Katla?“
Ég þekki Kára ekki neitt og hef
satt best að segja ekki kynnst mörg-
um svona mönnum gegnum tíðina.
Einn kemur þó strax upp í hugann:
Jón Ásgeirsson, tónskáld og tónlistargagnrýnandi þessa blaðs í áratugi.
Maður fann alltaf þegar hann var kominn í hús niðri á gamla Mogga í Kringl-
unni, jafnvel þótt maður hvorki heyrði hann né sæi. Hann var bara kominn.
Það gustaði af Jóni og gerir vísast enn en tónskáldið hélt upp á níræðis-
afmæli sitt á dögunum. Um nokkurra ára skeið tók ég gjarnan við dómum
hans á ritstjórninni sem hann kom með á Macintosh-diskum og það löngu eft-
ir að tölvupóstur kom til sögunnar. Jón var raunar með fyrstu mönnum til að
koma sér upp netfangi en lokaði því snarlega skömmu síðar. Hvers vegna?
Jú, fólk var alltaf að senda honum póst, þannig að enginn tími gafst til að
kompónera. Tæknin getur strítt manni á marga lund.
Einatt var glatt á hjalla þegar Jón stakk við stafni á ritstjórninni. Og ekki
var verra að hafa aðra goðsögn, Braga heitinn Ásgeirsson, listmálara og
-rýni, á svæðinu. Sagnamaðurinn Jón hlóð þá í og gleymdi gjarnan að Bragi
var heyrnarlaus og þurfti að sjá varirnar á honum hreyfast til að fá einhvern
botn í sögurnar. Jón sagði frá með öllum líkamanum, fetti sig og bretti, þann-
ig að þeir félagar snerust hvor í kringum annan á gólfinu. Óborganlegt stöff
og ógleymanlegt öllum þeim sem þar voru staddir.
Til hamingju með afmælið, kæri Jón! Okkar Kári.
Morgunblaðið/Hari
Ára yfir Kára
Pistill
Orri Páll
Ormarsson
orri@mbl.is
’Seinna í leiknum féllKári í gólfið, með aðminnsta kosti þrjávarnarmenn Aftureld-
ingar á bakinu; sú bylta
hlýtur að hafa komið
fram á skjálftamælum
Veðurstofu Íslands.
Ronja Sif Björk
Við í bekknum verðum með
hrekkjavökuball. Ég er ekki búin að
ákveða hvað ég ætla að vera en síð-
ast var ég köttur.
SPURNING
DAGSINS
Gerir þú
eitthvað í
tilefni af
komandi
hrekkja-
vöku?
Nína Karen Víðisdóttir
Sjálf tek ég ekki mikinn þátt en fjöl-
skylda mín gerir það. Í bænum mín-
um, Reykjanesbæ, skreyta allir og
krakkar ganga í hús.
Sandra Guðný Víðisdóttir
Vinkona mín er mjög dugleg að
farða sig og aðra fyrir hrekkjavöku
og farðar mig alltaf.
Ari Emin Björk
Ég er vanur að fara í hrekkjavöku-
partí hjá vini mínum en hann heldur
svoleiðis partí á hverju ári.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Meistari Jakob er frumraun Jakobs Birgissonar í uppistandi
á Hard Rock Café í Reykjavík á föstudaginn kemur. Uppselt
er kl. 22 en enn er hægt að fá miða kl. 19.30 á Tix.is. Að
uppistandi loknu verður partí og munu Joey Christ og
Sturla Atlas taka lagið.